§18.53.1ἡμεῖς δὲ διεληλυθότες τὰ περὶ Ἀντίγονον μεταβιβάσομεν τὴν ἀναγραφὴν ἐπὶ τὰ συμβάντα περὶ Εὐμενῆ.
우리는 안티고노스에 관한 일들을 다 다루었으므로, 이제 서술을 에우메네스에게 일어난 사건들로 옮기고자 한다.
οὗτος γὰρ μεγάλαις καὶ παραδόξοις μεταβολαῖς χρώμενος διετέλεσεν ἀεὶ παρʼ ἐλπίδας ἀγαθῶν τε καὶ κακῶν μεταλαμβάνων.
그는 거대하고도 예상치 못한 변화들을 겪으면서, 늘 기대를 벗어나 좋은 일들과 나쁜 일들을 모두 나누어 가졌기 때문이다.
§18.53.2πρὸ μὲν γὰρ τούτων τῶν καιρῶν συναγωνιζόμενος Περδίκκᾳ τε καὶ τοῖς βασιλεῦσιν ἔλαβε σατραπείαν Καππαδοκίαν καὶ τοὺς συνορίζοντας ταύτῃ τόπους, ἐν οἷς μεγάλων δυνάμεων καὶ πολλῶν χρημάτων κυριεύσας περιβόητον ἔσχε τὴν εὐτυχίαν.
이 시기 이전에는 그가 페르디카스 및 왕들과 함께 싸우면서 카파도키아 총독령과 이에 인접한 지역들을 얻었으며, 그곳에서 거대한 군세와 많은 자금을 장악하여 그의 행운은 널리 알려지게 되었다.
§18.53.3κρατερὸν μὲν γὰρ καὶ Νεοπτόλεμον, διωνομασμένους ἡγεμόνας καὶ τὰς ἀνικήτους τῶν Μακεδόνων ἔχοντας δυνάμεις, ἐνίκησε παρατάξει καὶ αὐτοὺς κατὰ τὴν μάχην ἀνεῖλεν.
참으로 그는 널리 알려진 장군들이자 마케도니아인들의 무적의 군세를 거느리고 있던 크라테로스와 네오프톨레모스를 회전에서 격파하고 전투 중에 그들 자신을 처단했다.
§18.53.4δόξας δὲ ἀνυπόστατος εἶναι τηλικαύτης ἐπειράθη μεταβολῆς ὥστε ὑπʼ Ἀντιγόνου μεγάλῃ παρατάξει λειφθῆναι καὶ μετʼ ὀλίγων φίλων ἀναγκασθῆναι καταφυγεῖν εἴς τι χωρίον παντελῶς μικρόν.
그는 대적할 자가 없는 인물로 여겨졌으나, 대단한 변화를 겪게 되었으니, 안티고노스에게 거대한 회전에서 패배하고 소수의 동지들과 함께 지극히 협소한 어떤 곳으로 도망쳐 숨을 수밖에 없었던 것이다.
εἰς τοῦτο δʼ ἐγκλεισθεὶς καὶ περιληφθεὶς ὑπὸ τῶν πολεμίων διπλοῖς τείχεσιν οὐδένα βοηθὸν ἔσχε τῆς ἰδίας συμφορᾶς.
이곳에 갇히고 적들에게 이중의 장벽으로 포위된 그는 자신의 불행에 대해 아무런 원군도 얻지 못했다.
§18.53.5ἐνιαυσίου δʼ οὔσης τῆς πολιορκίας καὶ τῆς σωτηρίας ἀπογινωσκομένης ἄφνω παράδοξος λύσις ἐφάνη τῶν ἀτυχημάτων.
포위가 일 년 동안 지속되고 구원의 가망이 보이지 않던 때에, 홀연히 불행으로부터의 뜻밖의 해결책이 나타났다.
ὁ γὰρ πολιορκῶν τὸν Εὐμενῆ καὶ σπεύδων ἀνελεῖν Ἀντίγονος ἐκ μεταβολῆς παρεκάλεσεν αὐτὸν πρὸς κοινοπραγίαν καὶ λαβὼν διὰ τῶν ὅρκων τὰς πίστεις τῆς πολιορκίας ἀπελύθη.
에우메네스를 포위하고 그를 없애버리려 서두르던 안티고노스가 마음을 바꾸어 그를 공동 행동으로 초대했고, 맹세를 통해 보증을 얻은 후 그(에우메네스)는 포위에서 풀려났기 때문이다.
§18.53.6μετὰ δέ τινα χρόνον ἀνελπίστως διασωθεὶς τότε μὲν περὶ τὴν Καππαδοκίαν διέτριβεν ἀναλαμβάνων τοὺς προγεγονότας φίλους καὶ τοὺς κατὰ τὴν χώραν πλανωμένους τῶν συνεστρατευκότων αὐτῷ πρότερον.
그 후 뜻밖에 살아남은 그는, 당시에는 카파도키아 주변에 머물며 이전의 동지들과 전에 그와 함께 종군했던 이들 중 그 지역을 떠돌던 이들을 다시 규합하고 있었다.
ἀγαπώμενος δὲ διαφερόντως ταχὺ πολλοὺς ἔσχε κοινωνοὺς τῶν αὐτῶν ἐλπίδων καὶ πρὸς τὴν μετʼ αὐτοῦ στρατείαν ὑπακούοντας.
그는 각별히 사랑받았기에, 금세 같은 희망을 공유하는 많은 동료들과 그와 함께하는 군사 행동에 따르는 자들을 얻었다.
§18.53.7τέλος δὲ ἐν ὀλίγαις ἡμέραις χωρὶς τῶν ἐν τῷ φρουρίῳ συμπεπολιορκημένων φίλων πεντακοσίων ἔσχε στρατιώτας ἐθελοντὶ ὑπακούοντας πλείους τῶν δισχιλίων.
결국 며칠 지나지 않아, 요새에서 함께 포위되어 있던 오백 명의 동지들 외에, 자발적으로 복종하는 군사를 이천 명 이상 얻게 되었다.
τῆς τύχης δʼ αὐτῷ συνεργούσης τηλικαύτην ἔλαβεν αὔξησιν ὥστε παραλαβεῖν τὰς βασιλικὰς δυνάμεις καὶ προστῆναι τῶν βασιλέων πρὸς τοὺς καταλύειν αὐτῶν τὴν ἀρχὴν τετολμηκότας.
행운이 그를 도왔기에, 그는 왕실의 군대를 인수하고 그들의 지배를 전복하려 획책하는 자들에 맞서 왕들의 수호자로 나설 수 있을 만큼 엄청난 성장을 이루었다.
ἀλλὰ ταῦτα μὲν μικρὸν ὕστερον ἀκριβέστερον διέξιμεν ἐν τοῖς οἰκείοις καιροῖς.
하지만 이 일들에 대해서는 조금 뒤 적절한 시기에 더 자세히 서술하도록 하겠다.