§18.14.1κατὰ δὲ τὴν Ἀσίαν τῶν μεμερισμένων τὰς σατραπείας Πτολεμαῖος μὲν ἀκινδύνως παρέλαβε τὴν Αἴγυπτον καὶ τοῖς μὲν ἐγχωρίοις φιλανθρώπως προσεφέρετο, παραλαβὼν δὲ ὀκτακισχίλια τάλαντα μισθοφόρους ἤθροιζε καὶ δυνάμεις παρεσκευάζετο·
아시아에서는 사트라페이아를 분배받은 자들 중에서 프톨레마이오스가 아무런 위험 없이 이집트를 넘겨받았으며 현지 주민들에게 친절하게 대했다. 그리고 팔천 탈란톤을 인수하자 용병들을 모으고 군세를 갖추었다.
συνέτρεχε δὲ καὶ φίλων πλῆθος πρὸς αὐτὸν διὰ τὴν ἐπιείκειαν.
또한 그의 온화함 덕분에 많은 친구들도 그에게 몰려들었다.
§18.14.2πρὸς δὲ Ἀντίπατρον διαπρεσβευόμενος κοινοπραγίαν συνέθετο, σαφῶς εἰδὼς ὅτι Περδίκκας ἐπιβαλεῖται παρελέσθαι τὴν τῆς Αἰγύπτου σατραπείαν.
또한 그는 페르디카스가 이집트 사트라페이아를 빼앗으려 획책할 것임을 명백히 알고 있었기에, 안티파트로스에게 사절을 보내 공동 투쟁을 약속했다.
Λυσίμαχος δʼ ἐπιβαλὼν τοῖς κατὰ τὴν Θρᾴκην τόποις καὶ καταλαβὼν Σεύθην τὸν βασιλέα κατεστρατοπεδευκότα πεζοῖς μὲν δισμυρίοις, ἱππεῦσι δʼ ὀκτακισχιλίοις οὐ κατεπλάγη τὸ μέγεθος τῆς δυνάμεως.
한편 리시마코스는 트라키아 지방에 진입하여 왕 세우테스가 보병 이만 명, 기병 팔천 명과 함께 진을 치고 있는 것을 발견했으나, 그 군세의 거대함에 기가 죽지 않았다.
ἔχων δὲ τοὺς σύμπαντας πεζοὺς μὲν οὐ πλείους τῶν τετρακισχιλίων, ἱππεῖς δὲ δισχιλίους συνῆψε μάχην τοῖς βαρβάροις.
그는 통틀어 보병 사천 명 이하와 기병 이천 명만을 거느렸음에도 야만인들과 전투를 벌였다.
§18.14.3ταῖς μὲν οὖν ἀνδραγαθίαις προεῖχεν αὐτῶν, τοῖς δὲ πλήθεσι λειπόμενος καρτερὰν μάχην συνεστήσατο καὶ πολλοὺς μὲν τῶν ἰδίων ἀποβαλών, πολλαπλασίους δʼ ἀποκτείνας ἐπανῆλθεν εἰς τὴν στρατοπεδείαν ἀμφίδοξον ἔχων τὴν νίκην.
그리하여 그는 용맹함에서는 그들보다 앞섰지만 수세에서 밀렸기 때문에 맹렬한 전투를 치렀고, 아군을 많이 잃었으나 그보다 몇 배나 많은 적을 사살한 뒤 승패가 불분명한 채로 진영으로 철수했다.
§18.14.4τότε μὲν οὖν ἐχωρίσθησαν ἐκ τῶν τόπων αἱ παρʼ ἀμφοτέροις δυνάμεις καὶ παρασκευὰς μείζους ἐποιοῦντο πρὸς τὴν τῶν ὅλων ἐπίθεσιν.
그때에는 양측의 군대가 그 지역에서 철수하여 총력전을 위한 더 대대적인 준비를 갖추었다.
Λεοννάτος δέ, παραγενομένου πρὸς αὐτὸν Ἑκαταίου πρεσβευτοῦ καὶ δεομένου βοηθῆσαι τὴν ταχίστην Ἀντιπάτρῳ καὶ Μακεδόσιν, ἐπηγγείλατο συμμαχήσειν.
한편 레온나토스는 헤카타이오스가 사절로 자신을 찾아와 안티파트로스와 마케도니아인들을 시급히 구원해 달라고 간청하자, 동맹군으로 참전할 것을 약속했다.
§18.14.5διαβὰς οὖν εἰς τὴν Εὐρώπην καὶ καταντήσας εἰς Μακεδονίαν προσελάβετο πολλοὺς στρατιώτας Μακεδόνας·
그리하여 그는 유럽으로 건너가 마케도니아에 도착한 뒤 많은 마케도니아 군사들을 추가로 모집했다.
ἀθροίσας δὲ τοὺς ἅπαντας πεζοὺς μὲν πλείους τῶν δισμυρίων, ἱππεῖς δὲ χιλίους καὶ πεντακοσίους προῆγεν διὰ τῆς Θετταλίας ἐπὶ τοὺς πολεμίους.
그리고 통틀어 보병 이만 명 이상, 기병 천오백 명을 모은 후 테살리아를 거쳐 적들을 향해 진격했다.