§5.82.1τὴν δʼ ἀντιπέρας τῶν νήσων κατʼ ἐκείνους τοὺς καιροὺς συνέβη διὰ τὸν κατακλυσμὸν μεγάλας καὶ δεινὰς κατασχεῖν ἀτυχίας·
한편, 그 섬들의 건너편 지역에서는 그 당시 대홍수로 인해 크고 끔찍한 불행이 그 땅을 덮치는 일이 일어났다.
διὰ μὲν γὰρ τὰς ἐπομβρίας ἐπὶ πολλοὺς χρόνους ἐφθαρμένων τῶν καρπῶν σπάνις τε τῶν ἐπιτηδείων ὑπῆρχε καὶ λοιμικὴ κατάστασις ἐπεῖχε τὰς πόλεις διὰ τὴν τοῦ ἀέρος φθοράν.
폭우로 인해 오랫동안 작물이 망가진 탓에 생활필수품이 부족해졌고, 공기의 오염으로 인해 역병이 도시들을 덮쳤기 때문이다.
§5.82.2αἱ δὲ νῆσοι διαπνεόμεναι καὶ τὸν ἀέρα παρεχόμεναι τοῖς ἐνοικοῦσιν ὑγιεινόν, ἔτι δὲ τοῖς καρποῖς ἐπιτυγχάνουσαι, ἀεὶ μᾶλλον εὐπορίας ἔγεμον, καὶ ταχὺ τοὺς κατοικοῦντας αὐτὰς μακαρίους ἐποίησαν.
반면 섬들은 바람이 잘 통하고 주민들에게 건강한 공기를 제공하며, 게다가 농작물도 풍작을 이루어, 더욱더 풍요로움으로 가득 찼고, 빠르게 그곳의 주민들을 행복하게 만들었다.
διὸ καὶ μακάρων ὠνομάσθησαν νῆσοι, τῆς εὐπορίας τῶν ἀγαθῶν αἰτίας γενομένης τῆς προσηγορίας.
그리하여 그 섬들은 ‘지복자의 섬들’이라 불리게 되었으니, 온갖 좋은 것들의 풍요로움이 그 명칭의 원인이 되었기 때문이다.
§5.82.3ἔνιοι δέ φασιν αὐτὰς μακάρων νήσους ὠνομάσθαι ἀπὸ Μακαρέως ὑπὸ τῶν παίδων τούτων δυναστευσάντων.
그러나 어떤 이들은 이 섬들을 지배했던 마카레우스의 자녀들에 의해, 마카레우스의 이름을 따서 ‘마카레우스의 섬들’이라 명명된 것이라고 말한다.
καθόλου δʼ αἱ προειρημέναι νῆσοι διήνεγκαν εὐδαιμονίᾳ μάλιστα τῶν σύνεγγυς κειμένων οὐ μόνον κατὰ τοὺς ἀρχαίους χρόνους, ἀλλὰ καὶ κατὰ τὴν ἡμετέραν ἡλικίαν·
대체로 앞서 말한 섬들은 고대뿐만 아니라 우리 시대에 이르러서도 인근의 다른 대부분의 섬보다 번영 면에서 뛰어났다.
§5.82.4ἀρετῇ γὰρ χώρας καὶ τόπων εὐκαιρίαις, ἔτι δʼ ἀέρων κράσει, καλλιστεύουσαι κατὰ λόγον καλοῦνται καὶ πρὸς ἀλήθειαν εἰσὶν εὐδαίμονες.
땅의 우수함과 입지의 유리함, 게다가 기후의 온화함에 있어 빼어나므로, 당연히 그렇게 불릴 만하며 실제로도 번영하고 있기 때문이다.
αὐτὸς δʼ ὁ Μακαρεὺς ἐν τῇ Λέσβῳ βασιλεύων νόμον ἔγραψε πολλὰ τῶν κοινῇ συμφερόντων περιέχοντα, ὠνόμασε δʼ αὐτὸν λέοντα, ἀπὸ τῆς τοῦ ζῴου δυνάμεως καὶ ἀλκῆς θέμενος τὴν προσηγορίαν.
마카레우스 자신은 레스보스를 다스릴 때 공동의 이익에 부합하는 많은 내용을 담은 법률을 제정하였는데, 그 동물의 힘과 용맹함에 기인하여 명칭을 붙여 그것을 ‘사자’라고 불렀다.