§5.51.1ὁ δʼ Ἀλωεὺς ἐπὶ ζήτησιν τῆς τε γυναικὸς καὶ τῆς θυγατρὸς ἐξέπεμψε τοὺς υἱοὺς Ὦτον καὶ Ἐφιάλτην·
알로에우스는 아내와 딸을 찾기 위해 아들들인 오토스와 에피알테스를 보냈다.
οἳ πλεύσαντες εἰς τὴν Στρογγύλην μάχῃ τε ἐνίκησαν τοὺς Θρᾷκας καὶ τὴν πόλιν ἐξεπολιόρκησαν.
그들은 스트롱길레로 항해하여 전투에서 트라키아인들을 이겼고 그 도시를 포위 공격하여 함락시켰다.
§5.51.2εἶτα ἡ μὲν Παγκράτις ἐτελεύτησεν, οἱ δὲ περὶ τὸν Ὦτον καὶ Ἐφιάλτην ἐπεβάλοντο κατοικεῖν ἐν τῇ νήσῳ καὶ ἄρχειν τῶν Θρᾳκῶν·
그 후 판크라티스는 죽었고, 오토스와 에피알테스의 무리는 그 섬에 정착하여 트라키아인들을 지배하려고 꾀했다.
μετωνόμασαν δὲ καὶ τὴν νῆσον Δίαν.
그리고 그들은 섬의 이름을 디아로 바꾸었다.
ὕστερον δὲ στασιάσαντες πρὸς ἀλλήλους καὶ μάχην συνάψαντες τῶν τε ἄλλων πολλοὺς ἀπέκτειναν καὶ ἀλλήλους ἀνεῖλον, ὑπὸ δὲ τῶν ἐγχωρίων εἰς τὸν λοιπὸν χρόνον ὡς ἥρωες ἐτιμήθησαν.
그러나 나중에 그들은 서로 내분을 일으켜 싸움을 벌였고, 다른 많은 사람들을 죽이고 서로를 죽였는데, 현지인들에 의해 그 후의 세대 동안 영웅으로 숭배되었다.
§5.51.3οἱ μὲν οὖν Θρᾷκες ἐνταῦθα κατοικήσαντες ἔτη πλείω τῶν διακοσίων ἐξέπεσον αὐχμῶν γενομένων ἐκ τῆς νήσου.
트라키아인들은 이곳에 이백 년 이상 살았으나 섬에 가뭄이 생겨 쫓겨나게 되었다.
μετὰ δὲ ταῦτα Κᾶρες ἐκ τῆς νῦν καλουμένης Λατμίας μεταναστάντες ᾤκησαν τὴν νῆσον·
그 뒤에 오늘날 라트미아라 불리는 곳에서 이주해 온 카리아인들이 이 섬에 살게 되었다.
ὧν βασιλεύσας Νάξος ὁ Πολέμωνος ἀντὶ Δίας Νάξον ἀφʼ ἑαυτοῦ προσηγόρευσεν.
그들의 왕이 된 폴레몬의 아들 낙소스는 디아 대신 자신의 이름을 따서 섬을 낙소스라고 불렀다.
ἐγένετο δʼ ἀνὴρ ἀγαθὸς καὶ ἐπιφανὴς ὁ Νάξος, καὶ ἀπέλιπεν υἱὸν Λεύκιππον· οὗ γενόμενος υἱὸς Σμέρδιος ἐβασίλευσε τῆς νήσου.
낙소스는 훌륭하고 뛰어난 인물이 되었으며 아들 레우키포스를 남겼고, 그의 아들 스메르디우스가 이 섬의 왕이 되었다.
§5.51.4ἐπὶ δὲ τούτου Θησεὺς ἐκ Κρήτης ἀναπλέων μετὰ τῆς Ἀριάδνης ἐπεξενώθη τοῖς ἐν τῇ νήσῳ·
그의 치세에 테세우스는 크레타로부터 아리아드네와 함께 항해해 와서 섬의 주민들에게 환대를 받았다.
καὶ κατὰ τὸν ὕπνον ἰδὼν τὸν Διόνυσον ἀπειλοῦντα αὐτῷ, εἰ μὴ ἀπολείψει τὴν Ἀριάδνην αὐτῷ, φοβηθεὶς κατέλιπε καὶ ἐξέπλευσε.
그리고 잠결에 디오니소스가 아리아드네를 자신에게 남겨두고 떠나지 않으면 화를 입히겠다고 위협하는 것을 보고, 두려움에 그녀를 남겨두고 배를 타고 떠났다.
Διόνυσος δὲ νυκτὸς ἀπήγαγε τὴν Ἀριάδνην εἰς τὸ ὄρος τὸ καλούμενον Δρίος·
디오니소스는 밤에 아리아드네를 드리오스라 불리는 산으로 데려갔다.
καὶ ἐν ἀρχῇ μὲν ἠφανίσθη ὁ θεός, μετὰ δὲ ταῦτα καὶ ἡ Ἀριάδνη ἄφαντος ἐγενήθη.
그리고 처음에는 신이 사라졌고, 그 후에는 아리아드네 또한 보이지 않게 되었다.