§5.27.1κατὰ γοῦν τὴν Γαλατίαν ἄργυρος μὲν οὐ γίνεται τὸ σύνολον, χρυσὸς δὲ πολύς, ὃν τοῖς ἐγχωρίοις ἡ φύσις ἄνευ μεταλλείας καὶ κακοπαθείας ὑπουργεῖ.
어쨌든 갈라티아에서는 은은 전혀 나지 않지만, 금은 풍부하여 자연이 현지인들에게 광산 노동이나 노고 없이도 제공해 준다.
ἡ γὰρ τῶν ποταμῶν ῥύσις σκολιοὺς τοὺς ἀγκῶνας ἔχουσα, τοῖς τῶν παρακειμένων ὀρῶν ὄχθοις προσαράττουσα καὶ μεγάλους ἀπορρηγνῦσα κολωνούς, πληροῖ χρυσοῦ ψήγματος.
왜냐하면 강의 흐름은 굽이진 만곡부를 가지고 있어, 인접한 산들의 기슭에 부딪치며 거대한 흙더미를 깎아내어 [흐름을] 사금으로 채우기 때문이다.
§5.27.2τοῦτο δʼ οἱ περὶ τὰς ἐργασίας ἀσχολούμενοι συνάγοντες ἀλήθουσιν τὰς ἐχούσας τὸ ψῆγμα βώλους, διὰ δὲ τῶν ὑδάτων τῆς φύσεως τὸ γεῶδες πλύναντες παραδιδόασιν ἐν ταῖς καμίνοις εἰς τὴν χωνείαν.
그리고 이 작업에 종사하는 이들은 이것을 모아서 사금이 섞인 흙덩이를 빻고, 물의 성질을 이용하여 흙 성분을 씻어낸 뒤 용광로 속의 용해 작업으로 넘긴다.
§5.27.3τούτῳ δὲ τῷ τρόπῳ σωρεύοντες χρυσοῦ πλῆθος καταχρῶνται πρὸς κόσμον οὐ μόνον αἱ γυναῖκες, ἀλλὰ καὶ οἱ ἄνδρες.
이러한 방식으로 많은 양의 금을 쌓아 두고서, 여자들뿐만 아니라 남자들도 장식을 위해 이를 아낌없이 사용한다.
περὶ μὲν γὰρ τοὺς καρποὺς καὶ τοὺς βραχίονας ψέλια φοροῦσι, περὶ δὲ τοὺς αὐχένας κρίκους παχεῖς ὁλοχρύσους καὶ δακτυλίους ἀξιολόγους, ἔτι δὲ χρυσοῦς θώρακας.
그들은 손목과 팔 주위에는 팔찌를 차고, 목 주위에는 순금으로 된 두꺼운 목걸이와 예사롭지 않은 반지를 끼며, 나아가 금으로 된 흉갑까지 착용하기 때문이다.
§5.27.4ἴδιον δέ τι καὶ παράδοξον παρὰ τοῖς ἄνω Κελτοῖς ἐστι περὶ τὰ τεμένη τῶν θεῶν γινόμενον·
또한 내륙의 켈트인들 사이에서는 신들의 성역과 관련하여 특이하고도 놀라운 일이 일어난다.
ἐν γὰρ τοῖς ἱεροῖς καὶ τεμένεσιν ἐπὶ τῆς χώρας ἀνειμένοις ἔρριπται πολὺς χρυσὸς ἀνατεθειμένος τοῖς θεοῖς, καὶ τῶν ἐγχωρίων οὐδεὶς ἅπτεται τούτου διὰ τὴν δεισιδαιμονίαν, καίπερ ὄντων τῶν Κελτῶν φιλαργύρων καθʼ ὑπερβολήν.
그 땅에 성별된 신전과 성역에는 신들에게 봉헌된 많은 금이 흩어져 놓여 있는데, 켈트인들이 극도로 재물을 밝힘에도 불구하고, 현지인들은 종교적인 두려움 때문에 아무도 이것에 손을 대지 않기 때문이다.