§5.16.1ἡμεῖς δʼ ἀρκούντως εἰρηκότες περὶ τῆς Σαρδόνος διέξιμεν περὶ τῶν ἑξῆς κειμένων νήσων.
우리는 사르도에 대해 충분히 이야기했으므로, 다음으로 위치한 섬들에 대해 자세히 서술하겠다.
μετὰ γὰρ τὰς προειρημένας νῆσός ἐστιν ὀνομαζομένη μὲν Πιτυοῦσσα, τὴν δὲ προσηγορίαν ἔχουσα ἀπὸ τοῦ πλήθους τῶν κατʼ αὐτὴν φυομένων πιτύων.
앞서 언급한 섬들 다음에 피튀우사라 불리는 섬이 있는데, 그 섬은 그곳에서 자라는 소나무의 풍부함에서 그 명칭을 취했다.
πελαγία δʼ οὖσα διέστηκεν ἀπὸ μὲν Ἡρακλέους στηλῶν πλοῦν ἡμερῶν τριῶν καὶ τῶν ἴσων νυκτῶν, ἀπὸ δὲ Λιβύης ἡμέρας καὶ νυκτός, ἀπὸ δʼ Ἰβηρίας μιᾶς ἡμέρας· κατὰ δὲ τὸ μέγεθος παραπλήσιός ἐστι Κορκύρᾳ.
외해에 있는 이 섬은 헤라클레스의 기둥으로부터 사흘 낮과 밤의 항로, 리비아로부터는 하루 낮과 밤, 이베리아로부터는 하루의 거리에 떨어져 있으며, 크기 면에서는 코르큐라와 거의 비슷하다.
§5.16.2κατὰ δὲ τὴν ἀρετὴν οὖσα μετρία τὴν μὲν ἀμπελόφυτον χώραν ὀλίγην ἔχει, τὰς δʼ ἐλαίας ἐμπεφυτευμένας ἐν τοῖς κοτίνοις.
토지의 비옥함 면에서는 평범하여, 포도가 심어진 땅은 소량만 가지고 있고, 올리브는 야생 올리브 나무에 접목되어 심어져 있다.
τῶν δὲ φυομένων ἐν αὐτῇ καλλιστεύειν φασὶ τὴν μαλακότητα τῶν ἐρίων.
이 섬에서 생산되는 것들 중에서는 양모의 부드러움이 가장 뛰어난 것으로 전해진다.
διειλημμένη δὲ πεδίοις ἀξιολόγοις καὶ γεωλόφοις πόλιν ἔχει τὴν ὀνομαζομένην Ἔρεσον, ἄποικον Καρχηδονίων.
눈에 띄는 평야와 언덕들로 구획된 이 섬에는 에레소스라 불리는 도시가 있는데, 이는 카르타고인들의 식민 도시이다.
§5.16.3ἔχει δὲ καὶ λιμένας ἀξιολόγους καὶ τειχῶν κατασκευὰς εὐμεγέθεις καὶ οἰκιῶν πλῆθος εὖ κατασκευασμένων.
이 도시는 또한 훌륭한 항구들과 거대한 성벽 구조물들, 그리고 잘 지어진 많은 가옥을 갖추고 있다.
κατοικοῦσι δʼ αὐτὴν βάρβαροι παντοδαποί, πλεῖστοι δὲ Φοίνικες.
그곳에는 온갖 종류의 야만인들이 거주하고 있지만, 대부분은 페니키아인들이다.
ὁ δʼ ἀποικισμὸς αὐτῆς γέγονεν ὕστερον ἔτεσιν ἑκατὸν ἑξήκοντα τῆς κατὰ τὴν Καρχηδόνα κτίσεως.
이 도시의 식민은 카르타고 건국 후 백육십 년 뒤에 이루어졌다.