§4.30.1τότε δʼ ὁ Ἰόλαος καταστήσας τὰ περὶ τὴν ἀποικίαν, καὶ τὸν Δαίδαλον ἐκ τῆς Σικελίας μεταπεμψάμενος, κατεσκεύασεν ἔργα πολλὰ καὶ μεγάλα μέχρι τῶν νῦν καιρῶν διαμένοντα καὶ ἀπὸ τοῦ κατασκευάσαντος Δαιδάλεια καλούμενα.
그때 이올라오스는 식민지에 관한 일들을 정비하고 시켈리아에서 다이달로스를 불러와, 오늘날까지 남아 있으며 제작자의 이름을 따서 '다이달레이아'라 불리는 많고도 거대한 건축물들을 건설했다.
ᾠκοδόμησε δὲ καὶ γυμνάσια μεγάλα τε καὶ πολυτελῆ, καὶ δικαστήρια κατέστησε καὶ τἄλλα τὰ πρὸς τὴν εὐδαιμονίαν συντείνοντα.
또한 그는 크고도 사치스러운 체육관들을 짓고 재판소를 설치했으며, 그 밖에 번영에 기여하는 모든 것들을 정비했다.
§4.30.2ὠνόμασε δὲ καὶ τοὺς λαοὺς Ἰολαείους, ἀφʼ ἑαυτοῦ θέμενος τὴν προσηγορίαν, συγχωρησάντων τῶν Θεσπιαδῶν, καὶ δόντων αὐτῷ τοῦτο τὸ γέρας καθαπερεί τινι πατρί.
그는 또한 사람들을 자신의 이름을 따서 '이올라에이오이'라 명명했는데, 이는 테스피오스 자손들이 동의하여 그에게 마치 아버지에게 하듯 이러한 영예를 베풀었기 때문이다.
διὰ γὰρ τὴν πρὸς αὐτοὺς σπουδὴν ἐπὶ τοσοῦτʼ εὐνοίας προήχθησαν ὥστʼ ἐπώνυμον αὐτῷ περιθεῖναι τὴν τοῦ γονέως προσηγορίαν·
그들에 대한 그의 헌신 덕분에 그들은 매우 큰 호의를 품게 되어 그에게 부친의 칭호를 부여하기에 이르렀던 것이다.
διόπερ ἐν τοῖς ὕστερον χρόνοις οἱ τὰς θυσίας τελοῦντες τούτῳ τῷ θεῷ προσαγορεύουσιν αὐτὸν Ἰόλαον πατέρα, καθάπερ οἱ Πέρσαι τὸν Κῦρον.
그리하여 후대에 이 신에게 제사를 지내는 사람들은 페르시아인들이 키루스를 부르는 것처럼 그를 '아버지 이올라오스'라 부른다.
§4.30.3μετὰ δὲ ταῦτα ὁ μὲν Ἰόλαος ἐπανιὼν εἰς τὴν Ἑλλάδα, καὶ προσπλεύσας τῇ Σικελίᾳ, οὐκ ὀλίγον χρόνον διέτριψεν ἐν τῇ νήσῳ.
이 일들 후에 이올라오스는 그리스로 돌아가던 중 시켈리아에 배를 대고, 그 섬에서 적지 않은 시간을 보냈다.
καθʼ ὃν δὴ χρόνον καί τινες τῶν συναποδημούντων αὐτῷ διὰ τὸ κάλλος τῆς χώρας κατέμειναν ἐν τῇ Σικελίᾳ, καὶ τοῖς Σικανοῖς καταμιγέντες ἐν ταύτῃ κατῴκησαν, τιμώμενοι διαφερόντως ὑπὸ τῶν ἐγχωρίων.
바로 그 시기에 동행하던 자들 중 일부는 그 땅의 아름다움 때문에 시켈리아에 머물렀으며, 시카노이족과 혼합되어 그곳에 정착하여 원주민들로부터 매우 극진한 대접을 받았다.
ὁ δʼ Ἰόλαος μεγάλης ἀποδοχῆς τυγχάνων καὶ πολλοὺς εὐεργετῶν ἐν πολλαῖς τῶν πόλεων ἐτιμήθη τεμένεσι καὶ τιμαῖς ἡρωικαῖς.
한편 이올라오스는 큰 환대를 받고 많은 이들에게 은혜를 베풀어 여러 도시에서 성역과 영웅적 영예를 얻어 공경받았다.
§4.30.4ἴδιον δέ τι καὶ παράδοξον συνέβη γενέσθαι κατὰ τὴν ἀποικίαν ταύτην· ὁ μὲν γὰρ θεὸς ἔχρησεν αὐτοῖς ὅτι πάντες οἱ τῆς ἀποικίας ταύτης μετασχόντες καὶ οἱ τούτων ἔκγονοι διατελέσουσιν ἅπαντα τὸν αἰῶνα διαμένοντες ἐλεύθεροι, τὸ δʼ ἀποτέλεσμα τούτων ἀκολούθως τῷ χρησμῷ διέμεινε μέχρι τῶν καθʼ ἡμᾶς καιρῶν.
이 식민과 관련하여 기이하고도 기묘한 일이 일어났는데, 신이 그들에게 이 식민에 참여한 모든 이들과 그 후손들은 영원토록 자유로운 상태로 남게 될 것이라는 신탁을 내렸고, 그 일들의 결과는 신탁에 따라 우리 시대까지 고스란히 지속되었기 때문이다.
§4.30.5οἱ μὲν γὰρ λαοὶ διὰ τὸ πλῆθος τοῦ χρόνου, πλειόνων τῶν βαρβάρων ὄντων τῶν μετεσχηκότων τῆς ἀποικίας, ἐξεβαρβαρώθησαν, καὶ μεταστάντες εἰς τὴν ὀρεινὴν ἐν ταῖς δυσχωρίαις κατῴκησαν, ἐθίσαντες δʼ ἑαυτοὺς τρέφεσθαι γάλακτι καὶ κρέασι καὶ πολλὰς ἀγέλας κτηνῶν τρέφοντες οὐκ ἐπεδέοντο σίτου·
왜냐하면 사람들은 오랜 세월이 흐르면서 식민에 참여한 야만인의 수가 더 많았기 때문에 야만화되었고, 산악 지대로 이주하여 험준한 곳에 정착했기 때문이다.
κατασκευάσαντες δʼ οἰκήσεις ἑαυτοῖς καταγείους καὶ τὴν τοῦ βίου διεξαγωγὴν ἐν τοῖς ὀρύγμασι ποιούμενοι τοὺς ἐκ τῶν πολέμων κινδύνους ἐξέφυγον.
그들은 스스로 우유와 고기를 먹는 것에 익숙해지고 많은 가축 떼를 길렀기에 곡물을 필요로 하지 않았으며, 지하에 거처를 마련하고 굴 속에서 생활을 영위함으로써 전쟁의 위험을 모면했다.
§4.30.6διὸ καὶ πρότερον μὲν Καρχηδόνιοι, μετὰ δὲ ταῦτα Ῥωμαῖοι πολλάκις πολεμήσαντες τούτοις τῆς προθέσεως διήμαρτον.
그리하여 이전에는 카르타고인들이, 그 이후에는 로마인들이 그들과 자주 전쟁을 치렀으나 뜻을 이루지 못했다.
καὶ περὶ μὲν Ἰολάου καὶ Θεσπιαδῶν, ἔτι δὲ τῆς ἀποικίας τῆς εἰς Σαρδόνα γενομένης ἀρκεσθησόμεθα τοῖς ῥηθεῖσι, περὶ δʼ Ἡρακλέους τὰ συνεχῆ τοῖς προειρημένοις προσθήσομεν.
이올라오스와 테스피오스 자손들, 그리고 사르도로 이루어진 식민에 관해서는 지금까지 언급된 것으로 충분히 삼고, 헤라클레스에 관해서는 앞서 말한 것들에 이어지는 내용을 덧붙이도록 하겠다.