§4.10.1μετὰ δὲ ταῦτα ἡ μὲν Ἥρα δύο δράκοντας ἀπέστειλε τοὺς ἀναλώσοντας τὸ βρέφος, ὁ δὲ παῖς οὐ καταπλαγεὶς ἑκατέρᾳ τῶν χειρῶν τὸν αὐχένα σφίγξας ἀπέπνιξε τοὺς δράκοντας.
그 뒤에 헤라는 아기를 삼켜 버리게 하려고 두 마리의 뱀을 보냈으나, 아이는 겁먹지 않고 양손으로 각각의 목을 졸라 뱀들을 질식시켜 죽였다.
διόπερ Ἀργεῖοι πυθόμενοι τὸ γεγονὸς Ἡρακλέα προσηγόρευσαν, ὅτι δι’ Ἥραν ἔσχε κλέος, Ἀλκαῖον πρότερον καλούμενον.
그리하여 아르고스인들은 이 사건을 전해 듣고, 전에는 알카이오스라고 불리던 그를, 헤라 덕분에 명성을 얻었다는 이유로 헤라클레스라 불렀다.
τοῖς μὲν οὖν ἄλλοις οἱ γονεῖς τοὔνομα περιτιθέασι, τούτῳ δὲ μόνῳ ἡ ἀρετὴ τὴν προσηγορίαν ἔθετο.
다른 이들에게는 부모가 이름을 지어 주지만, 오직 그에게만은 그의 덕성이 그 이름을 부여해 주었던 것이다.
§4.10.2μετὰ δὲ ταῦτα ὁ μὲν Ἀμφιτρύων φυγαδευθεὶς ἐκ Τίρυνθος μετῴκησεν εἰς Θήβας·
그 뒤에 암피트뤼온은 티린스에서 추방당해 테베로 이주했다.
ὁ δʼ Ἡρακλῆς τραφεὶς καὶ παιδευθεὶς καὶ μάλιστʼ ἐν τοῖς γυμνασίοις διαπονηθεὶς ἐγένετο ῥώμῃ τε σώματος πολὺ προέχων τῶν ἄλλων ἁπάντων καὶ ψυχῆς λαμπρότητι περιβόητος, ὅς γε τὴν ἡλικίαν ἔφηβος ὤν πρῶτον μὲν ἠλευθέρωσε τὰς Θήβας, ἀποδιδοὺς ὡς πατρίδι τὰς προσηκούσας χάριτας.
한편 헤라클레스는 양육되고 교육을 받았으며, 특히 체육관에서 고된 훈련을 쌓음으로써 육체의 힘에서 다른 모든 사람들을 훨씬 능가하게 되었고, 정신의 탁월함으로 명성을 떨치게 되었다. 그는 청년 나이였을 때 제일 먼저 테베를 해방시켰으니, 자신의 조국과 다름없는 그곳에 마땅한 은혜를 갚았던 것이다.
§4.10.3ὑποτεταγμένων γὰρ τῶν Θηβαίων Ἐργίνῳ τῷ βασιλεῖ τῶν Μινυῶν, καὶ κατʼ ἐνιαυτὸν ὡρισμένους φόρους τελούντων, οὐ καταπλαγεὶς τὴν τῶν δεδουλωμένων ὑπεροχὴν ἐτόλμησε πρᾶξιν ἐπιτελέσαι περιβόητον·
왜냐하면 테베인들은 미뉘아스인들의 왕 에르기노스에게 복속되어 매년 정해진 공세를 바치고 있었기 때문이다. 그는 자신들을 지배하던 자들의 우세함에 기죽지 않고 널리 회자될 대담한 거사를 실행에 옮겼다.
τοὺς γὰρ παραγενομένους τῶν Μινυῶν ἐπὶ τὴν ἀπαίτησιν τῶν δασμῶν καὶ μεθʼ ὕβρεως εἰσπραττομένους ἀκρωτηριάσας ἐξέβαλεν ἐκ τῆς πόλεως.
즉, 공세를 독촉하러 와서 오만한 태도로 이를 징수하던 미뉘아스인들의 손발을 자르고 코와 귀를 베어버린 뒤 성 밖으로 쫓아냈던 것이다.
§4.10.4Ἐργίνου δʼ ἐξαιτοῦντος τὸν αἴτιον, Κρέων βασιλεύων τῶν Θηβαίων, καταπλαγεὶς τὸ βάρος τῆς ἐξουσίας, ἕτοιμος ἦν ἐκδιδόναι τὸν αἴτιον τῶν ἐγκλημάτων.
에르기노스가 주모자의 인도를 요구하자, 테베의 왕 크레온은 그 권력의 중압감에 압도되어 범행을 저지른 자를 넘겨줄 준비를 하고 있었다.
ὁ δʼ Ἡρακλῆς πείσας τοὺς ἡλικιώτας ἐλευθεροῦν τὴν πατρίδα, κατέσπασεν ἐκ τῶν ναῶν τὰς προσηλωμένας πανοπλίας, ἃς οἱ πρόγονοι σκῦλα τοῖς θεοῖς ἦσαν ἀνατεθεικότες·
그러나 헤라클레스는 동년배들을 설득하여 조국을 해방시키기로 하고, 신전들에 못 박혀 고정되어 있던 무구 일체를 떼어 냈는데, 이것들은 조상들이 노획물로서 신들에게 바쳤던 것이었다.
οὐ γὰρ ἦν εὑρεῖν κατὰ τὴν πόλιν ἰδιωτικὸν ὅπλον διὰ τὸ τοὺς Μινύας παρωπλικέναι τὴν πόλιν, ἵνα μηδεμίαν λαμβάνωσιν οἱ κατὰ τὰς Θήβας ἀποστάσεως ἔννοιαν.
왜냐하면 미뉘아스인들이 그 도시의 무장을 해제해 버렸기 때문에 시내에서는 개인 소유의 무기를 찾아볼 수 없었기 때문인데, 이는 테베 주민들이 반란의 의도를 조금도 품지 못하게 하기 위함이었다.
§4.10.5ὁ δʼ Ἡρακλῆς πυθόμενος Ἐργῖνον τὸν βασιλέα τῶν Μινυῶν προσάγειν τῇ πόλει μετὰ στρατιωτῶν, ἀπαντήσας αὐτῷ κατά τινα στενοχωρίαν, καὶ τὸ μέγεθος τῆς τῶν πολεμίων δυνάμεως ἄχρηστον ποιήσας, αὐτόν τε τὸν Ἐργῖνον ἀνεῖλε καὶ τοὺς μετʼ αὐτοῦ σχεδὸν ἅπαντας ἀπέκτεινεν.
헤라클레스는 미뉘아스인들의 왕 에르기노스가 군대를 거느리고 도시로 진격해 오고 있다는 소식을 듣고, 어느 좁은 길목에서 그와 마주쳐 적군의 수적 우세를 무력화시켰으며, 에르기노스 자신을 격살하고 그와 함께 온 자들을 거의 다 죽였다.
ἄφνω δὲ προσπεσὼν τῇ πόλει τῶν Ὀρχομενίων καὶ παρεισπεσὼν ἐντὸς τῶν πυλῶν τά τε βασίλεια τῶν Μινυῶν ἐνέπρησε καὶ τὴν πόλιν κατέσκαψε.
그리고 오르코메노스인들의 도시를 급습하여 성문 안으로 난입한 뒤, 미뉘아스인들의 왕궁을 불태우고 그 도시를 완전히 파괴했다.
§4.10.6περιβοήτου δὲ τῆς πράξεως γενομένης καθʼ ὅλην τὴν Ἑλλάδα καὶ πάντων θαυμαζόντων τὸ παράδοξον, ὁ μὲν βασιλεὺς Κρέων θαυμάσας τὴν ἀρετὴν τοῦ νεανίσκου τήν τε θυγατέρα Μεγάραν συνῴκισεν αὐτῷ καὶ καθάπερ υἱῷ γνησίῳ τὰ κατὰ τὴν πόλιν ἐπέτρεψεν, Εὐρυσθεὺς δʼ ὁ τὴν βασιλείαν ἔχων τῆς Ἀργείας ὑποπτεύσας τὴν Ἡρακλέους αὔξησιν μετεπέμπετό τε αὐτὸν καὶ προσέταττε τελεῖν ἄθλους.
이 위업이 온 그리스에 널리 알려지고 모든 이들이 그 뜻밖의 일에 경탄하자, 크레온 왕은 그 청년의 뛰어난 기량에 감탄하여 딸 메가라를 그와 혼인시켰고, 친아들에게 하듯 도시의 행정을 그에게 위임했다. 한편 아르고스 지방의 왕권을 쥐고 있던 에우뤼스테우스는 헤라클레스의 세력 성장을 경계하여 그를 불러들였고, 노역을 수행하라고 명령했다.
§4.10.7οὐχ ὑπακούοντος δὲ τοῦ Ἡρακλέους, Ζεὺς μὲν ἀπέστειλε διακελευόμενος ὑπουργεῖν Εὐρυσθεῖ, Ἡρακλῆς δὲ παρελθὼν εἰς Δελφοὺς καὶ περὶ τούτων ἐπερωτήσας τὸν θεόν, ἔλαβε χρησμὸν τὸν δηλοῦντα διότι τοῖς θεοῖς δέδοκται δώδεκα ἄθλους τελέσαι προστάττοντος Εὐρυσθέως, καὶ τοῦτο πράξαντα τεύξεσθαι τῆς ἀθανασίας.
헤라클레스가 이에 불복하자, 제우스가 사자를 보내 에우뤼스테우스에게 복종하라고 명령했다. 그리하여 헤라클레스는 델포이로 가서 이 일에 대해 신에게 여쭈어보고 신탁을 받았는데, 이는 에우뤼스테우스가 지시하는 열두 가지 노역을 수행하는 것이 신들의 결정이며, 이를 실행하고 나면 불멸을 얻게 되리라는 것을 밝혀 주는 내용이었다.