§3.72.1τοῦ δʼ οὖν Διονύσου μέλλοντος στρατεύειν ἐπὶ τὸν Κρόνον καὶ τῆς δυνάμεως ἐκ τῆς Νύσης ἐξιούσης, μυθολογοῦσιν Ἀρισταῖον τὸν ἐπιστάτην αὐτοῦ θυσίαν τε παραστῆσαι καὶ πρῶτον ἀνθρώπων ὡς θεῷ θῦσαι.
그리하여 디오뉘소스가 크로노스를 향해 원정을 떠나려 하고 군대가 니사에서 출발하고 있을 때, 신화에 따르면 그의 후견인인 아리스타이오스가 제물을 마련하여 사람들 중 최초로 그에게 신으로서 제사를 지냈다고 한다.
συστρατεῦσαι δέ φασι καὶ τῶν Νυσαίων τοὺς εὐγενεστάτους, οὓς ὀνομάζεσθαι Σειληνούς.
또한 니사 사람들 중 가장 고귀한 자들도 함께 원정을 떠났다고 전해지는데, 이들은 세일레노스들이라 불렸다.
§3.72.2πρῶτον γὰρ τῶν ἁπάντων βασιλεῦσαί φασι Σειληνόν, οὗ τὸ γένος ὅθεν ἦν ὑπὸ πάντων ἀγνοεῖσθαι διὰ τὴν ἀρχαιότητα.
이들 모두 중에서 세일레노스가 최초로 왕이 되었다고 전해지는데, 그의 가계가 어디서 유래했는지는 아주 오래전 일이기 때문에 모든 이들에게 알려져 있지 않다.
ἔχοντος δʼ αὐτοῦ κατὰ τὴν ὀσφῦν οὐράν, διατελέσαι καὶ τοὺς ἐκγόνους τὸ παράσημον τοῦτο φοροῦντας διὰ τὴν τῆς φύσεως κοινωνίαν.
그의 허리에 꼬리가 있었기 때문에, 그의 후손들 또한 자연적 본성의 공유로 인해 이 특징적인 표시를 계속 지니고 있었다고 한다.
τὸν δʼ οὖν Διόνυσον ἀναζεύξαντα μετὰ τῆς δυνάμεως, καὶ διελθόντα πολλὴν μὲν ἄνυδρον χώραν, οὐκ ὀλίγην δʼ ἔρημον καὶ θηριώδη, καταστρατοπεδεῦσαι περὶ πόλιν Λιβυκὴν τὴν ὀνομαζομένην Ζάβιρναν.
어쨌든 디오뉘소스는 군대를 이끌고 출발하여, 물이 없는 넓은 지역과 야수가 들끓는 적지 않은 황무지를 지나 자비르나라고 불리는 리비아의 도시 부근에 진을 쳤다.
§3.72.3πρὸς δὲ ταύτῃ γηγενὲς ὑπάρχον θηρίον καὶ πολλοὺς ἀναλίσκον τῶν ἐγχωρίων, τὴν ὀνομαζομένην Κάμπην, ἀνελεῖν καὶ μεγάλης τυχεῖν δόξης ἐπʼ ἀνδρείᾳ παρὰ τοῖς ἐγχωρίοις.
이 도시 근처에는 대지에서 태어난 야수로서 많은 원주민을 파멸로 몰아넣고 있던 캄페라고 불리는 괴수가 있었는데, 그는 이 괴수를 물리치고 원주민들 사이에서 용맹으로 커다란 명성을 얻었다.
ποιῆσαι δʼ αὐτὸν καὶ χῶμα παμμέγεθες ἐπὶ τῷ φονευθέντι θηρίῳ, βουλόμενον ἀθάνατον ἀπολιπεῖν ὑπόμνημα τῆς ἰδίας ἀρετῆς, τὸ καὶ διαμεῖναν μέχρι τῶν νεωτέρων χρόνων.
또한 그는 죽인 괴수 위에 매우 거대한 무덤을 쌓았는데, 이는 자신의 탁월함에 대한 불멸의 기념비를 남기고자 했기 때문이며, 그것은 후세에 이르기까지 계속 남아 있었다.
§3.72.4ἔπειτα τὸν μὲν Διόνυσον προάγειν πρὸς τοὺς Τιτᾶνας, εὐτάκτως ποιούμενον τὰς ὁδοιπορίας καὶ πᾶσι τοῖς ἐγχωρίοις φιλανθρώπως προσφερόμενον καὶ τὸ σύνολον ἑαυτὸν ἀποφαινόμενον στρατεύειν ἐπὶ κολάσει μὲν τῶν ἀσεβῶν, εὐεργεσίᾳ δὲ τοῦ κοινοῦ γένους τῶν ἀνθρώπων.
그 후 디오뉘소스는 티탄들을 향해 진군해 나갔는데, 규율 있게 행군을 진행하고 모든 원주민들을 인덕으로 대하였으며, 전반적으로 자신은 불경한 자들을 징벌하고 인류의 공통된 종족에게 은혜를 베풀기 위해 원정을 벌이는 것이라고 천명하였다.
τοὺς δὲ Λίβυας θαυμάζοντας τὴν εὐταξίαν καὶ τὸ τῆς ψυχῆς μεγαλοπρεπές, τροφάς τε παρέχεσθαι τοῖς ἀνθρώποις δαψιλεῖς καὶ συστρατεύειν προθυμότατα.
리비아인들은 그의 규율과 정신의 고매함에 감탄하여 군사들에게 풍족한 식량을 공급하였고 아주 열성적으로 원정에 동참했다.
§3.72.5συνεγγιζούσης δὲ τῆς δυνάμεως τῇ πόλει τῶν Ἀμμωνίων, τὸν Κρόνον πρὸ τοῦ τείχους παρατάξει λειφθέντα τὴν μὲν πόλιν νυκτὸς ἐμπρῆσαι, σπεύδοντα εἰς τέλος καταφθεῖραι τοῦ Διονύσου τὰ πατρῷα βασίλεια, αὐτὸν δʼ ἀναλαβόντα τὴν γυναῖκα Ῥέαν καί τινας τῶν συνηγωνισμένων φίλων λαθεῖν ἐκ τῆς πόλεως διαδράντα.
군대가 암몬인들의 도시에 가까이 이르렀을 때, 성벽 앞에서 펼쳐진 회전에서 패한 크로노스는 디오뉘소스의 부계 왕궁을 완전히 파멸시키고자 밤을 틈타 도시에 불을 질렀으며, 자신은 아내 레아와 함께 싸운 동료들 중 일부를 데리고 몰래 도시에서 도망쳐 빠져나갔다.
οὐ μὴν τόν γε Διόνυσον ὁμοίαν ἔχειν τούτῳ προαίρεσιν·
그러나 디오뉘소스는 그와 같은 의도를 가지지 않았다.
λαβόντα γὰρ τόν τε Κρόνον καὶ τὴν Ῥέαν αἰχμαλώτους οὐ μόνον ἀφεῖναι τῶν ἐγκλημάτων διὰ τὴν συγγένειαν, ἀλλὰ καὶ παρακαλέσαι τὸν λοιπὸν χρόνον γονέων ἔχειν πρὸς αὐτὸν εὔνοιάν τε καὶ τάξιν καὶ συζῆν τιμωμένους ὑπʼ αὐτοῦ μάλιστα πάντων.
그는 크로노스와 레아를 포로로 잡았으나 친족 관계 때문에 그들의 죄를 사해 주었을 뿐만 아니라, 향후 남은 시간 동안 자신에 대해 부모로서의 호의와 지위를 지녀 줄 것을 간청하였고, 그로부터 누구보다도 존중받으며 함께 살아가도록 했기 때문이다.
§3.72.6τὴν μὲν οὖν Ῥέαν διατελέσαι πάντα τὸν βίον ὡς υἱὸν ἀγαπῶσαν, τὸν δὲ Κρόνον ὕπουλον ἔχειν τὴν εὔνοιαν.
그리하여 레아는 평생 동안 그를 아들처럼 사랑하며 보냈으나, 크로노스의 호의는 기만적인 것이였다.
γενέσθαι δʼ αὐτοῖς περὶ τούτους τοὺς χρόνους υἱόν, ὃν προσαγορευθῆναι Δία, τιμηθῆναι δὲ μεγάλως ὑπὸ τοῦ Διονύσου, καὶ διʼ ἀρετὴν ἐν τοῖς ὕστερον χρόνοις γενέσθαι πάντων βασιλέα.
또한 이 시기 무렵 그들에게 한 아들이 태어났는데 그 이름은 제우스라 불렸으며, 디오뉘소스에 의해 크게 공경받았고 그의 탁월함 덕분에 후세에 만물의 왕이 되었다.