§3.52.1τούτων δʼ ἡμῖν διευκρινημένων οἰκεῖον ἂν εἴη τοῖς προειρημένοις τόποις διελθεῖν τὰ περὶ τὰς Ἀμαζόνας ἱστορούμενα τὰς γενομένας τὸ παλαιὸν κατὰ τὴν Λιβύην.
이 일들이 우리에 의해 명확히 규명되었으므로, 앞서 언급된 장소들과 관련하여 고대에 리비아에 존재했던 아마존들에 대해 역사적으로 전해지는 일들을 소상히 서술하는 것이 적절할 것이다.
οἱ πολλοὶ μὲν γὰρ ὑπειλήφασι τὰς περὶ τὸν Θερμώδοντα ποταμὸν ἐν τῷ Πόντῳ λεγομένας κατῳκηκέναι μόνας ὑπάρξαι· τὸ δʼ ἀληθὲς οὐχ οὕτως ἔχει, διὰ τὸ πολὺ προτερεῖν τοῖς χρόνοις τὰς κατὰ Λιβύην καὶ πράξεις ἀξιολόγους ἐπιτελέσασθαι.
왜냐하면 대다수의 사람들은 폰토스 지방의 테르모돈 강 주변에 거주했다고 전해지는 이들만이 존재했다고 생각하기 때문인데, 진실은 그렇지 않으니, 리비아의 아마존들이 시기적으로 훨씬 앞서 있었고 주목할 만한 업적들을 성취했기 때문이다.
§3.52.2οὐκ ἀγνοοῦμεν δὲ διότι πολλοῖς τῶν ἀναγινωσκόντων ἀνήκοος φανεῖται καὶ ξένη παντελῶς ἡ περὶ τούτων ἱστορία·
또한 우리는 독자들 중 많은 이들에게 그녀들에 관한 역사가 완전히 들어보지 못한 생소한 이야기로 보일 것임을 잘 알고 있다.
ἠφανισμένου γὰρ ὁλοσχερῶς τοῦ γένους τῶν Ἀμαζονίδων τούτων πολλαῖς γενεαῖς πρότερον τῶν Τρωικῶν, τῶν δὲ περὶ τὸν Θερμώδοντα ποταμὸν ἠκμακυιῶν μικρὸν πρὸ τούτων τῶν χρόνων, οὐκ ἀλόγως αἱ μεταγενέστεραι καὶ μᾶλλον γνωριζόμεναι τὴν δόξαν κεκληρονομήκασι τὴν τῶν παλαιῶν καὶ παντελῶς ἀγνοουμένων διὰ τὸν χρόνον ὑπὸ τῶν πλείστων.
왜냐하면 이 아마존 종족은 트로이아 전쟁기보다 여러 세대 전에 완전히 사라진 반면, 테르모돈 강 주변의 아마존들은 이 시대 직전에 전성기를 누렸기에, 후대의 더 잘 알려진 이들이 오랜 세월로 인해 대다수 사람들에게 완전히 잊힌 고대 아마존들의 명성을 물려받은 것은 결코 이상한 일이 아니기 때문이다.
§3.52.3οὐ μὴν ἀλλʼ ἡμεῖς εὑρίσκοντες πολλοὺς μὲν τῶν ἀρχαίων ποιητῶν τε καὶ συγγραφέων, οὐκ ὀλίγους δὲ καὶ τῶν μεταγενεστέρων μνήμην πεποιημένους αὐτῶν, ἀναγράφειν τὰς πράξεις πειρασόμεθα ἐν κεφαλαίοις ἀκολούθως Διονυσίῳ τῷ συντεταγμένῳ τὰ περὶ τοὺς Ἀργοναύτας καὶ τὸν Διόνυσον καὶ ἕτερα πολλὰ τῶν ἐν τοῖς παλαιοτάτοις χρόνοις πραχθέντων.
그럼에도 불구하고 우리는 고대의 시인들과 역사가들 중 다수가, 그리고 후대의 이들 중에서도 적지 않은 이들이 그녀들에 대한 기억을 남겨두었음을 발견하기에, 아르고나우타이와 디오니소스 및 가장 오랜 시대에 행해진 다른 많은 일들에 관해 저술한 디오니시오스의 기록에 따라 그녀들의 행적을 요약하여 기록하고자 시도할 것이다.
§3.52.4γέγονε μὲν οὖν πλείω γένη γυναικῶν κατὰ τὴν Λιβύην μάχιμα καὶ τεθαυμασμένα μεγάλως ἐπʼ ἀνδρείᾳ·
그리하여 리비아에는 전투를 즐기며 그 용맹함으로 크게 칭송받은 여성들의 여러 종족이 존재했다.
τό τε γὰρ τῶν Γοργόνων ἔθνος, ἐφʼ ὃ λέγεται τὸν Περσέα στρατεῦσαι, παρειλήφαμεν ἀλκῇ διαφέρον·
왜냐하면 페르세우스가 원정을 감행했다고 전해지는 고르고들의 부족이 무용에 있어 뛰어났다고 우리가 전해 들었기 때문이다.
τὸ γὰρ τὸν Διὸς μὲν υἱόν, τῶν δὲ καθʼ ἑαυτὸν Ἑλλήνων ἄριστον, τελέσαι μέγιστον ἆθλον τὴν ἐπὶ ταύτας στρατείαν τεκμήριον ἄν τις λάβοι τῆς περὶ τὰς προειρημένας γυναῖκας ὑπεροχῆς τε καὶ δυνάμεως·
제우스의 아들이자 동시대 그리스인들 중 가장 뛰어난 인물이 그녀들에 대한 원정을 필생의 가장 큰 과업으로 완수했다는 사실을, 누구나 앞서 언급된 여성들의 탁월함과 힘에 대한 증거로 삼을 수 있을 것이다.
ἥ τε τῶν νῦν μελλουσῶν ἱστορεῖσθαι ἀνδρεία παράδοξον ἔχει τὴν ὑπεροχὴν πρὸς τὰς καθʼ ἡμᾶς φύσεις τῶν γυναικῶν συγκρινομένη.
그리고 이제 역사가 기술되려 하는 이들의 용맹함은 우리 시대 여성들의 천성과 비교될 때 경이로운 탁월함을 지니고 있다.