§3.4.1περὶ δὲ τῶν Αἰθιοπικῶν γραμμάτων τῶν παρʼ Αἰγυπτίοις καλουμένων ἱερογλυφικῶν ῥητέον, ἵνα μηδὲν παραλίπωμεν τῶν ἀρχαιολογουμένων.
이제 이집트인들 사이에서 신성문자라 불리는 에티오피아의 문자에 대해 이야기해야 한다. 고대 역사에 관해 아무것도 빠뜨리지 않기 위해서이다.
συμβέβηκε τοίνυν τοὺς μὲν τύπους ὑπάρχειν αὐτῶν ὁμοίους ζῴοις παντοδαποῖς καὶ ἀκρωτηρίοις ἀνθρώπων, ἔτι δʼ ὀργάνοις, καὶ μάλιστα τεκτονικοῖς·
그리하여 그 문자들의 형태는 온갖 종류의 동물들과 인간의 사지, 나아가 도구들, 특히 목수의 도구들과 유사하게 되어 있다.
οὐ γὰρ ἐκ τῆς τῶν συλλαβῶν συνθέσεως ἡ γραμματικὴ παρʼ αὐτοῖς τὸν ὑποκείμενον λόγον ἀποδίδωσιν, ἀλλʼ ἐξ ἐμφάσεως τῶν μεταγραφομένων καὶ μεταφορᾶς μνήμῃ συνηθλημένης.
왜냐하면 그들의 문자 체계는 음절의 합성으로부터 전달해야 할 내용을 나타내는 것이 아니라, 모사된 것들이 지닌 암시적 의미와 기억을 통해 배양된 비유로부터 나타내기 때문이다.
§3.4.2γράφουσι γὰρ ἱέρακα καὶ κροκόδειλον, ἔτι δʼ ὄφιν καὶ τῶν ἐκ τοῦ σώματος τῶν ἀνθρώπων ὀφθαλμὸν καὶ χεῖρα καὶ πρόσωπον καὶ ἕτερα τοιαῦτα.
왜냐하면 그들은 매와 악어, 나아가 뱀을 그리며, 인간의 몸에서는 눈과 손, 얼굴과 그와 유사한 다른 것들을 그리기 때문이다.
ὁ μὲν οὖν ἱέραξ αὐτοῖς σημαίνει πάντα τὰ ὀξέως γινόμενα, διὰ τὸ τὸ ζῷον τοῦτο τῶν πτηνῶν σχεδὸν ὑπάρχειν ὀξύτατον.
그리하여 매는 그들에게 신속하게 이루어지는 모든 일을 의미하는데, 이 동물은 날짐승들 중에서 거의 가장 신속하기 때문이다.
μεταφέρεταί τε ὁ λόγος ταῖς οἰκείαις μεταφοραῖς εἰς πάντα τὰ ὀξέα καὶ τὰ τούτοις οἰκεῖα παραπλησίως τοῖς εἰρημένοις.
그리고 그 의미는 고유한 비유를 통해, 신속한 모든 일들과 이것들에 관련된 일들로 앞서 말한 것과 유사하게 전용된다.
§3.4.3ὁ δὲ κροκόδειλος σημαντικός ἐστι πάσης κακίας, ὁ δὲ ὀφθαλμὸς δίκης τηρητὴς καὶ παντὸς τοῦ σώματος φύλαξ.
또한 악어는 모든 사악함을 의미하며, 눈은 정의의 감시자이자 온 몸의 수호자이다.
τῶν δʼ ἀκρωτηρίων ἡ μὲν δεξιὰ τοὺς δακτύλους ἐκτεταμένους ἔχουσα σημαίνει βίου πορισμόν, ἡ δʼ εὐώνυμος συνηγμένη τήρησιν καὶ φυλακὴν χρημάτων.
그리고 사지 중 손가락을 편 오른손은 생계의 마련을 의미하며, 쥔 왼손은 재물의 유지와 수호를 의미한다.
§3.4.4ὁ δʼ αὐτὸς λόγος καὶ ἐπὶ τῶν ἄλλων τύπων τῶν ἐκ τοῦ σώματος καὶ τῶν ὀργανικῶν καὶ τῶν ἄλλων ἁπάντων·
그리고 동일한 원리가 몸에서 취한 다른 형태들과 도구들, 그리고 다른 모든 것들에도 적용된다.
ταῖς γὰρ ἐν ἑκάστοις ἐνούσαις ἐμφάσεσι συνακολουθοῦντες, καὶ μελέτῃ πολυχρονίῳ καὶ μνήμῃ γυμνάζοντες τὰς ψυχάς, ἑκτικῶς ἕκαστα τῶν γεγραμμένων ἀναγινώσκουσι.
왜냐하면 그들은 각각의 것에 내재된 암시적 의미를 따르고, 오랜 수련과 기억으로 마음을 단련하여, 기록된 것들 각각을 완전히 몸에 익힌 상태로 읽어내기 때문이다.