§3.34.1τοσαύτη γὰρ παραλλαγὴ τῶν παρʼ ἡμῖν ἀέρων πρὸς τοὺς ἱστορημένους ὥστε τὴν κατὰ μέρος διαφορὰν ἄπιστον εἶναι.
우리 지역의 기후와 기록된 기후 사이에는 매우 커다란 차이가 있어서, 개별적인 차이점들은 믿기 힘들 정도이다.
§3.34.2ὅπου μὲν γὰρ διὰ τὴν ὑπερβολὴν τοῦ ψύχους πήγνυνται μὲν οἱ μέγιστοι ποταμοί, στέγοντος τοῦ κρυστάλλου διαβάσεις στρατοπέδων καὶ ἁμαξῶν καταγόμων ἐφόδους, πήγνυται δὲ ὁ οἶνος καὶ τὰ λοιπὰ τῶν χυμῶν ὥστε μαχαίραις ἀποτέμνεσθαι, καὶ τὰ τούτων θαυμασιώτερα, τὰ μὲν ἀκρωτήρια τῶν ἀνθρώπων τῆς ἐσθῆτος παρατριβούσης περιρρεῖ, τὰ δὲ ὄμματα ἀμαυροῦται, τὸ δὲ πῦρ ἀλεωρὰν οὐ ποιεῖ, καὶ χαλκοῖ μὲν ἀνδριάντες ῥήγνυνται, κατὰ δέ τινας καιροὺς διὰ τὴν πυκνότητα τῶν νεφῶν οὔτε ἀστραπὴν οὔτε βροντὴν γίνεσθαι περὶ τοὺς τόπους φασί·
한편으로는, 혹한으로 인해 가장 큰 강들이 얼어붙어 군대의 도하와 가득 짐을 실은 수레의 통행을 얼음이 지탱할 정도이며, 포도주와 그 밖의 액체들이 얼어붙어 칼로 잘라야 할 정도이다. 그리고 이보다 더 경이로운 것은, 옷에 쓸려 사람들의 사지 말단이 떨어져 나가고, 눈이 멀며, 불을 피워도 온기가 생기지 않고, 청동 조각상들이 깨지며, 어떤 시기에는 구름이 너무 짙어 그 지역에서는 번개도 천둥도 치지 않는다고 사람들이 말한다는 점이다.
πολλὰ δὲ καὶ ἄλλα τούτων παραδοξότερα συντελεῖται, τοῖς μὲν ἀγνοοῦσιν ἄπιστα, §3.34.3τοῖς δὲ πεῖραν εἰληφόσιν ἀνυπομόνητα.
이보다 더 기이한 일들이 많이 일어나는데, 이를 모르는 이들에게는 믿기지 않겠지만, 직접 경험한 이들에게는 견딜 수 없는 일이다.
περὶ δὲ τὰς ἐσχατιὰς τῆς Αἰγύπτου καὶ Τρωγλοδυτικῆς διὰ τὴν ὑπερβολὴν τῆς ἀφʼ ἡλίου θερμασίας κατὰ τὸν τῆς μεσημβρίας καιρὸν οὐδὲ συνορᾶν ἀλλήλους οἱ παρεστῶτες δύνανται διὰ τὴν παχύτητα τῆς περὶ τὸν ἀέρα πυκνώσεως, χωρὶς δὲ ὑποδέσεως πάντες ἀδυνατοῦσι βαδίζειν, ὡς ἂν τοῖς ἀνυποδήτοις παραχρῆμα φλυκτίδων γινομένων.
반면에 에지프토스와 트로글로디타이 땅의 국경 지대에서는, 태양의 극심한 열기 때문에 정오 무렵에는 주변 대기의 짙은 아지랑이로 인해 옆에 서 있는 사람들끼리도 서로를 알아보지 못할 정도이다. 또한 신발을 신지 않고는 모두가 걸을 수 없는데, 맨발인 자들에게는 즉시 물집이 생기기 때문이다.
§3.34.4κατὰ δὲ τὸ ποτόν, ἐὰν μὴ τὴν ἔνδειαν ἑτοίμως ἀφαιρῆται, ταχέως τελευτῶσιν, ὡς ἂν τῆς θερμασίας τὴν τῶν ὑγρῶν ἐν τῷ σώματι φύσιν ὀξέως ἀναλισκούσης.
음료에 관해서는, 만약 그 결핍을 즉시 해결하지 않으면 그들은 신속히 목숨을 잃는데, 열기가 체내의 수분을 급속히 소모해 버리기 때문이다.
πρὸς δὲ τούτοις, ὅταν τις εἰς χαλκοῦν ἀγγεῖον ἐμβαλὼν τῶν ἐδωδίμων ὁδηποτοῦν μεθʼ ὕδατος εἰς τὸν ἥλιον θῇ, ταχέως ἕψεται χωρὶς πυρὸς καὶ ξύλων.
게다가 어떤 사람이 청동 그릇에 음식물이면 무엇이든 물과 함께 넣어 햇볕에 놓아두면, 불과 장작 없이도 그것이 금세 끓는다.
§3.34.5ἀλλʼ ὅμως οἱ κατοικοῦντες ἀμφοτέρας τὰς εἰρημένας χώρας οὐχ οἷον φεύγειν βούλονται τὴν ὑπερβολὴν τῶν συμβαινόντων αὐτοῖς κακῶν, ἀλλὰ καὶ τοὐναντίον ἑκουσίως προΐενται τὸ ζῆν ἕνεκα τοῦ μὴ βιασθῆναι διαίτης ἑτέρας καὶ βίου πειραθῆναι.
그러나 그럼에도 불구하고 언급된 두 지역의 주민들은 자신들에게 닥치는 극심한 재앙들을 피하기는커녕, 오히려 반대로 또 다른 식습관과 삶을 억지로 경험하지 않기 위해 자발적으로 목숨을 버린다.
§3.34.6οὕτως αὐτοφυὲς ἔχει τι φίλτρον πᾶσα συνήθης χώρα, καὶ περιγίνεται τῆς ἐκ τῶν ἀέρων κακοπαθείας ὁ χρόνος ὁ τὴν ἐκ νηπίου παραλαβὼν ἡλικίαν.
이처럼 익숙해진 모든 땅은 저마다 천성적인 애착을 지니고 있으며, 영아기 때부터 그 나이를 물려받아 온 세월이 기후로 인한 고초를 극복해 내는 것이다.
§3.34.7τὰς δὲ τηλικαύτας ἐπʼ ἀμφότερα διαφορὰς οὐ πολὺ διορίζει τόπου διάστημα.
그리고 이토록 양극단으로 갈리는 차이를 갈라놓는 지리적 거리는 그리 멀지 않다.
ἀπὸ γὰρ τῆς Μαιώτιδος λίμνης, ᾗ προσοικοῦσί τινες τῶν Σκυθῶν ἐν πάγει καὶ ψύχεσιν ὑπερβάλλουσι καθιδρυμένοι, πολλοὶ τῶν πλοϊζομένων οὐριοδρομούσαις ναυσὶ φορτίσιν εἰς μὲν Ῥόδον δεκαταῖοι καταπεπλεύκασιν, ἐξ ἧς εἰς Ἀλεξάνδρειαν τεταρταῖοι καταντῶσιν, ἐκ δὲ ταύτης κατὰ τὸν Νεῖλον πλέοντες πολλοὶ δεκαταῖοι κατηντήκασιν εἰς Αἰθιοπίαν, ὥστε ἀπὸ τῶν κατεψυγμένων μερῶν τῆς οἰκουμένης ἐπὶ τὰ θερμότατα μέρη μὴ πλέον εἴκοσι καὶ τεττάρων ἡμερῶν εἶναι τὸν πλοῦν τοῖς κατὰ τὸ συνεχὲς κομιζομένοις.
일부 스키티아인들이 혹한과 빙판 속에 정착해 살아가고 있는 마이오티스 호수로부터, 항해하는 많은 이들이 순풍을 타는 화물선을 타고 열흘 만에 로도스 섬에 입항하며, 그곳으로부터 나흘 만에 알렉산드리아에 도착하고, 다시 그곳으로부터 나일을 따라 항해하여 많은 이들이 열흘 만에 아이티오피아에 이르기 때문이다. 그리하여 거주 세계의 혹한 지대로부터 가장 뜨거운 지대까지의 항해는, 쉬지 않고 이동하는 이들에게 스물나흘을 넘기지 않는다.
§3.34.8διόπερ τῆς διαφορᾶς τῆς τῶν ἀέρων ἐν ὀλίγῳ διαστήματι μεγάλης οὔσης οὐδὲν παράδοξον καὶ τὴν δίαιταν καὶ τοὺς βίους, ἔτι δὲ τὰ σώματα πολὺ διαλλάττειν τῶν παρʼ ἡμῖν.
그러므로 이처럼 짧은 거리 속에서 기후의 차이가 매우 크기에, 그들의 식습관과 생활 방식, 더 나아가 육체마저도 우리의 것과 크게 다르다는 것은 전혀 기이한 일이 아니다.