§2.25.1Σαρδανάπαλλος δὲ γνοὺς τὴν ἀπόστασιν εὐθὺς ἐξήγαγεν ἐπʼ αὐτοὺς τὰς ἀπὸ τῶν ἄλλων ἐθνῶν δυνάμεις.
사르다나팔로스는 반란 소식을 듣고 즉시 다른 민족들의 군대를 이끌고 그들을 향해 나아갔다.
καὶ τὸ μὲν πρῶτον γενομένης ἐν τῷ πεδίῳ παρατάξεως ἐλείφθησαν οἱ τὴν ἀπόστασιν ποιησάμενοι, καὶ πολλοὺς ἀποβαλόντες συνεδιώχθησαν εἰς ὄρος ἀπέχον τῆς Νίνου σταδίους ἑβδομήκοντα·
처음에 평원에서 회전이 벌어졌을 때 반란을 일으킨 자들이 패배하였고, 많은 이를 잃고 니노스에서 70스타디온 떨어진 산으로 추격당했다.
§2.25.2μετὰ δὲ ταῦτα πάλιν καταβάντων αὐτῶν εἰς τὸ πεδίον καὶ πρὸς μάχην παρασκευαζομένων, ὁ μὲν Σαρδανάπαλλος ἀντιτάξας τὴν ἰδίαν στρατιὰν προαπέστειλε πρὸς τὸ τῶν πολεμίων στρατόπεδον τοὺς κηρύξοντας διότι Σαρδανάπαλλος τοῖς μὲν ἀνελοῦσιν Ἀρβάκην τὸν Μῆδον δώσει χρυσίου διακόσια τάλαντα, τοῖς δὲ ζῶντα παραδοῦσι χρήματα μὲν δωρήσεται δὶς τοσαῦτα, τῆς δὲ Μηδίας ὕπαρχον καταστήσει.
그 후 그들이 다시 평원으로 내려와 전투를 준비하자, 사르다나팔로스는 아군을 배치하고 적의 진영에 전령들을 미리 보내어, 사르다나팔로스가 메디아인 아르바케스를 죽인 자들에게는 금 200달란트를 줄 것이며, 그를 산 채로 넘겨주는 자들에게는 그 두 배의 재물을 선사하고 메디아의 총독으로 삼을 것이라고 선포하게 했다.
§2.25.3παραπλησίως δʼ ἐπηγγείλατο δώσειν δωρεὰς τοῖς Βέλεσυν τὸν Βαβυλώνιον ἀνελοῦσιν ἢ ζωγρήσασιν.
마찬가지로 그는 바빌로니아인 벨레시스를 죽이거나 생포한 자들에게도 보상을 주겠다고 약속했다.
οὐδενὸς δὲ προσέχοντος τοῖς κηρύγμασι, συνῆψε μάχην, καὶ πολλοὺς μὲν ἐφόνευσε τῶν ἀποστατῶν, τὸ δʼ ἄλλο πλῆθος συνεδίωξεν εἰς τὴν ἐν τοῖς ὄρεσι παρεμβολήν.
그러나 아무도 그 선포에 주의를 기울이지 않자 그는 전투를 개시하여 반란자들을 많이 죽였고, 나머지 무리를 산속의 진영으로 추격하여 몰아넣었다.
§2.25.4οἱ δὲ περὶ τὸν Ἀρβάκην διὰ τὰς ἥττας ἀθυμοῦντες συνήγαγον τῶν φίλων συνέδριον καὶ προέθηκαν βουλὴν τί δέοι πράττειν.
아르바케스 일동은 패배로 인해 낙담하여 동료들의 회의를 소집하고 무엇을 해야 할지 논의에 부쳤다.
§2.25.5οἱ πλεῖστοι μὲν οὖν ἔφασαν δεῖν εἰς τὰς πατρίδας ἀπιέναι καὶ τόπους ὀχυροὺς καταλαμβάνεσθαι καὶ τῶν ἄλλων τῶν εἰς τὸν πόλεμον χρησίμων τὴν ἐνδεχομένην παρασκευὴν ποιεῖσθαι·
그리하여 대부분의 이들은 고국으로 돌아가 요새를 차지하고 전쟁에 유용한 다른 것들을 가능한 한 준비해야 한다고 주장했다.
Βέλεσυς δʼ ὁ Βαβυλώνιος, φήσας τοὺς θεοὺς αὐτοῖς σημαίνειν μετὰ πόνων καὶ κακοπαθείας ἐπὶ τέλος ἄξειν τὴν προαίρεσιν, καὶ τἄλλα παρακαλέσας ἐνδεχομένως, ἔπεισεν ἅπαντας ὑπομένειν τοὺς κινδύνους.
그러나 바빌로니아인 벨레시스는 신들이 그들에게 고통과 고난을 겪은 후에 거사를 완성으로 이끌 것임을 보여주고 있다고 말하고, 다른 일들에 대해서도 적절히 격려하며 위험을 견뎌내도록 모두를 설득했다.
§2.25.6γενομένης οὖν τρίτης παρατάξεως πάλιν ὁ βασιλεὺς ἐνίκησε, καὶ τῆς τε παρεμβολῆς τῶν ἀποστατῶν ἐκυρίευσε καὶ τοὺς ἡττηθέντας ἐδίωξε μέχρι τῶν ὅρων τῆς Βαβυλωνίας·
그리하여 세 번째 회전이 벌어졌을 때 왕이 다시 승리하였고, 반란자들의 진영을 점령하고 패배한 자들을 바빌로니아 국경까지 추격했다.
συνέβη δὲ καὶ τὸν Ἀρβάκην αὐτὸν λαμπρότατα κινδυνεύσαντα καὶ πολλοὺς ἀνελόντα τῶν Ἀσσυρίων γενέσθαι τραυματίαν.
그리고 아르바케스 자신도 가장 용맹하게 싸워 많은 아시리아인을 죽였으나 부상을 입게 되었다.
§2.25.7τηλικούτων δʼ ἐλαττωμάτων κατὰ τὸ συνεχὲς γινομένων τοῖς ἀφεστηκόσιν, οἱ τὰς ἡγεμονίας ἔχοντες ἀπελπίσαντες περὶ τῆς νίκης παρεσκευάζοντο διαχωρίζεσθαι πρὸς τοὺς οἰκείους ἕκαστοι τόπους.
이처럼 큰 패배가 반란자들에게 잇따라 일어나자, 지휘권을 가진 자들은 승리를 단념하고 각각 자신들의 지역으로 흩어질 준비를 했다.
§2.25.8ὁ δὲ Βέλεσυς ἐν ὑπαίθρῳ τὴν νύκτα διηγρυπνηκὼς καὶ περὶ τὴν τῶν ἄστρων παρατήρησιν φιλοτιμηθείς, ἔφησε τοῖς ἀπηλπικόσι τὰ πράγματα, ἂν πένθʼ ἡμέρας ἀναμείνωσιν, αὐτομάτην ἥξειν βοήθειαν καὶ μεταβολὴν ἔσεσθαι τῶν ὅλων παμμεγέθη εἰς τοὐναντίον·
그러나 벨레시스는 야외에서 밤을 지새우며 별을 관측하는 데 전념하고 있었는데, 사태에 절망한 자들에게 만약 5일을 기다린다면 자발적인 원조가 올 것이며 모든 상황이 정반대로 아주 크게 뒤바뀔 것이라고 말했다.
ταῦτα γὰρ ὁρᾶν διὰ τῆς τῶν ἄστρων ἐμπειρίας προσημαίνοντας αὐτοῖς τοὺς θεούς.
왜냐하면 별의 지식을 통해 신들이 그들에게 이 일들을 미리 보여주고 있는 것을 그가 보고 있기 때문이라는 것이었다.
καὶ παρεκάλει ταύτας τὰς ἡμέρας μείναντας πεῖραν λαβεῖν τῆς ἰδίας τέχνης καὶ τῆς τῶν θεῶν εὐεργεσίας.
그리고 그는 이 며칠 동안 머물며 자신의 기술과 신들의 은혜를 시험해 보도록 권했다.