§1.70.1πρῶτον μὲν τοίνυν οἱ βασιλεῖς αὐτῶν βίον εἶχον οὐχ ὅμοιον τοῖς ἄλλοις τοῖς ἐν μοναρχικαῖς ἐξουσίαις οὖσι καὶ πάντα πράττουσι κατὰ τὴν ἑαυτῶν προαίρεσιν ἀνυπευθύνως, ἀλλʼ ἦν ἅπαντα τεταγμένα νόμων ἐπιταγαῖς, οὐ μόνον τὰ περὶ τοὺς χρηματισμούς, ἀλλὰ καὶ τὰ περὶ τὴν καθʼ ἡμέραν διαγωγὴν καὶ δίαιταν.
우선 첫째로, 그들 왕들의 생활은 군주의 권력 아래서 자신의 의도에 따라 책임 없이 모든 일을 행하는 다른 통치자들의 생활과 같지 않았다. 오히려 공무에 관한 일뿐만 아니라 일상의 품행과 식생활에 이르기까지 모든 것이 법률의 명령에 의해 규정되어 있었다.
§1.70.2περὶ μὲν γὰρ τὴν θεραπείαν αὐτῶν οὐδεὶς ἦν οὔτʼ ἀργυρώνητος οὔτʼ οἰκογενὴς δοῦλος, ἀλλὰ τῶν ἐπιφανεστάτων ἱερέων υἱοὶ πάντες, ὑπὲρ εἴκοσι μὲν ἔτη γεγονότες, πεπαιδευμένοι δὲ κάλλιστα τῶν ὁμοεθνῶν, ἵνα τοὺς ἐπιμελησομένους τοῦ σώματος καὶ πᾶσαν ἡμέραν καὶ νύκτα προσεδρεύοντας ὁ βασιλεὺς ἔχων ἀρίστους μηδὲν ἐπιτηδεύῃ φαῦλον·
그들의 몸을 돌보는 일에 관해서는 돈으로 산 노예도 집에서 태어난 노예도 한 명도 없었고, 모두가 가장 명망 있는 사제들의 아들들로서 스무 살이 넘고 동포들 중에서 가장 훌륭하게 교육받은 자들이었다. 이는 몸을 돌보고 밤낮으로 끊임없이 보필할 자들로서 왕이 가장 훌륭한 이들을 둠으로써 아무런 비열한 행동도 하지 않도록 하기 위함이었다.
οὐδεὶς γὰρ ἐπὶ πλέον κακίας προβαίνει δυνάστης, ἐὰν μὴ τοὺς ὑπηρετήσοντας ἔχῃ ταῖς ἐπιθυμίαις.
왜냐하면 자신의 욕망에 봉사할 자들을 두지 않는다면, 그 어떤 지배자도 악을 향해 더 나아가지 않기 때문이다.
§1.70.3διατεταγμέναι δʼ ἦσαν αἵ τε τῆς ἡμέρας καὶ τῆς νυκτὸς ὧραι, καθʼ ἃς ἐκ παντὸς τρόπου καθῆκον ἦν τὸν βασιλέα πράττειν τὸ συντεταγμένον, οὐ τὸ δεδογμένον ἑαυτῷ.
또한 낮과 밤의 시간도 규정되어 있어, 그 시간 동안 왕은 자신이 결정한 바가 아니라 규정된 바를 어떻게 해서든 행하는 것이 의무였다.
§1.70.4ἕωθεν μὲν γὰρ ἐγερθέντα λαβεῖν αὐτὸν ἔδει πρῶτον τὰς πανταχόθεν ἀπεσταλμένας ἐπιστολάς, ἵνα δύνηται πάντα κατὰ τρόπον χρηματίζειν καὶ πράττειν, εἰδὼς ἀκριβῶς ἕκαστα τῶν κατὰ τὴν βασιλείαν συντελουμένων·
즉, 이른 아침에 일어난 후 왕은 먼저 사방에서 보내온 서한들을 받아야 했다. 이는 왕국에서 일어나는 개별적인 일들을 정확히 안 상태에서 모든 공무를 적절히 처리하고 수행할 수 있도록 하기 위함이었다.
ἔπειτα λουσάμενον καὶ τοῖς τῆς ἀρχῆς συσσήμοις μετʼ ἐσθῆτος λαμπρᾶς κοσμήσαντα τὸ σῶμα
그다음 목욕을 하고, 화려한 의복과 함께 왕권의 상징들로 몸을 단장한 후에 신들에게 희생 제사를 바쳐야 했다.
§1.70.5θῦσαι τοῖς θεοῖς. τῷ τε βωμῷ προσαχθέντων τῶν θυμάτων ἔθος ἦν τὸν ἀρχιερέα στάντα πλησίον τοῦ βασιλέως εὔχεσθαι μεγάλῃ τῇ φωνῇ, περιεστῶτος τοῦ πλήθους τῶν Αἰγυπτίων, δοῦναι τήν τε ὑγίειαν καὶ τἄλλα ἀγαθὰ πάντα τῷ βασιλεῖ διατηροῦντι τὰ πρὸς τοὺς ὑποτεταγμένους δίκαια.
그리고 희생 제물이 제단으로 이끌려 왔을 때, 에집트인 무리가 주위를 둘러싸고 있는 가운데 대사제가 왕의 곁에 서서 큰 목소리로 다음과 같이 기도하는 것이 관습이었다. 즉, 신하들에 대한 정의를 지키는 왕에게 건강과 그 밖의 모든 좋은 것들을 주시기를 구하는 것이었다.
§1.70.6ἀνθομολογεῖσθαι δʼ ἦν ἀναγκαῖον καὶ τὰς κατὰ μέρος ἀρετὰς αὐτοῦ, λέγοντα διότι πρός τε τοὺς θεοὺς εὐσεβῶς καὶ πρὸς τοὺς ἀνθρώπους ἡμερώτατα διάκειται·
또한 왕의 개별적인 덕성들을 하나하나 나열하며 칭송하는 것도 필요했는데, 대사제는 왕이 신들에 대해서는 경건하고 인간들에 대해서는 극히 온화하게 대하고 있다고 말했다.
ἐγκρατής τε γάρ ἐστι καὶ δίκαιος καὶ μεγαλόψυχος, ἔτι δʼ ἀψευδὴς καὶ μεταδοτικὸς τῶν ἀγαθῶν καὶ καθόλου πάσης ἐπιθυμίας κρείττων, καὶ τὰς μὲν τιμωρίας ἐλάττους τῆς ἀξίας ἐπιτιθεὶς τοῖς ἁμαρτήμασι, τὰς δὲ χάριτας μείζονας τῆς εὐεργεσίας ἀποδιδοὺς τοῖς εὐεργετήσασι.
즉, 왕은 절제력 있고 공정하며 도량이 넓고, 나아가 거짓이 없고 선한 것들을 나누어 주며, 대체로 모든 욕망보다 뛰어나고, 잘못에 대해서는 마땅히 받아야 할 것보다 가벼운 벌을 내리며, 은혜를 베푼 이들에게는 그 혜택보다 더 큰 보답을 돌려준다는 것이었다.
§1.70.7πολλὰ δὲ καὶ ἄλλα παραπλήσια τούτοις διελθὼν ὁ κατευχόμενος τὸ τελευταῖον ὑπὲρ τῶν ἀγνοουμένων ἀρὰν ἐποιεῖτο, τὸν μὲν βασιλέα τῶν ἐγκλημάτων ἐξαιρούμενος, εἰς δὲ τοὺς ὑπηρετοῦντας καὶ διδάξαντας τὰ φαῦλα καὶ τὴν βλάβην καὶ τὴν τιμωρίαν ἀξιῶν ἀποσκῆψαι.
기도를 올리는 이는 이와 유사한 다른 많은 일들을 언급한 후에, 마지막으로 무지에서 비롯된 잘못들에 대해 저주를 청했다. 이때 왕은 비난에서 면제하는 반면, 왕을 보필하며 비열한 일들을 가르친 자들에게 해악과 형벌이 내리기를 청했다.
§1.70.8ταῦτα δʼ ἔπραττεν ἅμα μὲν εἰς δεισιδαιμονίαν καὶ θεοφιλῆ βίον τὸν βασιλέα προτρεπόμενος, ἅμα δὲ καὶ κατὰ τρόπον ζῆν ἐθίζων οὐ διὰ πικρᾶς νουθετήσεως, ἀλλὰ διʼ ἐπαίνων κεχαρισμένων καὶ πρὸς ἀρετὴν μάλιστʼ ἀνηκόντων.
대사제가 이 일들을 행한 것은, 한편으로는 왕을 신들에 대한 경외와 신의 사랑을 받는 삶으로 인도하고, 다른 한편으로는 통렬한 훈계가 아니라 기분 좋은 그리고 덕에 가장 부합하는 찬사를 통해 올바른 방식으로 살아가는 것에 왕을 익숙해지게 만들기 위함이었다.
§1.70.9μετὰ δὲ ταῦτα τοῦ βασιλέως ἱεροσκοπησαμένου μόσχῳ καὶ καλλιερήσαντος, ὁ μὲν ἱερογραμματεὺς παρανεγίνωσκέ τινας συμβουλίας συμφερούσας καὶ πράξεις ἐκ τῶν ἱερῶν βίβλων τῶν ἐπιφανεστάτων ἀνδρῶν, ὅπως ὁ τῶν ὅλων τὴν ἡγεμονίαν ἔχων τὰς καλλίστας προαιρέσεις τῇ διανοίᾳ θεωρήσας οὕτω πρὸς τὴν τεταγμένην τῶν κατὰ μέρος τρέπηται διοίκησιν.
이 일 후에 왕이 송아지로 내장 점을 치고 길조를 얻었을 때, 성서기관이 성스러운 서적들로부터 가장 명망 있는 인물들의 유익한 권고 와 행적들을 낭독해 주었다. 이는 만물의 지배권을 가진 자가 가장 고결한 뜻을 정신 속에서 관조하고, 그리하여 개별적으로 규정된 정무로 향할 수 있도록 하기 위함이었다.
§1.70.10οὐ γὰρ μόνον τοῦ χρηματίζειν ἢ κρίνειν ἦν καιρὸς ὡρισμένος, ἀλλὰ καὶ τοῦ περιπατῆσαι καὶ λούσασθαι καὶ κοιμηθῆναι μετὰ τῆς γυναικὸς καὶ καθόλου τῶν κατὰ τὸν βίον πραττομένων ἁπάντων.
왜냐하면 공무를 처리하거나 재판을 하는 것뿐만 아니라, 산책을 하고 목욕을 하며 아내와 잠자리에 들고, 대체로 삶에서 행해지는 모든 일에 대해서도 규정된 시간이 있었기 때문이다.
§1.70.11τροφαῖς δʼ ἔθος ἦν αὐτοῖς ἁπαλαῖς χρῆσθαι, κρέα μὲν μόσχων καὶ χηνῶν μόνων προσφερομένους, οἴνου δὲ τακτόν τι μέτρον πίνοντας μὴ δυνάμενον πλησμονὴν ἄκαιρον ἢ μέθην περιποιῆσαι.
식사에서는 부드러운 음식을 먹는 관습이 있었는데, 오직 송아지와 거위의 고기만을 섭취하고, 부적절한 포만감이나 취기를 일으키지 않는 일정한 양의 포도주만을 마셨다.
§1.70.12καθόλου δὲ τὰ περὶ τὴν δίαιταν οὕτως ὑπῆρχε συμμέτρως διατεταγμένα ὥστε δοκεῖν μὴ νομοθέτην, ἀλλὰ τὸν ἄριστον τῶν ἰατρῶν συντεταχέναι τῆς ὑγιείας στοχαζόμενον.
대체로 식생활에 관한 일들은 이처럼 매우 절도 있게 규정되어 있어서, 입법가가 아니라 건강을 목표로 하는 가장 뛰어난 의사가 이를 규정해 둔 것처럼 보일 정도였다.