§1.56.1ὁ δὲ Σεσόωσις ἀποστήσας τὰ πλήθη ἀπὸ τῶν πολεμικῶν ἔργων τοῖς μὲν συνανδραγαθήσασι συνεχώρησε τὴν ῥᾳστώνην καὶ τὴν ἀπόλαυσιν τῶν κατακτηθέντων ἀγαθῶν, αὐτὸς δὲ φιλόδοξος ὢν καὶ τῆς εἰς τὸν αἰῶνα μνήμης ὀρεγόμενος κατεσκεύασεν ἔργα μεγάλα καὶ θαυμαστὰ ταῖς ἐπινοίαις καὶ ταῖς χορηγίαις, ἑαυτῷ μὲν ἀθάνατον περιποιοῦντα δόξαν, τοῖς δʼ Αἰγυπτίοις τὴν εἰς ἅπαντα τὸν χρόνον ἀσφάλειαν μετὰ ῥᾳστώνης.
세소오시스는 군중을 전쟁의 노고로부터 해방시킨 후, 자신과 함께 용맹하게 싸운 자들에게는 휴식과 획득한 재물의 향유를 허락했고, 자신은 명예를 사랑하고 영원한 기억을 열망하는 자였기에 그 구상과 비용 면에서 위대하고 경이로운 과업들을 건설했다. 이것들은 그 자신에게는 불멸의 명성을 안겨주었고, 에집트인들에게는 안락함과 함께 영원한 안전을 가져다주는 것이었다.
§1.56.2πρῶτον μὲν γὰρ ἀπὸ θεῶν ἀρξάμενος ᾠκοδόμησεν ἐν πάσαις ταῖς κατʼ Αἴγυπτον πόλεσιν ἱερὸν θεοῦ τοῦ μάλιστα παρʼ ἑκάστοις τιμωμένου.
우선 첫째로 신들로부터 시작한 그는 에집트의 모든 도시에 각지에서 가장 숭배받는 신의 신전을 건설했다.
πρὸς δὲ τὰς ἐργασίας τῶν μὲν Αἰγυπτίων οὐδένα παρέλαβε, διʼ αὐτῶν δὲ τῶν αἰχμαλώτων ἅπαντα κατεσκεύασε·
그리고 그 노동을 위해 에집트인은 단 한 명도 동원하지 않고, 포로들 자신을 통해 모든 것을 건설했다.
διόπερ ἐπὶ πᾶσι τοῖς ἱεροῖς ἐπέγραψεν ὡς οὐδεὶς ἐγχώριος εἰς αὐτὰ μεμόχθηκε.
그리하여 그는 모든 신전에 현지인 중 누구도 그것들을 위해 고통스럽게 일하지 않았다는 비문을 새겼다.
§1.56.3λέγεται δὲ τῶν αἰχμαλώτων τοὺς ἐκ τῆς Βαβυλωνίας ἁλόντας ἀποστῆναι τοῦ βασιλέως, μὴ δυναμένους φέρειν τὰς ἐν τοῖς ἔργοις ταλαιπωρίας·
그리고 포로들 가운데 바빌로니아에서 잡혀온 자들이 노동의 고난을 견디지 못하고 왕에게 반란을 일으켰다고 전해진다.
οὓς καταλαβομένους παρὰ τὸν ποταμὸν χωρίον καρτερὸν διαπολεμεῖν τοῖς Αἰγυπτίοις καὶ τὴν σύνεγγυς χώραν καταφθείρειν, τέλος δὲ δοθείσης ἀδείας αὐτοῖς κατοικῆσαι τὸν τόπον, ὃν καὶ ἀπὸ τῆς πατρίδος Βαβυλῶνα προσαγορεῦσαι.
그들은 강변의 견고한 요지를 점령하여 에집트인들을 상대로 전쟁을 벌이고 인근 지역을 황폐화했으나, 마침내 안전을 보장받고서 그곳에 정착하여 자신들의 조국 이름을 따서 그곳을 바빌론이라 불렀다고 한다.
§1.56.4δι’ αἰτίας δὲ παραπλησίους φασὶν ὠνομάσθαι καὶ τὴν Τροίαν τὴν ἔτι νῦν οὖσαν παρὰ τὸν Νεῖλον·
또한 유사한 이유로 오늘날에도 나일강변에 존재하는 트로이 역시 이름이 붙여졌다고 사람들은 말한다.
τὸν μὲν γὰρ Μενέλαον ἐξ Ἰλίου πλέοντα μετὰ πολλῶν αἰχμαλώτων παραβαλεῖν εἰς Αἴγυπτον, τοὺς δὲ Τρῶας ἀποστάντας αὐτοῦ καταλαβέσθαι τινὰ τόπον καὶ διαπολεμῆσαι μέχρι ὅτου συγχωρηθείσης αὐτοῖς τῆς ἀσφαλείας ἔκτισαν πόλιν, ἣν ὁμώνυμον αὐτοὺς ποιῆσαι τῇ πατρίδι.
즉, 메넬라오스가 많은 포로와 함께 일리온으로부터 항해하여 에집트에 기항했을 때, 트로이인들이 그에게 반란을 일으켜 어떤 곳을 점령하고 전쟁을 벌였으며, 마침내 그들에게 안전이 허락되었을 때 도시를 건설하고 그것을 조국과 동명의 이름으로 불렀다는 것이다.
§1.56.5οὐκ ἀγνοῶ δʼ ὅτι περὶ τῶν εἰρημένων πόλεων Κτησίας ὁ Κνίδιος διαφόρως ἱστόρησε, φήσας τῶν μετὰ Σεμιράμιδος παραβαλόντων εἰς Αἴγυπτόν τινας ἐκτικέναι ταύτας, ἀπὸ τῶν ἰδίων πατρίδων θεμένους τὴν προσηγορίαν.
하지만 앞서 언급된 도시들에 대해 크니도스의 크테시아스가 다르게 기록하여, 세미라미스와 함께 에집트에 온 자들 중 일부가 자신들의 조국 이름을 따서 이 도시들을 건설했다고 말했다는 사실을 내가 모르는 것은 아니다.
§1.56.6περὶ δὲ τούτων τὸ μὲν ἀληθὲς ἐκθέσθαι μετὰ ἀκριβείας οὐ ῥᾴδιον, τὸ δʼ ἀναγραφῆς ἀξιῶσαι τὰ διαφωνούμενα παρὰ τοῖς συγγραφεῦσιν ἀναγκαῖον, ὅπως ἀκέραιος ἡ περὶ τῆς ἀληθείας κρίσις ἀπολείπηται. τοῖς ἀναγινώσκουσιν.
이 일들에 관하여 진실을 정확하게 밝히는 것은 쉽지 않으나, 독자들에게 진실에 대한 판단이 훼손되지 않은 채 남겨질 수 있도록 역사가들 사이의 이견을 기록해 둘 가치가 있다고 여기는 것은 필요한 일이다.