§1.27.1νομοθετῆσαι δέ φασι τοὺς Αἰγυπτίους παρὰ τὸ κοινὸν ἔθος τῶν ἀνθρώπων γαμεῖν ἀδελφὰς διὰ τὸ γεγονὸς ἐν τούτοις τῆς Ἴσιδος ἐπίτευγμα·
또한 그들은 에집트인들이 인류의 공통된 관습에 반하여 자매와 결혼하는 법을 제정했다고 말하는데, 이는 이들 중에서 일어난 이시스의 업적 때문이다.
ταύτην γὰρ συνοικήσασαν Ὀσίριδι τῷ ἀδελφῷ, καὶ ἀποθανόντος ὀμόσασαν οὐδενὸς ἔτι συνουσίαν ἀνδρὸς προσδέξεσθαι, μετελθεῖν τόν τε φόνον τἀνδρὸς καὶ διατελέσαι βασιλεύουσαν νομιμώτατα, καὶ τὸ σύνολον πλείστων καὶ μεγίστων ἀγαθῶν αἰτίαν γενέσθαι πᾶσιν ἀνθρώποις. §1.27.2διὰ δὴ ταύτας τὰς αἰτίας καταδειχθῆναι μείζονος ἐξουσίας καὶ τιμῆς τυγχάνειν τὴν βασίλισσαν τοῦ βασιλέως, καὶ παρὰ τοῖς ἰδιώταις κυριεύειν τὴν γυναῖκα τἀνδρός, ἐν τῇ τῆς προικὸς συγγραφῇ προσομολογούντων τῶν γαμούντων ἅπαντα πειθαρχήσειν τῇ γαμουμένῃ. §1.27.3οὐκ ἀγνοῶ δὲ διότι τινὲς τῶν συγγραφέων ἀποφαίνονται τοὺς τάφους τῶν θεῶν τούτων ὑπάρχειν ἐν Νύσῃ τῆς Ἀραβίας, ἀφʼ ἧς καὶ Νυσαῖον τὸν Διόνυσον ὠνομάσθαι.
왜냐하면 그녀는 형제인 오시리스와 혼인하여 살았고, 그가 죽었을 때 다시는 다른 어떤 남자와의 교섭도 받아들이지 않겠다고 맹세한 후, 남편의 살해에 대해 복수하고 가장 법에 맞게 통치를 계속하여, 전반적으로 모든 인류에게 가장 많고 가장 큰 은혜의 원인이 되었기 때문이다. 바로 이러한 이유들 때문에 여왕이 왕보다 더 큰 권력과 명예를 얻는 것이 제정되었고, 사인들 사이에서도 아내가 남편을 지배하는 것이 정해졌는데, 이는 지참금 계약서에서 혼인하는 남성들이 혼인하는 여성에게 전적으로 복종할 것을 합의하는 가운데 이루어지는 일이다. 나는 몇몇 저술가들이 이들 신의 무덤이 아라비아의 니사에 존재하며, 그곳으로부터 디오니스스 역시 '니사이오스'라 이름 불리게 되었다고 주장하고 있음을 모르지 않는다.
εἶναι δὲ καὶ στήλην ἑκατέρου τῶν θεῶν ἐπιγεγραμμένην τοῖς ἱεροῖς γράμμασιν. §1.27.4ἐπὶ μὲν οὖν τῆς Ἴσιδος ἐπιγεγράφθαι “ἐγὼ Ἶσίς εἰμι ἡ βασίλισσα πάσης χώρας, ἡ παιδευθεῖσα ὑπὸ Ἑρμοῦ, καὶ ὅσα ἐγὼ ἐνομοθέτησα, οὐδεὶς αὐτὰ δύναται λῦσαι.
또한 각각의 신의, 신성한 문자로 비문이 새겨진 비석이 존재한다고도 한다. 그리하여 우선 이시스의 비석에는 다음과 같이 새겨져 있다. "나는 온 땅의 여왕 이시스이며, 헤르메스에 의해 가르침을 받은 자이다. 그리고 내가 법으로 제정한 것은 아무도 그것을 폐지할 수 없다.
ἐγώ εἰμι ἡ τοῦ νεωτάτου Κρόνου θεοῦ θυγάτηρ πρεσβυτάτη·
나는 가장 젊은 신 크로노스의 맏딸이다.
ἐγώ εἰμι γυνὴ καὶ ἀδελφὴ Ὀσίριδος βασιλέως·
나는 왕 오시리스의 아내이자 자매이다.
ἐγώ εἰμι ἡ πρώτη καρπὸν ἀνθρώποις εὑροῦσα·
나는 인류에게 처음으로 곡물을 발견해 준 자이다.
ἐγώ εἰμι μήτηρ Ὥρου τοῦ βασιλέως·
나는 왕 호루스의 어머니이다.
ἐγώ εἰμι ἡ ἐν τῷ ἄστρῳ τῷ ἐν τῷ κυνὶ ἐπιτέλλουσα·
나는 큰개자리에 있는 별에서 떠오르는 자이다.
§1.27.5ἐμοὶ Βούβαστος ἡ πόλις ᾠκοδομήθη.
나를 위해 부바스토스 시가 건설되었다.
χαῖρε χαῖρε Αἴγυπτε ἡ θρέψασά με. ” ἐπὶ δὲ τῆς Ὀσίριδος ἐπιγεγράφθαι λέγεται “πατὴρ μέν ἐστί μοι Κρόνος νεώτατος θεῶν ἁπάντων, εἰμὶ δὲ Ὄσιρις ὁ βασιλεύς, ὁ στρατεύσας ἐπὶ πᾶσαν χώραν ἕως εἰς τοὺς ἀοικήτους τόπους τῶν Ἰνδῶν καὶ τοὺς πρὸς ἄρκτον κεκλιμένους, μέχρι Ἴστρου ποταμοῦ πηγῶν, καὶ πάλιν ἐπὶ τἄλλα μέρη ἕως ὠκεανοῦ.
기뻐하라, 기뻐하라, 나를 기른 에집트여." 반면 오시리스의 비석에는 다음과 같이 새겨져 있다고 전해진다. "나의 아버지는 모든 신들 중 가장 젊은 크로노스이며, 나는 왕 오시리스이다. 온 땅으로, 인도인들의 거주하지 않는 지역들과 북쪽으로 기운 지역들에 이르기까지, 이스트로스 강의 발원지까지 원정하였고, 다시 다른 지역들로 오케아노스에 이르기까지 원정한 자이다.
εἰμὶ δὲ υἱὸς Κρόνου πρεσβύτατος, καὶ βλαστὸς ἐκ καλοῦ τε καὶ εὐγενοῦς ᾠοῦ σπέρμα συγγενὲς ἐγεννήθην ἡμέρας.
나는 크로노스의 맏아들이며, 아름답고도 고결한 알로부터 싹튼 자로서, 하루(낮)의 친족인 씨앗으로 태어났다.
καὶ οὐκ ἔστι τόπος τῆς οἰκουμένης εἰς ὃν ἐγὼ οὐκ ἀφῖγμαι, διαδοὺς πᾶσιν ὧν ἐγὼ εὑρετὴς ἐγενόμην. ” §1.27.6τοσαῦτα τῶν γεγραμμένων ἐν ταῖς στήλαις φασὶ δύνασθαι ἀναγνῶναι, τὰ δʼ ἄλλα ὄντα πλείω κατεφθάρθαι διὰ τὸν χρόνον.
그리고 거주하는 세계의 어느 곳도 내가 가보지 않은 곳이 없으며, 내가 발견자가 되었던 모든 것을 모든 이에게 나누어 주었다." 비석들에 기록된 것 중 이 정도의 내용만을 판독할 수 있다고 그들은 말하며, 그 밖의 더 많은 부분은 세월로 인해 소멸되었다고 한다.
τὰ μὲν οὖν περὶ τῆς ταφῆς τῶν θεῶν τούτων διαφωνεῖται παρὰ τοῖς πλείστοις διὰ τὸ τοὺς ἱερεῖς ἐν ἀπορρήτοις παρειληφότας τὴν περὶ τούτων ἀκρίβειαν μὴ βούλεσθαι τἀληθὲς ἐκφέρειν εἰς τοὺς πολλούς, ὡς ἂν καὶ κινδύνων ἐπικειμένων τοῖς τἀπόρρητα περὶ τῶν θεῶν τούτων μηνύσασιν εἰς τοὺς ὄχλους.
이 신들의 매장에 관한 사정은 대부분의 사람들 사이에서 의견이 분분한데, 왜냐하면 사제들이 이들에 관한 정확한 진상을 비의 속에 전수받아 일반 대중에게 진실을 퍼뜨리기를 원치 않기 때문이며, 또한 이 신들에 관한 비밀을 군중에게 누설하는 자들에게는 위험이 닥치기 때문이기도 하다.