§1.21.1τῶν δʼ ἱερέων περὶ τῆς Ὀσίριδος τελευτῆς ἐξ ἀρχαίων ἐν ἀπορρήτοις παρειληφότων, τῷ χρόνῳ ποτὲ συνέβη διά τινων εἰς τοὺς πολλοὺς ἐξενεχθῆναι τὸ σιωπώμενον.
사제들이 오시리스의 죽음에 관한 이야기를 예로부터 비밀리에 전수받아 왔음에도 불구하고, 시간이 흐르면서 침묵에 부쳐졌던 그 일이 어떤 사람들을 통해 대중에게 누설되는 일이 발생했다.
§1.21.2φασὶ γὰρ νομίμως βασιλεύοντα τῆς Αἰγύπτου τὸν Ὄσιριν ὑπὸ Τυφῶνος ἀναιρεθῆναι τἀδελφοῦ, βιαίου καὶ ἀσεβοῦς ὄντος·
그들이 말하기를, 오시리스가 이집트를 법에 따라 다스리고 있을 때 난폭하고 불경한 그의 형제 티폰에게 살해당했다고 한다.
ὃν διελόντα τὸ σῶμα τοῦ φονευθέντος εἰς ἓξ καὶ εἴκοσι μέρη δοῦναι τῶν συνεπιθεμένων ἑκάστῳ μερίδα, βουλόμενον πάντας μετασχεῖν τοῦ μύσους, καὶ διὰ τούτου νομίζοντα συναγωνιστὰς ἕξειν καὶ φύλακας τῆς βασιλείας βεβαίους.
티폰은 살해된 자의 시신을 스물여섯 조각으로 잘라 공모자들 각자에게 한 조각씩 나누어 주었는데, 이는 모든 사람을 그 죄악에 동참하게 함으로써 이를 통해 자신의 왕권을 지킬 확실한 동지들과 수호자들을 얻을 수 있으리라 생각했기 때문이다.
§1.21.3τὴν δὲ Ἶσιν ἀδελφὴν οὖσαν Ὀσίριδος καὶ γυναῖκα μετελθεῖν τὸν φόνον, συναγωνιζομένου τοῦ παιδὸς αὐτῆς Ὥρου· ἀνελοῦσαν δὲ τὸν τυφῶνα καὶ τοὺς συμπράξαντας βασιλεῦσαι τῆς Αἰγύπτου.
한편, 오시리스의 누이이자 아내인 이시스는 아들 호루스의 조력을 받아 그 살해에 대해 복수를 하였으며, 티폰과 그 공모자들을 처단한 뒤 이집트를 통치하게 되었다.
§1.21.4γενέσθαι δὲ τὴν μάχην παρὰ τὸν ποταμὸν πλησίον τῆς νῦν Ἀνταίου κώμης καλουμένης, ἣν κεῖσθαι μὲν λέγουσιν ἐν τῷ κατὰ τὴν Ἀραβίαν μέρει, τὴν προσηγορίαν δʼ ἔχειν ἀπὸ τοῦ κολασθέντος ὑφʼ Ἡρακλέους Ἀνταίου, τοῦ κατὰ τὴν Ὀσίριδος ἡλικίαν γενομένου.
그 전투는 오늘날 안타이오스 마을이라 불리는 곳 근처의 강가에서 일어났는데, 이 마을은 아라비아 쪽에 위치한다고 전해지며, 그 이름은 헤라클레스에게 벌을 받았고 오시리스와 같은 시대에 살았던 안타이오스에게서 유래했다고 한다.
§1.21.5τὴν δʼ οὖν Ἶσιν πάντα τὰ μέρη τοῦ σώματος πλὴν τῶν αἰδοίων ἀνευρεῖν·
어쨌든 이시스는 음부를 제외한 시신의 모든 부위를 찾아내었다.
βουλομένην δὲ τὴν τἀνδρὸς ταφὴν ἄδηλον ποιῆσαι καὶ τιμωμένην παρὰ πᾶσι τοῖς τὴν Αἴγυπτον κατοικοῦσι, συντελέσαι τὸ δόξαν τοιῷδέ τινι τρόπῳ.
그리고 남편의 매장지를 남들이 알지 못하게 하면서도 이집트에 사는 모든 이들로부터 숭배받게 하기를 원하여, 다음과 같은 방식으로 뜻한 바를 이행했다.
ἑκάστῳ τῶν μερῶν περιπλάσαι λέγουσιν αὐτὴν τύπον ἀνθρωποειδῆ, παραπλήσιον Ὀσίριδι τὸ μέγεθος, ἐξ ἀρωμάτων καὶ κηροῦ·
즉, 그녀는 향료와 밀랍을 사용하여 각각의 부위 둘레에 오시리스와 크기가 비슷한 인간 형상의 상을 빚었다고 한다.
§1.21.6εἰσκαλεσαμένην δὲ κατὰ γένη τῶν ἱερέων ἐξορκίσαι πάντας μηδενὶ δηλώσειν τὴν δοθησομένην αὐτοῖς πίστιν, κατʼ ἰδίαν δʼ ἑκάστοις εἰπεῖν ὅτι μόνοις ἐκείνοις παρατίθεται τὴν τοῦ σώματος ταφήν, καὶ τῶν εὐεργεσιῶν ὑπομνήσασαν παρακαλέσαι θάψαντας ἐν τοῖς ἰδίοις τόποις τὸ σῶμα τιμᾶν ὡς θεὸν τὸν Ὄσιριν, καθιερῶσαι δὲ καὶ τῶν γινομένων παρʼ αὐτοῖς ζῴων ἓν ὁποῖον ἂν βουληθῶσι, καὶ τοῦτʼ ἐν μὲν τῷ ζῆν τιμᾶν, καθάπερ καὶ πρότερον τὸν Ὄσιριν, μετὰ δὲ τὴν τελευτὴν τῆς ὁμοίας ἐκείνῳ κηδείας ἀξιοῦν.
그런 다음 사제들을 계파별로 불러들여 자신들에게 주어질 서약을 아무에게도 누설하지 않겠다고 모두에게 맹세하게 한 뒤, 개별적으로 각자에게 오직 그들에게만 시신의 매장을 위탁하는 것이라고 말하였다. 또한 오시리스가 베푼 은혜를 상기시키며, 각자의 지역에 시신을 묻고 오시리스를 신으로 숭배하라고 권고하는 한편, 그들 가운데 있는 동물들 중에서 원하는 것 하나를 신성화하여 그것이 살아 있는 동안에는 이전에 오시리스를 숭배했던 것처럼 숭배하고, 그것이 죽은 뒤에는 그와 유사한 장례를 치러줄 것을 당부했다.
§1.21.7βουλομένην δὲ τὴν Ἶσιν καὶ τῷ λυσιτελεῖ προτρέψασθαι τοὺς ἱερεῖς ἐπὶ τὰς προειρημένας τιμάς, τὸ τρίτον μέρος τῆς χώρας αὐτοῖς δοῦναι πρὸς τὰς τῶν θεῶν θεραπείας τε καὶ λειτουργίας.
또한 이시스는 사제들에게 이익을 제공함으로써 앞서 말한 숭배로 유도하기를 원하여, 신들에 대한 의례와 봉사를 위해 그 나라 영토의 3분의 1을 그들에게 주었다.
§1.21.8τοὺς δʼ ἱερεῖς λέγεται, μνημονεύοντας τῶν Ὀσίριδος εὐεργεσιῶν καὶ τῇ παρακαλούσῃ βουλομένους χαρίζεσθαι, πρὸς δὲ τούτοις τῷ λυσιτελεῖ προκληθέντας, §1.21.9πάντα πρᾶξαι κατὰ τὴν Ἴσιδος ὑποθήκην.
사제들은 오시리스가 베푼 은혜를 기억하고 간청하는 그녀의 뜻에 부응하고자 했으며, 여기에 더하여 이익에 이끌렸기 때문에, 이시스의 지침에 따라 모든 일을 행했다고 전해진다.
διὸ καὶ μέχρι τοῦ νῦν ἑκάστους τῶν ἱερέων ὑπολαμβάνειν παρʼ ἑαυτοῖς τεθάφθαι τὸν Ὄσιριν, καὶ τά τε ἐξ ἀρχῆς καθιερωθέντα ζῷα τιμᾶν, καὶ τελευτησάντων αὐτῶν ἐν ταῖς ταφαῖς ἀνανεοῦσθαι τὸ τοῦ Ὀσίριδος πένθος.
이런 까닭에 오늘날까지도 각 계파의 사제들은 자신들의 처소에 오시리스가 묻혀 있다고 생각하며, 처음에 신성화된 동물들을 숭배하고 그 동물들이 죽었을 때 장례식에서 오시리스에 대한 애도를 새로이 하는 것이다.
§1.21.10τοὺς δὲ ταύρους τοὺς ἱερούς, τόν τε ὀνομαζόμενον Ἆπιν καὶ τὸν Μνεῦιν, Ὀσίριδι καθιερωθῆναι, καὶ τούτους σέβεσθαι καθάπερ θεοὺς κοινῇ καταδειχθῆναι πᾶσιν Αἰγυπτίοις·
또한 신성한 황소들, 즉 아피스라 불리는 황소와 므네우이스라 불리는 황소는 오시리스에게 헌정되었으며, 이를 신처럼 숭배하는 일이 모든 이집트인에게 공동으로 확립되었다.
§1.21.11ταῦτα γὰρ τὰ ζῷα τοῖς εὑροῦσι τὸν τοῦ σίτου καρπὸν συνεργῆσαι μάλιστα πρός τε τὸν σπόρον καὶ τὰς κοινὰς ἁπάντων ἐκ τῆς γεωργίας ὠφελείας.
왜냐하면 이 동물들은 곡식의 열매를 발견한 자들에게 파종과 농경을 통해 얻는 만인의 공동 이익에 있어 가장 큰 도움을 주었기 때문이다.