§17.77.1ἐπανελθόντος δʼ αὐτοῦ πάλιν εἰς τὴν Ὑρκανίαν ἧκεν πρὸς αὐτὸν ἡ βασίλισσα τῶν Ἀμαζόνων, ὄνομα μὲν Θάλληστρις, βασιλεύουσα δὲ τῆς μεταξὺ τοῦ Φάσιδος καὶ Θερμώδοντος χώρας.
그가 다시 히르카니아로 돌아왔을 때, 파시스 강과 테르모돈 강 사이의 영토를 다스리는 아마존의 여왕 탈레스트리스가 그에게 찾아왔다.
ἦν δὲ τῷ τε κάλλει καὶ τῇ τοῦ σώματος ῥώμῃ διαφέρουσα καὶ παρὰ τοῖς ὁμοεθνέσι θαυμαζομένη κατʼ ἀνδρείαν, καὶ τὸ μὲν πλῆθος τῆς στρατιᾶς ἐπὶ τῶν ὅρων τῆς Ὑρκανίας ἀπολελοιπυῖα, μετὰ δὲ τριακοσίων Ἀμαζονίδων κεκοσμημένων πολεμικοῖς ὅπλοις παραγενομένη.
그녀는 아름다움과 신체의 강인함에서 뛰어났으며 동포들 사이에서 용맹함으로 칭송받았는데, 군대의 대다수를 히르카니아의 국경에 남겨두고 무기로 무장한 300명의 아마존들을 거느리고 나타났다.
§17.77.2τοῦ δὲ βασιλέως θαυμάζοντος τό τε παράδοξον τῆς παρουσίας καὶ τὸ ἀξίωμα τῶν γυναικῶν καὶ τὴν Θάλληστριν ἐρομένου τίνα χρείαν ἔχουσα πάρεστιν, ἀπεφαίνετο παιδοποιίας ἕνεκεν ἥκειν.
왕이 그녀들이 나타난 의외함과 그 여인들의 위엄에 놀라 탈레스트리스에게 어떤 용건으로 찾아왔는지 묻자, 그녀는 아이를 얻기 위해 왔다고 밝혔다.
§17.77.3ἐκεῖνον μὲν γὰρ τῶν ἁπάντων ἀνδρῶν διὰ τὰς πράξεις ἄριστον ὑπάρχειν, αὑτὴν δὲ τῶν γυναικῶν ἀλκῇ τε καὶ ἀνδρείᾳ διαφέρειν· εἰκὸς οὖν τὸ γεννηθὲν ἐκ δυεῖν γονέων πρωτευόντων ὑπερέξειν ἀρετῇ τῶν ἄλλων ἀνθρώπων.
왜냐하면 그는 그의 위업 덕분에 모든 남자들 중에서 가장 뛰어나고, 자신은 여자들 중에서 무용과 용맹함이 뛰어나므로, 뛰어난 두 부모에게서 태어난 아이는 다른 사람들보다 역량 면에서 우월한 것이 당연하기 때문이라는 것이었다.
καὶ πέρας ἡσθεὶς ὁ βασιλεὺς καὶ προσδεξάμενος τὴν ἔντευξιν αὐτῆς καὶ συμπεριενεχθεὶς ἡμέρας τρεισκαίδεκα τιμήσας τε ἀξιολόγοις δώροις ἐξαπέστειλεν εἰς τὴν οἰκείαν.
결국 왕은 기뻐하며 그녀의 청을 받아들였고, 13일 동안 그녀와 함께 지낸 뒤 가치 있는 선물들로 그녀를 대접하여 고국으로 돌려보냈다.
§17.77.4μετὰ δὲ ταῦτα δόξας ἤδη κεκρατηκέναι τῆς ἐπιβολῆς καὶ τὴν βασιλείαν ἀδήριτον ἔχειν ἤρξατο ζηλοῦν τὴν Περσικὴν τρυφὴν καὶ τὴν πολυτέλειαν τῶν Ἀσιανῶν βασιλέων.
이 일 후에, 이미 자신의 기도를 성취했고 왕권을 독점하여 분쟁이 없는 상태로 가지게 되었다고 여긴 그는 페르시아풍의 사치와 아시아 왕들의 호사를 모방하기 시작했다.
καὶ πρῶτον μὲν περὶ τὴν αὐλὴν εἶχε ῥαβδούχους Ἀσιαγενεῖς, ἔπειτα τοὺς ἐπιφανεστάτους τῶν Ἀσιανῶν ἀνδρῶν δορυφορεῖν ἔταξεν, ἐν οἷς ἦν καὶ ὁ Δαρείου ἀδελφὸς Ὀξάθρης.
그리고 먼저 궁정 주변에 아시아 출신의 간수들을 두었고, 이어서 아시아인들 중 가장 명망 있는 이들에게 호위를 맡기도록 명령했는데, 그들 중에는 다레이오스의 형제 옥사트레스도 있었다.
§17.77.5εἶτα τό τε Περσικὸν διάδημα περιέθετο καὶ τὸν διάλευκον ἐνεδύσατο χιτῶνα καὶ τὴν Περσικὴν ζώνην καὶ τἄλλα πλὴν τῶν ἀναξυρίδων καὶ τοῦ κάνδυος.
그러고 나서 페르시아식 머리띠를 머리에 둘렀고, 흰 줄무늬가 있는 키톤과 페르시아식 허리띠, 그리고 바지와 겉옷을 제외한 나머지 의복들을 입었다.
διέδωκε δὲ καὶ τοῖς ἑταίροις περιπορφύρους στολὰς καὶ τοῖς ἵπποις Περσικὰς σκευὰς περιέθηκε.
또한 그의 동료들에게도 자주색 장식이 달린 긴 옷을 나누어 주었으며, 말들에게도 페르시아식 마구를 씌웠다.
§17.77.6πρὸς δὲ τούτοις τὰς παλλακίδας ὁμοίως τῷ Δαρείῳ περιήγετο, τὸν μὲν ἀριθμὸν οὔσας οὐκ ἐλάττους πλήθει τῶν κατὰ τὸν ἐνιαυτὸν ἡμερῶν, κάλλει δὲ διαπρεπεῖς ὡς ἂν ἐξ ἁπασῶν τῶν κατὰ τὴν Ἀσίαν γυναικῶν ἐπιλελεγμένας.
이에 더하여 다레이오스와 마찬가지로 후궁들을 거느리고 다녔는데, 그 수는 일 년의 날수보다 적지 않았으며, 아시아 전역의 여성들 중에서 엄선된 것처럼 아름다움이 무척 뛰어났다.
§17.77.7αὗται δὲ ἑκάστης νυκτὸς περιῄεσαν τὴν κλίνην τοῦ βασιλέως, ἵνα τὴν ἐκλογὴν αὐτὸς ποιήσηται τῆς μελλούσης αὐτῷ συνεῖναι.
이들은 매일 밤 왕의 침대 주변을 돌았는데, 이는 왕이 자신과 함께 밤을 보낼 여성을 직접 선택할 수 있도록 하기 위함이었다.
τούτοις μὲν οὖν τοῖς ἐθισμοῖς Ἀλέξανδρος σπανίως ἐχρῆτο, τοῖς δὲ προϋπάρχουσι κατὰ τὸ πλεῖστον ἐνδιέτριβε, φοβούμενος τὸ προσκόπτειν τοῖς Μακεδόσιν.
하지만 알렉산드로스는 이러한 관습들을 드물게만 사용했고 대부분은 기존의 관습을 따르며 시간을 보냈는데, 이는 마케도니아인들의 반감을 사는 것을 두려워했기 때문이다.