§17.67.1μετὰ δὲ ταῦτα τὴν μὲν Δαρείου μητέρα καὶ τὰς θυγατέρας καὶ τὸν υἱὸν ἀπέλιπεν ἐν Σούσοις καὶ παρακατέστησε τοὺς διδάξοντας τὴν Ἑλληνικὴν διάλεκτον, αὐτὸς δὲ μετὰ τῆς δυνάμεως ἀναζεύξας τεταρταῖος ἐπὶ τὸν Τίγριν ποταμὸν ἀφίκετο.
이 일이 있은 후, 알렉산드로스는 다레이오스의 어머니와 딸들, 그리고 아들을 수사에 남겨두고 그들에게 그리스어를 가르칠 교사들을 배치했다. 그 자신은 군대를 이끌고 출발하여 나흘째 되는 날에 티그리스강에 도착했다.
§17.67.2ὃς ῥέων ἀπὸ τῆς Οὐξίων ὀρεινῆς τὸ μὲν πρῶτον φέρεται διὰ χώρας τραχείας καὶ χαράδραις μεγάλαις διειλημμένης ἐπὶ σταδίους χιλίους, ἔπειτα διαρρεῖ χώραν πεδιάδα, πραϋνόμενος αἰεὶ μᾶλλον, καὶ διελθὼν σταδίους ἑξακοσίους ἐξίησιν εἰς τὴν κατὰ Πέρσας θάλασσαν.
이 강은 우크시오스인의 산지에서 발원하여, 처음에는 거대하고 험준한 골짜기들로 갈라진 험한 지역을 통해 천 스타디온 동안 흐르며, 그 후에는 평야 지대를 흐르면서 점점 잔잔해져, 육백 스타디온을 흐른 뒤에 페르시아해로 흘러 들어간다.
§17.67.3διαβὰς δὲ τὸν Τίγριν προῆγεν ἐπὶ τὴν Οὐξίων χώραν,οὖσαν πάμφορον καὶ δαψιλέσιν ὕδασι διαρρεομένην καὶ πολλοὺς καὶ παντοδαποὺς ἐκφέρουσαν καρπούς·
티그리스강을 건너 그는 우크시오스인의 땅으로 진군했는데, 그곳은 매우 비옥하고 풍부한 물이 흐르며 온갖 종류의 열매를 풍성하게 맺는 곳이었다.
διὸ καὶ τῆς ὡρίμου ξηραινομένης ὀπώρας παντοδαπὰ πλάσματα χρήσιμα πρὸς ἀπόλαυσιν οἱ τὸν Τίγριν πλέοντες ἔμποροι κατάγουσιν εἰς τὴν Βαβυλωνίαν.
그렇기 때문에 잘 익은 과일을 말려 만든 식용으로 유용한 다양한 가공품들을 티그리스강을 항해하는 상인들이 바빌로니아로 실어 날랐다.
§17.67.4καταλαβὼν δὲ τὰς παρόδους φυλαττομένας ὑπὸ Μαδέτου, συγγενοῦς μὲν ὄντος Δαρείου, δύναμιν δὲ ἔχοντος ἀξιόλογον, κατεσκέψατο τὴν ὀχυρότητα τῶν τόπων.
다레이오스의 친척으로 상당한 군세를 보유한 마데테스가 통로를 지키고 있는 것을 발견한 그는, 그 지형의 견고함을 정찰했다.
ἀπαροδεύτων δʼ ὄντων κρημνῶν τῶν ἐγχωρίων τις ἀνήρ, Οὔξιος μὲν τὸ γένος, ἔμπειρος δὲ τῶν τόπων, ἐπηγγείλατο τῷ βασιλεῖ διά τινος στενῆς ἀτραποῦ καὶ παραβόλου ἄξειν τοὺς στρατιώτας, ὥστε ὑπερδεξίους γενέσθαι τῶν πολεμίων.
절벽으로 인해 통과가 불가능했기에, 우크시오스 태생이자 그곳 지형에 밝은 현지인 한 명이 왕에게, 좁고 험난한 오솔길을 통해 군사들을 인도하여 적들의 상방 고지에 도달할 수 있게 해 주겠다고 약속했다.
§17.67.5ὁ δʼ Ἀλέξανδρος προσδεξάμενος τοὺς λόγους τούτῳ μὲν συναπέστειλε τοὺς ἱκανοὺς στρατιώτας, αὐτὸς δὲ τὴν δίοδον κατασκευάσας ἐφʼ ὧν ἦν ἐνδεχόμενον ἐκ διαδοχῆς προσέβαλε τοῖς ἐπὶ τῶν παρόδων ἐφεστηκόσιν.
알렉산드로스는 이 제안을 받아들여 그에게 충분한 수의 군사들을 딸려 보냈고, 자신은 가능한 곳에서 통로를 확보하며 통로를 가로막고 선 적들에게 교대로 공격을 가했다.
ἐνεργῶς δὲ τοῦ κινδύνου συνεστῶτος καὶ τῶν βαρβάρων περισπωμένων περὶ τὸν ἀγῶνα παραδόξως οἱ πεμφθέντες ἐφάνησαν ὑπερδέξιοι τοῖς τὴν πάροδον φυλάττουσι.
격렬한 전투가 벌어지고 야만인들이 전투에 신경을 빼앗긴 사이, 뜻밖에 파견된 군사들이 통로를 지키던 자들의 위쪽에 나타났다.
καταπλαγέντων δὲ τῶν βαρβάρων καὶ πρὸς φυγὴν ὁρμησάντων ἐγκρατὴς ἐγένετο τῆς διεξόδου καὶ ταχέως πασῶν τῶν κατὰ τὴν Οὐξιανὴν πόλεων.
야만인들이 당황하여 도망치기 시작하자, 알렉산드로스는 통로를 점령하고 신속하게 우크시아네 지역의 모든 도시들을 지배하에 두었다.