§17.17.1ἐπʼ ἄρχοντος δʼ Ἀθήνησι Κτησικλέους Ῥωμαῖοι μὲν ὑπάτους κατέστησαν Γάιον Σουλπίκιον καὶ Λεύκιον Παπίριον.
아테네에서 크테시클레스가 아르콘으로 있던 해에, 로마인들은 가이우스 술피키우스와 루키우스 파피리우스를 집정관으로 임명했다.
Ἀλέξανδρος δὲ μετὰ τῆς δυνάμεως πορευθεὶς ἐπὶ τὸν Ἑλλήσποντον διεβίβασε τὴν δύναμιν ἐκ τῆς Εὐρώπης εἰς τὴν Ἀσίαν.
알렉산드로스는 군대와 함께 헬레스폰토스로 나아가 유럽에서 아시아로 군대를 건너가게 했다.
§17.17.2αὐτὸς δὲ μακραῖς ναυσὶν ἑξήκοντα καταπλεύσας πρὸς τὴν Τρῳάδα χώραν πρῶτος τῶν Μακεδόνων ἀπὸ τῆς νεὼς ἠκόντισε μὲν τὸ δόρυ, πήξας δʼ εἰς τὴν γῆν καὶ αὐτὸς ἀπὸ τῆς νεὼς ἀφαλλόμενος παρὰ τῶν θεῶν ἀπεφαίνετο τὴν Ἀσίαν δέχεσθαι δορίκτητον.
그 자신은 60척의 전함을 타고 트로이아 지방으로 항해하여, 마케도니아인들 중 최초로 배 위에서 창을 던져 땅에 꽂았고, 자신도 배에서 뛰어내리며 신들로부터 아시아를 창으로 획득한 영토로서 받아들인다고 선언했다.
§17.17.3καὶ τοὺς μὲν τάφους τῶν ἡρώων Ἀχιλλέως τε καὶ Αἴαντος καὶ τῶν ἄλλων ἐναγίσμασι καὶ τοῖς ἄλλοις τοῖς πρὸς εὐδοξίαν ἀνήκουσιν ἐτίμησεν, αὐτὸς δὲ τὸν ἐξετασμὸν τῆς ἀκολουθούσης δυνάμεως ἀκριβῶς ἐποιήσατο.
그리고 아킬레우스와 아이아스 및 다른 영웅들의 무덤을 추모의 제물과 영예에 걸맞은 다른 것들로 기리는 한편, 자신은 따르는 군대의 사열을 정밀하게 실시했다.
εὑρέθησαν δὲ πεζοὶ Μακεδόνες μὲν μύριοι καὶ δισχίλιοι, σύμμαχοι δὲ ἑπτακισχίλιοι, μισθοφόροι δὲ πεντακισχίλιοι, καὶ τούτων ἁπάντων Παρμενίων εἶχε τὴν ἡγεμονίαν.
보병은 마케도니아인 1만 2천 명, 동맹군 7천 명, 용병 5천 명으로 밝혀졌으며, 이들 전체의 지휘권은 파르메니온이 쥐고 있었다.
§17.17.4Ὀδρύσαι δὲ καὶ Τριβαλλοὶ καὶ Ἰλλυριοὶ συνηκολούθουν ἑπτακισχίλιοι, τοξοτῶν δὲ καὶ τῶν Ἀγριάνων καλουμένων χίλιοι, ὥστε τοὺς ἅπαντας εἶναι πεζοὺς τρισμυρίους καὶ δισχιλίους.
오드리사이인, 트리발로이인, 일리리아인들이 7천 명 동행했고, 궁수들과 아그리아네스라 불리는 자들이 1천 명이었기에, 보병은 총합 3만 2천 명이었다.
ἱππεῖς δʼ ὑπῆρχον Μακεδόνες μὲν χίλιοι καὶ ὀκτακόσιοι, Φιλώτου τοῦ Παρμενίωνος ἡγουμένου, Θετταλοὶ δὲ χίλιοι καὶ ὀκτακόσιοι, ὧν ἡγεῖτο Κάλλας ὁ Ἁρπάλου, τῶν δʼ ἄλλων Ἑλλήνων οἱ πάντες ἑξακόσιοι, ὧν ἡγεῖτο Ἐρίγυιος, Θρᾷκες δὲ πρόδρομοι καὶ Παίονες ἐννακόσιοι, Κάσανδρον ἔχοντες ἡγεμόνα, ὥστε τοὺς σύμπαντας ὑπάρχειν ἱππεῖς τετρακισχιλίους καὶ πεντακοσίους.
기병으로는 마케도니아인이 1천 8백 명으로 파르메니온의 아들 필로타스가 지휘했고, 테살리아인이 1천 8백 명으로 하르팔로스의 아들 칼라스가 지휘했으며, 다른 그리스인은 통틀어 600명으로 에리기우이우스가 지휘했고, 트라키아인 선봉대와 파이오니아인은 900명으로 카산드로스를 지휘관으로 모셨기에, 기병은 총합 4천 5백 명이었다.
οἱ μὲν οὖν μετʼ Ἀλεξάνδρου διαβάντες εἰς τὴν Ἀσίαν τοσοῦτοι τὸ πλῆθος ἦσαν.
그리하여 알렉산드로스와 함께 아시아로 건너간 자들은 그 수가 이와 같았다.
§17.17.5οἱ δʼ ἐπὶ τῆς Εὐρώπης ἀπολελειμμένοι στρατιῶται, ὧν Ἀντίπατρος εἶχε τὴν ἡγεμονίαν, πεζοὶ μὲν ὑπῆρχον μύριοι καὶ δισχίλιοι, ἱππεῖς δὲ χίλιοι καὶ πεντακόσιοι.
반면 유럽에 남겨진 병사들은 안티파트로스가 지휘를 맡았는데, 보병 1만 2천 명에 기병 1천 5백 명이었다.
§17.17.6τοῦ δὲ βασιλέως ἀναζεύξαντος ἐκ τῆς Τρῳάδος καὶ καταντήσαντος πρὸς τὸ τέμενος τῆς Ἀθηνᾶς ὁ μὲν θύτης Ἀλέξανδρος κατανοήσας πρὸ τοῦ νεὼ κειμένην εἰκόνα χαμαὶ τοῦ Φρυγίας ποτὲ σατραπεύσαντος Ἀριοβαρζάνου καί τινων οἰωνῶν αἰσίων ἄλλων ἐπιγενομένων προσῆλθε τῷ βασιλεῖ καὶ νικήσειν αὐτὸν ἱππομαχίᾳ μεγάλῃ διεβεβαιοῦτο καὶ μάλιστʼ, ἂν τύχῃ περὶ τὴν Φρυγίαν ἀγωνισάμενος.
왕이 트로이아 지방에서 군사를 일으켜 아테나의 성역에 도착했을 때, 예언자 알렉산드로스는 성전 앞에 이전에 프리기아의 사트라프였던 아리오바르자네스의 동상이 땅에 쓰러져 있는 것을 알아채고 다른 여러 길조들이 나타나자 왕에게 다가가, 왕이 거대한 기병전에서 승리할 것이며 특히 프리기아 근처에서 전투를 치르게 된다면 더욱 그러할 것이라고 확언했다.
§17.17.7προσετίθει δὲ καὶ διότι ταῖς ἰδίαις χερσὶν ἀποκτενεῖ μαχόμενος ἐν παρατάξει στρατηγὸν ἐπιφανῆ τῶν πολεμίων·
그는 또한 왕이 대열을 지어 싸우던 중 적의 저명한 장수를 자기 손으로 죽이게 될 것이라고 덧붙였다.
ταῦτα γὰρ αὐτῷ προσημαίνειν τοὺς θεοὺς καὶ μάλιστα τὴν Ἀθηνᾶν, ἣν καὶ συνεργήσειν ἐν τοῖς εὐημερήμασιν.
신들, 특히 아테나가 이 사실을 그에게 예시해 주었으며, 그녀가 그 승리 속에서 조력자가 되어 줄 것이기 때문이라는 것이었다.