§17.117.1τούτων δὲ παρακελευομένων θυσίας ἐπιτελεῖν τοῖς θεοῖς μεγαλοπρεπεῖς μετὰ πάσης σπουδῆς παρεκλήθη πρός τινα τῶν φίλων Μήδιον τὸν Θετταλὸν ἐπὶ κῶμον ἐλθεῖν·
이들이 온갖 열성을 다해 신들에게 장엄한 제사를 지내라고 권하고 있을 때, 왕은 친구 중 한 명인 테살리아 사람 메디오스로부터 연회에 오라는 초대를 받았다.
κἀκεῖ πολὺν ἄκρατον ἐμφορηθεὶς ἐπὶ τελευτῆς Ἡρακλέους μέγα ποτήριον πληρώσας ἐξέπιεν.
그리고 그곳에서 물을 타지 않은 독한 술을 잔뜩 들이켠 뒤, 마지막에 헤라클레스의 대접을 가득 채워 단숨에 들이켰다.
§17.117.2ἄφνω δὲ ὥσπερ ὑπό τινος πληγῆς ἰσχυρᾶς πεπληγμένος ἀνεστέναξε μέγα βοήσας καὶ ὑπὸ τῶν φίλων ἀπηλλάττετο χειραγωγούμενος.
그러자 갑자기 마치 강한 타격을 입은 것처럼 왕은 크게 소리치며 신음했고, 친구들의 부축을 받으며 그 자리를 떠났다.
εὐθὺς δʼ οἱ μὲν περὶ τὴν θεραπείαν ἐκδεξάμενοι κατέκλιναν αὐτὸν καὶ προσήδρευον ἐπιμελῶς,
즉시 간호를 맡은 자들이 그를 넘겨받아 자리에 눕히고 정성껏 보살폈다.
§17.117.3τοῦ δὲ πάθους ἐπιτείνοντος καὶ τῶν ἰατρῶν συγκληθέντων βοηθῆσαι μὲν οὐδεὶς ἐδυνήθη, πολλοῖς δὲ πόνοις καὶ δειναῖς ἀλγηδόσι συσχεθείς, ἐπειδὴ τὸ ζῆν ἀπέγνω, περιελόμενος τὸν δακτύλιον ἔδωκε Περδίκκᾳ.
그러나 병세가 악화되어 의사들이 소집되었음에도 아무도 그를 도울 수 없었고, 왕은 수많은 고통과 극심한 통증에 시달리다 마침내 살 가망이 없음을 깨닫고 자신의 반지를 빼서 페르디카스에게 주었다.
§17.117.4τῶν δὲ φίλων ἐπερωτώντων, τίνι τὴν βασιλείαν ἀπολείπεις;
친구들이 "누구에게 왕국을 남기십니까?" 하고 묻자, 그는 "가장 강한 자에게"라고 답했다.
εἶπεν, τῷ κρατίστῳ, καὶ προσεφθέγξατο, ταύτην τελευταίαν φωνὴν προέμενος, ὅτι μέγαν ἀγῶνα αὐτῷ ἐπιτάφιον συστήσονται πάντες οἱ πρωτεύοντες τῶν φίλων.
그리고 이것을 유언으로 남기며, 친구들 중 가장 유력한 자들 모두가 자신을 위해 거대한 장례 경기를 개최하게 될 것이라고 덧붙여 말했다.
§17.117.5οὗτος μὲν οὖν τὸν προειρημένον τρόπον ἐτελεύτησε βασιλεύσας ἔτη δώδεκα καὶ μῆνας ἑπτά, πράξεις δὲ μεγίστας κατεργασάμενος οὐ μόνον τῶν πρὸ αὐτοῦ βασιλευσάντων, ἀλλὰ καὶ τῶν ὕστερον ἐσομένων μέχρι τοῦ καθʼ ἡμᾶς βίου.
이리하여 그는 앞서 언급한 방식으로 12년 7개월 동안 다스린 끝에 사망하였는데, 그보다 앞서 통치한 자들뿐만 아니라 우리 시대에 이르기까지 그 뒤를 이을 자들을 통틀어 가장 위대한 업적을 이루어냈다.
ἐπεὶ δέ τινες τῶν συγγραφέων περὶ τῆς τελευτῆς τοῦ βασιλέως τούτου διαπεφωνήκασιν, ἀποφαινόμενοι διὰ φαρμάκου θανασίμου γεγονέναι τὸν θάνατον, ἀναγκαῖον ἡγούμεθα δεῖν μὴ παραλιπεῖν αὐτῶν τοὺς λόγους.
그러나 일부 역사가들이 이 왕의 죽음에 대해 의견을 달리하여, 그의 죽음이 치명적인 독약으로 인해 발생했다고 주장하므로, 우리는 그들의 주장을 빠뜨리지 않고 기술하는 것이 필요하다고 생각한다.