§17.11.1ὁ δὲ βασιλεὺς ἐν τρισὶ ταῖς πάσαις ἡμέραις ἑτοιμασάμενος τὰ πρὸς τὴν πολιορκίαν τὰς δυνάμεις διείλετο εἰς τρία μέρη καὶ τὸ μὲν τοῖς χαρακώμασι τοῖς πρὸ τῆς πόλεως κατεσκευασμένοις προσβάλλειν ἔταξε, τὸ δὲ τοῖς Θηβαίοις ἀντιτάττεσθαι, τὸ δὲ τρίτον ἐφεδρεύειν τῷ πονοῦντι μέρει τῆς δυνάμεως καὶ διαδέχεσθαι τὴν μάχην. §17.11.2οἱ δὲ Θηβαῖοι τοὺς μὲν ἱππεῖς ἐντὸς τοῦ χαρακώματος ἔταξαν, τοὺς δʼ ἐλευθερωθέντας οἰκέτας καὶ τοὺς φυγάδας καὶ τοὺς μετοίκους τοῖς πρὸς τὰ τείχη βιαζομένοις ἀντέταξαν, αὐτοὶ δὲ τοῖς μετὰ τοῦ βασιλέως Μακεδόσι πολλαπλασίοις οὖσι συνάπτειν μάχην πρὸ τῆς πόλεως ἡτοιμάζοντο. §17.11.3τέκνα δὲ καὶ γυναῖκες συνέτρεχον εἰς τὰ ἱερὰ καὶ τοὺς θεοὺς ἱκέτευον σῶσαι τὴν πόλιν ἐκ τῶν κινδύνων.
왕은 꼬박 사흘 동안 공성전에 필요한 것들을 마련하고 군대를 세 부분으로 나누었다. 그리하여 한 부분에는 도시 앞에 구축된 방벽을 공격하도록 명령하고, 다른 부분에는 테베인들과 대적하도록 하였으며, 세 번째 부분에는 지친 부대의 예비대가 되어 전투를 교대하도록 명령했다.테베인들은 기병들을 방벽 안쪽에 배치하고, 해방된 노예들과 망명객들, 그리고 거류 외국인들을 성벽으로 밀려드는 자들에 맞서 대치시켰다. 그리고 그들 자신은 왕이 거느린, 자신들보다 몇 배나 수효가 많은 마케도니아인들과 도시 앞에서 전투를 치를 준비를 했다.아이들과 여자들은 신전으로 달려가 신들에게 도시를 위험에서 구해달라고 간청했다.
ὡς δʼ ἤγγισαν οἱ Μακεδόνες καὶ τοῖς τεταγμένοις μέρεσιν ἕκαστοι προσέπεσον, αἱ μὲν σάλπιγγες ἐσήμαινον τὸ πολεμικόν, αἱ δὲ παρʼ ἀμφοτέροις δυνάμεις ὑφʼ ἕνα καιρὸν συνηλάλαξαν καὶ τὰ κοῦφα τῶν βελῶν ἐπὶ τοὺς πολεμίους ἔβαλον. §17.11.4ταχὺ δὲ τούτων ἐξαναλωθέντων καὶ πάντων εἰς τὴν ἀπὸ τοῦ ξίφους μάχην συμπεσόντων μέγας ἀγὼν συνίστατο.
마케도니아인들이 접근하여 각자 자신들의 전투 구역으로 내달리자, 나팔이 전투 신호를 울렸고, 양쪽 군대는 동시에 함성을 지르며 가벼운 투척 무기들을 적들에게 던졌다.이 무기들이 금방 바닥나고 모두가 칼을 든 백병전으로 맞붙자 거대한 싸움이 일어났다.
οἱ μὲν γὰρ Μακεδόνες διὰ τὸ πλῆθος τῶν ἀνδρῶν καὶ τὸ βάρος τῆς φάλαγγος δυσυπόστατον εἶχον τὴν βίαν, οἱ δὲ Θηβαῖοι ταῖς τῶν σωμάτων ῥώμαις ὑπερέχοντες καὶ τοῖς ἐν τοῖς γυμνασίοις συνεχέσιν ἀθλήμασιν, ἔτι δὲ τῷ παραστήματι τῆς ψυχῆς πλεονεκτοῦντες ἐνεκαρτέρουν τοῖς δεινοῖς. §17.11.5διὸ καὶ παρʼ ἀμφοτέροις πολλοὶ μὲν κατετιτρώσκοντο, οὐκ ὀλίγοι δʼ ἔπιπτον ἐναντίας λαμβάνοντες πληγάς.
마케도니아인들은 군사의 수효와 팔랑크스의 무게감 덕분에 그 기세를 당해내기 힘들었으나, 테베인들은 육체의 강인함과 체육관에서의 끊임없는 단련으로 우세를 보였고, 나아가 정신의 굳건함에서도 앞서 있었기에 험난한 상황을 끈기 있게 버텨냈다.그리하여 양측 모두에서 많은 이들이 부상을 입었고, 적지 않은 이들이 정면에 공격을 받아 쓰러졌다.
ὁμοῦ δʼ ἦν κατὰ τὰς ἐν τοῖς ἀγῶσι συμπλοκὰς μυγμὸς καὶ βοὴ καὶ παρακελευσμός, παρὰ μὲν τοῖς Μακεδόσι μὴ καταισχῦναι τὰς προγεγενημένας ἀνδραγαθίας, παρὰ δὲ τοῖς Θηβαίοις μὴ περιιδεῖν τέκνα καὶ γυναῖκας καὶ γονεῖς ὑπὲρ ἀνδραποδισμοῦ κινδυνεύοντας καὶ τὴν πατρίδα πανοίκιον ὑπὸ τοὺς Μακεδόνων θυμοὺς ὑποπεσοῦσαν, μνησθῆναι δὲ τῆς ἐν Λεύκτροις καὶ ἐν Μαντινείᾳ μάχης καὶ τῶν παρὰ πᾶσι περιβοήτων ἀνδραγαθημάτων.
격전 중의 엉킴 속에서 신음과 비명과 격려의 목소리가 동시에 터져 나왔다. 마케도니아인들 사이에서는 이전의 무용을 더럽히지 말라는 격려가, 테베인들 사이에서는 노예가 될 위험에 처한 아이들과 아내와 부모를 방치하지 말고 가문 전체가 마케도니아인들의 분노 아래 떨어질 조국을 수수방관하지 말며, 류크트라와 만티네이아에서의 전투와 만인에게 칭송받는 눈부신 무용을 기억하라는 격려가 울려 퍼졌다.
ἐπὶ πολὺν μὲν οὖν χρόνον ἰσόρροπος ἦν ἡ μάχη διὰ τὴν ὑπερβολὴν τῆς τῶν ἀγωνιζομένων ἀνδρείας.
그리하여 싸우는 이들의 지극한 용맹함 덕분에 전투는 오랫동안 팽팽하게 맞서 있었다.