§16.80.1καινοποιηθείσης δὲ τῆς μάχης καὶ τῶν Φοινίκων τῷ πλήθει περιχεομένων τοὺς Ἕλληνας ἄφνω πολὺς ἐκ τοῦ περιέχοντος ὄμβρος κατερράγη καὶ χαλάζης εὐμεγέθους πλῆθος, ἀστραπαί τε καὶ βρονταὶ μετὰ πνευμάτων μεγάλων κατέσκηπτον·
전투가 새로이 재개되고 페니키아인들이 그 수많은 군세로 그리스인들을 에워싸고 있었을 때, 갑자기 주변의 대기로부터 거센 폭우가 쏟아지고 거대한 우박 더미가 내렸으며, 번개와 천둥이 강풍을 동반하여 내리쳤다.
καὶ τούτων ἁπάντων θυελλοφορουμένων τοῖς μὲν Ἕλλησι κατὰ νώτου, τοῖς δὲ βαρβάροις κατὰ πρόσωπον οἱ μὲν περὶ τὸν Τιμολέοντα τὸ σύμπτωμα ῥᾳδίως ὑπέμενον, οἱ δὲ Φοίνικες τὸ μέγεθος τῆς περιστάσεως φέρειν ἀδυνατοῦντες, ἅμα δὲ καὶ τῶν Ἑλλήνων ἐπικειμένων, πρὸς φυγὴν ὥρμησαν.
그리고 이 모든 것들이 폭풍에 실려 그리스인들에게는 뒤쪽에서, 야만인들에게는 앞면에서 불어닥치자, 티몰레온의 군대는 이 돌발적인 조우를 쉽게 견뎌내었으나, 페니키아인들은 이 극심한 상황의 혹독함을 견디지 못하고, 동시에 그리스인들이 압박해 오자 도망치기 시작했다.
§16.80.2πάντων δʼ ἐπὶ τὸν ποταμὸν τρεπομένων, ἀναμὶξ ἱππέων τε καὶ πεζῶν, καὶ τῶν ἁρμάτων ἅμα τούτοις φυρομένων οἱ μὲν ὑπʼ ἀλλήλων συμπατούμενοι καὶ τοῖς τῶν συμμάχων ξίφεσι καὶ λόγχαις περιπειρόμενοι τὴν συμφορὰν ἔσχον ἀβοήθητον, οἱ δʼ ὑπὸ τῶν παρὰ τοῖς πολεμίοις ἱππέων εἰς τὸ τοῦ ποταμοῦ ῥεῖθρον ἀγεληδὸν συνελαυνόμενοι καὶ κατὰ νώτου τὰς πληγὰς λαμβάνοντες ἀπέθνησκον.
기병과 보병이 뒤섞이고 전차들도 이들과 함께 얽힌 채 모두가 강을 향해 달아났는데, 어떤 이들은 서로에게 짓밟히고 아군의 칼과 창에 찔려 구제할 길 없는 재앙을 맞이했고, 다른 이들은 적의 기병들에 의해 강물 속으로 무리 지어 몰리며 등 뒤로 공격을 받아 죽어갔다.
§16.80.3πολλοὶ δὲ ἄνευ πολεμίας πληγῆς διεφθείροντο σωρευομένων τῶν σωμάτων διά τε τὸν φόβον καὶ τὸ πλῆθος καὶ διὰ τὰς ἐν τῷ ῥείθρῳ δυσχερείας.
공포와 혼잡, 그리고 강물 속에서의 험난함 때문에 시신들이 겹겹이 쌓이면서, 많은 이들이 적의 공격을 받지도 않은 채 목숨을 잃었다.
τὸ δὲ μέγιστον, λάβρων γεγενημένων τῶν ὄμβρων ὁ ποταμὸς βιαιοτέρῳ τῷ ῥεύματι καταφερόμενος πολλοὺς ἐβάπτιζε καὶ μετὰ τῶν ὅπλων διανηχομένους διέφθειρε.
무엇보다도 가장 컸던 것은, 폭우가 맹렬히 쏟아졌기 때문에 강물이 한층 더 거센 격류가 되어 흘러내려가며 많은 이들을 익사시켰고, 무기를 지닌 채 헤엄쳐 건너려던 자들을 삼켜 파멸시킨 일이었다.
§16.80.4τέλος δὲ τῶν Καρχηδονίων οἱ μὲν τὸν ἱερὸν λόχον ἀναπληροῦντες καὶ τὸν μὲν ἀριθμὸν ὄντες δισχίλιοι καὶ πεντακόσιοι, ταῖς δʼ ἀρεταῖς καὶ δόξαις, ἔτι δὲ ταῖς οὐσίαις πρωτεύοντες ἅπαντες ἀγωνισάμενοι λαμπρῶς κατεκόπησαν.
마침내 카르타고인들 중에서 성스러운 부대를 구성하고 있던 자들, 즉 수는 이천오백 명이었고 용맹과 명성, 게다가 재산에 있어서도 으뜸가는 시민들이 모두 눈부시게 싸운 끝에 전멸했다.
§16.80.5τῶν δʼ ἄλλων τῶν συστρατευομένων αὐτοῖς ἀπέθανον πλείους τῶν μυρίων, αἰχμάλωτοι δʼ ἐλήφθησαν οὐκ ἐλάττους τῶν μυρίων καὶ πεντακισχιλίων.
그들과 함께 종군했던 다른 자들 중에서는 일만 명 이상이 전사했고, 포로로 잡힌 자는 일만 오천 명을 밑돌지 않았다.
τῶν δὲ ἁρμάτων τὰ μὲν πολλὰ συνετρίβη κατὰ τὸν ἀγῶνα, διακόσια δʼ ἥλω· τὰ δὲ σκευοφόρα καὶ τὰ ζεύγη καὶ τὰ πλήθη τῶν ἁμαξῶν ὑποχείρια τοῖς Ἕλλησιν ἐγένετο.
전차들의 경우 대부분은 전투 중에 부서졌으나 이백 대가 포획되었고, 짐짐승들과 멍에를 멘 가축들, 그리고 수많은 마차들이 그리스인들의 수중에 들어왔다.
§16.80.6τῶν δʼ ὅπλων τὰ πολλὰ μὲν ὑπὸ τοῦ ποταμοῦ διεφθάρη, ἐπὶ δὲ τὴν τοῦ Τιμολέοντος σκηνὴν χίλιοι μὲν θώρακες, ἀσπίδες δὲ πλείους τῶν μυρίων ἀπηνέχθησαν.
무기들 중 대부분은 강물에 쓸려 손실되었으나, 티몰레온의 천막에는 흉갑 일천 벌과 방패 일만 개 이상이 운반되었다.
τούτων δʼ ὕστερον τὰ μὲν ἐν τοῖς ἐν Συρακούσσαις ναοῖς ἀνετέθη, τὰ δὲ τοῖς συμμάχοις διεμερίσθη, τινὰ δʼ εἰς Κόρινθον Τιμολέων ἀπέστειλε, προστάξας εἰς τὸ τοῦ Ποσειδῶνος ἱερὸν ἀναθεῖναι.
이 전리품들 중 일부는 나중에 시라쿠사의 신전들에 봉헌되었고, 일부는 동맹국들에게 분배되었으며, 어떤 것들은 티몰레온이 코린토스로 보내 포세이돈 신전에 봉헌하도록 명령했다.