§16.76.1συνεβάλλετο δὲ τοῖς πολιορκουμένοις ἡ φύσις τῆς πόλεως πολλὰ πρὸς τὴν ὑπὲρ τῶν ὅλων νίκην.
포위된 자들에게는 그 도시의 자연적인 지형이 최종적인 승리를 거두는 데 크게 기여했다.
ἡ γὰρ Πέρινθος κεῖται μὲν παρὰ θάλατταν ἐπί τινος αὐχένος ὑψηλοῦ χερρονήσου σταδιαῖον ἐχούσης τὸν αὐχένα, τὰς δʼ οἰκίας ἔχει πεπυκνωμένας καὶ τοῖς ὕψεσι διαφερούσας.
페린토스는 지협의 폭이 1스타디온인 반도의 높은 지협 위에, 바다를 끼고 위치해 있으며, 집들이 빽빽이 들어서 있고 그 높이도 매우 높기 때문이다.
§16.76.2αὗται δὲ ταῖς οἰκοδομαῖς αἰεὶ κατὰ τὴν εἰς τὸν λόφον ἀνάβασιν ἀλλήλων ὑπερέχουσι καὶ τὸ σχῆμα τῆς ὅλης πόλεως θεατροειδὲς ἀποτελοῦσι.
이 집들은 건축 구조상 언덕으로 올라가는 길을 따라 늘 서로의 위로 솟아 있어 도시 전체의 모양을 극장처럼 보이게 만든다.
διόπερ τῶν τειχῶν συνεχῶς καταβαλλομένων οὐδὲν ἠλαττοῦντο·
그리하여 성벽이 끊임없이 무너져도 그들은 전혀 불리해지지 않았다.
διοικοδομοῦντες γὰρ τοὺς στενωποὺς ταῖς αἰεὶ κατωτάταις οἰκίαις ὥσπερ ὀχυροῖς τισι τείχεσιν ἐχρῶντο.
그들은 좁은 골목길들을 가로막아 쌓음으로써, 늘 가장 아래쪽에 위치한 집들을 마치 일종의 견고한 성벽처럼 사용했기 때문이다.
§16.76.3διόπερ ὁ Φίλιππος μετὰ πολλῶν πόνων καὶ κινδύνων τοῦ τείχους κρατήσας ἰσχυρότερον εὕρισκε τὸ τεῖχος τὸ διὰ τῶν οἰκιῶν αὐτομάτως ἡτοιμασμένον.
그리하여 필리포스는 많은 고생과 위험을 겪으며 성벽을 장악했으나, 집들로 인해 자연스럽게 형성된 성벽이 더 견고하다는 것을 깨달았다.
πρὸς δὲ τούτοις ἐκ τοῦ Βυζαντίου πάντων τῶν πρὸς τὸν πόλεμον χρησίμων ἑτοίμως χορηγουμένων ἐμέρισε τὰς δυνάμεις εἰς δύο μέρη καὶ τοὺς μὲν ἡμίσεις τῶν στρατιωτῶν ἀπέλιπεν ἐπὶ τῆς πολιορκίας, ἐπιστήσας αὐτοῖς τοὺς ἀρίστους ἡγεμόνας, τοὺς δʼ ἄλλους παραλαβὼν αὐτὸς προσέπεσεν ἄφνω τῷ Βυζαντίῳ καὶ πολιορκίαν ἰσχυρὰν συνεστήσατο.
게다가 비잔티온으로부터 전쟁에 필요한 모든 물자가 신속하게 공급되고 있었기에, 그는 군대를 두 부분으로 나누어 군사의 절반은 가장 우수한 지휘관들을 그들 위에 임명하여 포위전에 남겨 두었고, 자신은 나머지 군사를 이끌고 갑자기 비잔티온을 습격하여 강력한 포위 공격을 전개했다.
§16.76.4οἱ δὲ Βυζάντιοι τῶν τε στρατιωτῶν καὶ τῶν βελῶν καὶ τῶν ἄλλων τῶν χρησίμων παρὰ τοῖς Περινθίοις ὄντων εἰς πολλὴν ἐνέπιπτον ἀμηχανίαν.
반면 비잔티온인들은 군사들과 화살, 그리고 다른 유용한 물자들이 페린토스인들에게 가 있었기 때문에 큰 궁지에 몰리게 되었다.
καὶ τὰ μὲν περὶ Περινθίους καὶ Βυζαντίους ἐν τούτοις ἦν.
페린토스인들과 비잔티온인들에 관한 상황은 이와 같았다.
§16.76.5τῶν δὲ συγγραφέων Ἔφορος μὲν ὁ Κυμαῖος τὴν ἱστορίαν ἐνθάδε κατέστροφεν εἰς τὴν Περίνθου πολιορκίαν·
역사가들 중 퀴메의 에포로스는 여기, 즉 페린토스 포위전에서 자신의 역사 서술을 끝맺었다.
περιείληφε δὲ τῇ γραφῇ πράξεις τάς τε τῶν Ἑλλήνων καὶ βαρβάρων ἀρξάμενος ἀπὸ τῆς τῶν Ἡρακλειδῶν καθόδου·
그는 헤라클레스 후손들의 귀환부터 시작하여 그리스인들과 야만인들 쌍방의 사적을 저작에 포괄했다.
χρόνον δὲ περιέλαβε ἐτῶν σχεδὸν ἑπτακοσίων καὶ πεντήκοντα καὶ βύβλους γέγραφε τριάκοντα, προοίμιον ἑκάστῃ προθείς.
그는 거의 750년에 달하는 기간을 포괄했으며, 각 권마다 서문을 붙여 총 30권의 책을 저술했다.
§16.76.6Δίυλλος δʼ ὁ Ἀθηναῖος τῆς δευτέρας συντάξεως ἀρχὴν πεποίηται τῆς Ἐφόρου ἱστορίας τὴν τελευτὴν καὶ τὰς ἑξῆς πράξεις συνείρει τάς τε τῶν Ἑλλήνων καὶ τῶν βαρβάρων μέχρι τῆς Φιλίππου τελευτῆς.
한편 아테나이의 디윌로스는 에포로스 역사의 끝을 자신의 두 번째 저작의 시작으로 삼았고, 그 뒤를 이은 그리스인들과 야만인들의 사적을 필리포스의 죽음에 이르기까지 엮어 나갔다.