§16.74.1ἐπʼ ἄρχοντος δʼ Ἀθήνησι Νικομάχου Ῥωμαῖοι κατέστησαν ὑπάτους Γάιον Μάρκιον καὶ Τίτον Μάλλιον Τορκουᾶτον.
아테네에서 니코마코스가 아르콘으로 있을 때, 로마인들은 가이우스 마르키우스와 티투스 마닐리우스 토르콰투스를 집정관으로 임명했다.
ἐπὶ δὲ τούτων Φωκίων μὲν ὁ Ἀθηναῖος κατεπολέμησε Κλείταρχον τὸν Ἐρετρίας τύραννον καθεσταμένον ὑπὸ Φιλίππου.
이들의 임기 동안 아테네의 포키온은 필리포스에 의해 옹립되었던 에레트리아의 참주 클레이타르코스를 격퇴했다.
§16.74.2κατὰ δὲ τὴν Καρίαν Πιζώδαρος ὁ νεώτερος τῶν ἀδελφῶν ἐξέβαλεν ἐκ τῆς δυναστείας Ἄδαν καὶ ἐδυνάστευσεν ἔτη πέντε ἕως ἐπὶ τὴν Ἀλεξάνδρου διάβασιν εἰς τὴν Ἀσίαν.
카리아에서는 형제들 중 더 젊은 픽소다로스가 아다를 지배자 자리에서 몰아내고, 알렉산드로스가 아시아로 건너갈 때까지 5년 동안 지배했다.
Φίλιππος δὲ ἀεὶ μᾶλλον αὐξόμενος ἐπὶ τὴν Πέρινθον ἐστράτευσεν, ἐναντιουμένην μὲν ἑαυτῷ, πρὸς δὲ Ἀθηναίους ἀποκλίνουσαν.
필리포스는 끊임없이 세력을 키워가며, 자신에게 적대적이고 아테네 편으로 기울어져 있던 페린토스로 원정했다.
συστησάμενος δὲ πολιορκίαν καὶ μηχανὰς προσάγων τῇ πόλει καθʼ ἡμέραν ἐκ διαδοχῆς προσέβαλλεν τοῖς τείχεσιν.
그는 포위망을 구축하고 공성 병기들을 도시로 접근시켜 매일 교대로 성벽을 공격했다.
§16.74.3ὀγδοηκονταπήχεις δὲ πύργους κατασκευάσας, ὑπεραίροντας πολὺ τῶν κατὰ τὴν Πέρινθον πύργων, ἐξ ὑπεροχῆς κατεπόνει τοὺς πολιορκουμένους·
그는 페린토스의 탑들을 훨씬 능가하는 80페큐스 높이의 탑들을 건설하여, 그 압도적인 높이에서 포위된 자들을 괴롭혔다.
ὁμοίως δὲ καὶ διὰ τῶν κριῶν σαλεύων τὰ τείχη καὶ διὰ τῆς μεταλλείας ὑπορύττων ἐπὶ πολὺ μέρος τὸ τεῖχος κατέβαλεν.
이와 유사하게 파성퇴로 성벽을 흔들고 갱도 굴착으로 성벽 밑을 파 들어가 성벽의 많은 부분을 무너뜨렸다.
ἀμυνομένων δὲ τῶν Περινθίων εὐρώστως καὶ ταχὺ τεῖχος ἕτερον ἀντοικοδομησάντων ἀγῶνες θαυμαστοὶ καὶ τειχομαχίαι συνίσταντο.
그러나 페린토스인들이 강력하게 저항하고 신속하게 맞은편에 또 다른 성벽을 쌓아 올림으로써 경이로운 전투와 성벽전이 벌어졌다.
§16.74.4μεγάλης δὲ φιλοτιμίας ἐξ ἀμφοτέρων συνισταμένης ὁ μὲν βασιλεὺς πολλοὺς ἔχων καὶ παντοδαποὺς ὀξυβελεῖς διὰ τούτων τοὺς ἐπὶ τῶν ἐπάλξεων διαγωνιζομένους διέφθειρεν, οἱ δὲ Περίνθιοι πολλοὺς καθʼ ἡμέραν ἀποβάλλοντες συμμαχίαν καὶ βέλη καὶ καταπέλτας παρὰ τῶν Βυζαντίων προσελάβοντο.
양측 간에 치열한 경쟁심이 이는 가운데, 왕은 다채로운 종류의 수많은 투사기를 보유하여 이것들로 성벽 여장 위에서 싸우는 자들을 쓰러뜨렸고, 페린토스인들은 매일 많은 피해를 입으면서도 비잔티온인들로부터 원군과 화살, 투석기를 지원받았다.
§16.74.5ἐξισωθέντες οὖν πάλιν τοῖς πολεμίοις ἀνεθάρρησαν καὶ τετολμηκότως τοὺς ὑπὲρ τῆς πατρίδος κινδύνους ὑπέμενον.
그리하여 다시 적과 대등해진 그들은 용기를 되찾고 조국을 위해 대담하게 위험을 감수했다.
οὐ μὴν ὁ βασιλεὺς ἔληγε τῆς φιλοτιμίας, ἀλλὰ διελόμενος τὰς δυνάμεις εἰς πλείω μέρη συνεχῶς ἐκ διαδοχῆς ἐτειχομάχει καὶ καθʼ ἡμέραν καὶ νύκτωρ.
그럼에도 왕은 투지를 꺾지 않고, 군대를 여러 부대로 나누어 밤낮으로 끊임없이 교대로 성벽을 공격했다.
τρισμυρίους δʼ ἔχων στρατιώτας καὶ βελῶν καὶ μηχανῶν πολιορκητικῶν πλῆθος, ἔτι δὲ τὰς ἄλλας μηχανὰς ἀνυπερβλήτους κατεπόνει τοὺς πολιορκουμένους.
그는 3만 명의 병사와 엄청난 양의 화살 및 공성 병기를 보유하고 있었으며, 다른 비길 데 없는 군비까지 갖추어 포위된 자들을 궁지로 몰아넣었다.