§16.66.1ἐπʼ ἄρχοντος γὰρ Ἀθήνησιν Εὐβούλου Ῥωμαῖοι κατέστησαν ὑπάτους Μάρκον Φάβιον καὶ Σερούιον Σουλπίκιον.
아테네에서 에우불로스가 아르콘으로 있던 해에, 로마인들은 마르쿠스 파비우스와 세르비우스 술피키우스를 집정관으로 임명했다.
ἐπὶ δὲ τούτων Τιμολέων ὁ Κορίνθιος προκεχειρισμένος ὑπὸ τῶν πολιτῶν ἐπὶ τὴν ἐν Συρακούσσαις στρατηγίαν παρεσκευάζετο πρὸς τὸν εἰς τὴν Σικελίαν ἔκπλουν.
이들의 임기 동안, 시민들에 의해 시라쿠사이의 장군으로 선출되었던 코린토스인 티몰레온은 시킬리아로의 출항을 준비하고 있었다.
§16.66.2ἑπτακοσίους μὲν οὖν ξένους ἐμισθώσατο, στρατιωτῶν δὲ τέσσαρας τριήρεις πληρώσας καὶ ταχυναυτούσας τρεῖς ἐξέπλευσεν ἐκ Κορίνθου.
그리하여 그는 700명의 용병을 고용하고, 군사들을 실은 삼열추선 네 척과 쾌속선 세 척의 선원을 가득 채워 코린토스에서 출항했다.
ἐν παράπλῳ δὲ παρὰ Λευκαδίων καὶ Κορκυραίων τρεῖς ναῦς προσλαβόμενος ἐπεραιοῦτο δέκα ναυσὶ τὸν Ἰόνιον καλούμενον πόρον.
항해 도중에 레우카스인들과 코르키라인들로부터 세 척의 배를 추가로 지원받아, 총 열 척의 배로 이오니아라고 불리는 해로를 건넜다.
§16.66.3ἴδιον δέ τι καὶ παράδοξον συνέβη γενέσθαι τῷ Τιμολέοντι κατὰ τὸν πλοῦν, τοῦ δαιμονίου συνεπιλαβομένου τῆς ἐπιβολῆς καὶ προσημαίνοντος τὴν ἐσομένην περὶ αὐτὸν εὐδοξίαν καὶ λαμπρότητα τῶν πράξεων·
항해 중에 티몰레온에게 기이하고도 뜻밖의 일이 일어났는데, 신적인 존재가 그의 기도를 도우며 장차 그가 얻게 될 명성과 그의 행적의 눈부심을 예고해 주었다.
διʼ ὅλης γὰρ τῆς νυκτὸς προηγεῖτο λαμπὰς καιομένη κατὰ τὸν οὐρανὸν μέχρι οὗ συνέβη τὸν στόλον εἰς τὴν Ἰταλίαν καταπλεῦσαι.
밤새도록 타오르는 횃불이 하늘에서 그들을 인도하여 함대가 이탈리아에 입항할 때까지 계속되었던 것이다.
§16.66.4ὁ δὲ Τιμολέων προακηκοὼς ἦν ἐν Κορίνθῳ τῶν τῆς Δήμητρος καὶ Κόρης ἱερειῶν ὅτι κατὰ τὸν ὕπνον αὐταῖς αἱ θεαὶ προήγγειλαν συμπλεύσεσθαι τοῖς περὶ τὸν Τιμολέοντα κατὰ τὸν πλοῦν τὸν εἰς τὴν ἱερὰν αὐτῶν νῆσον.
티몰레온은 코린토스에서 데메테르와 코레의 여사제들로부터, 여신들이 꿈속에서 티몰레온 일행과 함께 그들의 성스러운 섬으로 가는 항해에 동행하겠다고 예고했다는 말을 미리 들은 바 있었다.
§16.66.5διόπερ ὁ Τιμολέων καὶ οἱ συμπλέοντες περιχαρεῖς ἦσαν, ὡς τῶν θεῶν συνεργουσῶν αὐτοῖς.
그리하여 티몰레온과 동행자들은 여신들이 자신들을 돕고 있다고 생각하여 크게 기뻐했다.
τὴν δʼ ἀρίστην τῶν νεῶν καθιερώσας ταῖς θεαῖς ὁ Τιμολέων ὠνόμασεν αὐτὴν Δήμητρος καὶ Κόρης ἱεράν.
티몰레온은 배들 중 가장 훌륭한 배를 여신들에게 봉헌하며 그 배를 '데메테르와 코레의 성선'이라 이름 지었다.
καταπλεύσαντος δὲ τοῦ στόλου χωρὶς κινδύνων εἰς Μεταπόντιον τῆς Ἰταλίας ἐπικατέπλευσε Καρχηδονία τριήρης ἔχουσα πρεσβευτὰς Καρχηδονίους.
함대가 이탈리아의 메타폰티온에 아무런 위험 없이 입항했을 때, 카르타고 사절들을 태운 카르타고 삼열추선 한 척이 뒤따라 입항했다.
§16.66.6οὗτοι δʼ ἐντυχόντες τῷ Τιμολέοντι διεμαρτύραντο μὴ κατάρχειν πολέμου μηδʼ ἐπιβαίνειν τῇ Σικελίᾳ.
이들은 티몰레온을 만나 전쟁을 시작하거나 시킬리아에 발을 들여놓지 말라고 항의했다.
ὁ δὲ Τιμολέων, ἐπικαλουμένων αὐτὸν τῶν Ῥηγίνων καὶ συμμαχήσειν ἐπαγγελλομένων, ἐξέπλευσεν εὐθέως ἐκ τοῦ Μεταποντίου σπεύδων φθάσαι τὴν περὶ αὐτὸν φήμην·
그러나 티몰레온은 레기온 사람들이 자신을 부르고 동맹을 맺겠다고 약속했으므로, 자신에 대한 소문보다 앞서 도착하기 위해 메타폰티온에서 즉시 출항했다.
§16.66.7σφόδρα γὰρ εὐλαβεῖτο μήποτε Καρχηδόνιοι θαλασσοκρατοῦντες κωλύσωσιν αὐτὸν εἰς Σικελίαν διαπλεῦσαι.
왜냐하면 그는 해상권을 쥐고 있는 카르타고인들이 자신이 시킬리아로 건너가는 것을 가로막을까 봐 매우 경계했기 때문이다.
οὗτος μὲν οὖν κατὰ σπουδὴν ἐτέλει τὸν εἰς Ῥήγιον πλοῦν.
그리하여 그는 급히 레기온으로 향하는 항해를 진행했다.