§16.42.1ἐν δὲ τῇ Βαβυλῶνι συνηθροικὼς τὰς πεζικὰς καὶ ἱππικὰς δυνάμεις εὐθὺς ἀναλαβὼν προῆγεν ἐπὶ τοὺς Φοίνικας·
한편 바빌론에 보병과 기병 군대를 소집한 (왕)은 즉시 이들을 이끌고 포이니키아인들을 향해 진군했다.
ἐν ὅσῳ δʼ οὗτος κατὰ τὴν ὁδοιπορίαν ἐβάδιζε, Βέλεσυς ὁ τῆς Συρίας σατράπης καὶ Μαζαῖος ὁ τῆς Κιλικίας ἄρχων συνελθόντες ἐπολέμουν τοὺς Φοίνικας.
그가 여정 중에 행군하고 있는 동안, 시리아의 사트라프인 벨레시스와 킬리키아의 통치자인 마자이오스는 합류하여 포이니키아인들과 전쟁을 벌이고 있었다.
§16.42.2Τέννης δʼ ὁ τῆς Σιδῶνος βασιλεὺς προσελάβετο παρʼ Αἰγυπτίων στρατιώτας μισθοφόρους Ἕλληνας τετρακισχιλίους, ὧν ἦν στρατηγὸς Μέντωρ ὁ Ῥόδιος.
시돈의 왕 텐네스는 에지프토스인들로부터 그리스인 용병 사천 명을 지원군으로 얻었는데, 그들의 장군은 로도스 출신의 멘토르였다.
μετὰ δὲ τούτων καὶ τῶν πολιτικῶν στρατιωτῶν τοῖς προειρημένοις σατράπαις συμβαλὼν ἐνίκησεν καὶ τοὺς πολεμίους ἐξέβαλεν ἐκ τῆς Φοινίκης.
그는 이들과 시민 군대를 거느리고 앞서 말한 사트라프들과 격돌하여 승리를 거두고, 적들을 포이니키아에서 몰아냈다.
§16.42.3ἅμα δὲ τούτοις πραττομένοις καὶ κατὰ τὴν Κύπρον συνέστη πόλεμος, συμπεπλεγμένας ἔχων τὰς πράξεις τῷ ὑποκειμένῳ πολέμῳ.
이러한 일들이 벌어지고 있던 것과 동시에 키프로스에서도 전쟁이 일어났는데, 이 전쟁은 당면한 전쟁과 복잡하게 얽힌 사건들을 안고 있었다.
§16.42.4ἐν γὰρ τῇ νήσῳ ταύτῃ πόλεις ἦσαν ἀξιόλογοι μὲν ἐννέα, ὑπὸ δὲ ταύτας ὑπῆρχε τεταγμένα μικρὰ πολίσματα τὰ προσκυροῦντα ταῖς ἐννέα πόλεσιν.
왜냐하면 이 섬에는 아홉 개의 주목할 만한 도시들이 있었고, 이들 아래에는 그 아홉 개 도시들에 속해 있는 작은 읍성들이 배속되어 있었기 때문이다.
ἑκάστη δὲ τούτων εἶχε βασιλέα τῆς μὲν πόλεως ἄρχοντα, τῷ δὲ βασιλεῖ τῶν Περσῶν ὑποτεταγμένον.
그리고 이들 각각은 도시를 통치하면서도 페르시아 왕에게 복속되어 있는 왕을 두고 있었다.
§16.42.5οὗτοι πάντες συμφρονήσαντες καὶ μιμησάμενοι τοὺς Φοίνικας ἀπέστησαν καὶ παρασκευασάμενοι τὰ πρὸς τὸν πόλεμον αὐτοκράτορας τὰς ἰδίας βασιλείας ἐποίησαν.
이들 모두는 뜻을 모아 포이니키아인들을 모방하여 반란을 일으켰고, 전쟁 준비를 갖춘 뒤 자신들의 왕국을 독립된 것으로 만들었다.
§16.42.6ἐφʼ οἷς παροξυνθεὶς ὁ Ἀρταξέρξης ἔγραψε πρὸς τὸν Ἰδριέα τὸν τῆς Καρίας δυνάστην, ἄρτι μὲν παρειληφότα τὴν ἀρχήν, φίλον δʼ ὄντα καὶ σύμμαχον Περσῶν ἐκ προγόνων, ἀθροῖσαι δύναμιν πεζικήν τε καὶ ναυτικὴν τὴν διαπολεμήσουσαν τοῖς ἐν Κύπρῳ βασιλεῦσιν.
이에 격분한 아르타크세르크세스는 카리아의 지배자인 이드리에우스에게 서한을 보내어, 보병과 해군 군대를 모아 키프로스의 왕들과 끝까지 싸우도록 명했다. 이드리에우스는 이제 막 권력을 이어받은 참이었으나, 선조 대대로 페르시아인들의 친구이자 동맹자였다.
§16.42.7ὁ δʼ ὀξέως παρασκευασάμενος τριήρεις μὲν τεσσαράκοντα, στρατιώτας δὲ μισθοφόρους ὀκτακισχιλίους ἐξέπεμψεν εἰς τὴν Κύπρον, ἐπιστήσας στρατηγοὺς Φωκίωνα τὸν Ἀθηναῖον καὶ Εὐαγόραν τὸν ἐν τοῖς ἐπάνω χρόνοις βεβασιλευκότα κατὰ τὴν νῆσον.
그는 신속하게 삼단노선 사십 척과 용병 팔천 명을 마련하여 키프로스로 파견했으며, 아테나이인 포키온과 이전 시기에 그 섬에서 왕으로 다스렸던 에우아고라스를 장군으로 임명했다.
§16.42.8οὗτοι μὲν οὖν καταπλεύσαντες εἰς τὴν Κύπρον εὐθὺς ἐπὶ τὴν μεγίστην τῶν πόλεων Σαλαμῖνα τὴν δύναμιν ἤγαγον.
이리하여 그들은 키프로스에 입항하자마자 가장 큰 도시인 살라미스로 군대를 이끌고 갔다.
βαλόμενοι δὲ χάρακα καὶ τὴν παρεμβολὴν ὀχυρώσαντες ἐπολιόρκουν τοὺς Σαλαμινίους κατὰ γῆν ἅμα καὶ κατὰ θάλατταν.
그들은 목책을 두르고 진영을 굳건히 한 뒤, 육지와 바다 양쪽에서 살라미스인들을 포위 공격했다.
τῆς δὲ νήσου πάσης ἐν εἰρήνῃ πολὺν χρόνον γενομένης καὶ τῆς χώρας εὐδαιμονούσης οἱ στρατιῶται κρατοῦντες τῶν ὑπαίθρων πολλὰς ὠφελείας ἤθροισαν.
섬 전체가 오랫동안 평화로운 상태에 있었고 영토가 번영하고 있었기 때문에, 평야 지대를 장악한 군인들은 많은 전리품을 거두었다.
§16.42.9τῆς δὲ τούτων εὐπορίας διαβοηθείσης πολλοὶ τῶν ἐκ τῆς περαίας Συρίας τε καὶ Κιλικίας συνέρρεον ἐθελοντὶ στρατιῶται πρὸς τὴν ἐλπίδα τοῦ κέρδους.
이들의 풍요함이 널리 소문나자, 맞은편 해안의 시리아와 킬리키아로부터 많은 군인들이 이익을 얻으리라는 희망을 품고 자발적으로 몰려들었다.
τέλος δὲ διπλασιασθείσης τῆς μετʼ Εὐαγόρου καὶ Φωκίωνος δυνάμεως οἱ βασιλεῖς οἱ κατὰ τὴν Κύπρον εἰς ἀγωνίαν καὶ μεγίστους φόβους ἐνέπιπτον.
결국 에우아고라스와 포키온 휘하의 군세가 두 배로 늘어나자, 키프로스의 왕들은 큰 불안과 극심한 공포에 사로잡혔다.
καὶ τὰ μὲν κατὰ τὴν Κύπρον ἐν τούτοις ἦν.
키프로스의 상황은 이러했다.