§16.26.1ἐπεὶ δὲ τοῦ τρίποδος ἐμνήσθην, οὐκ ἄκαιρον προσαναλαβεῖν ἡγοῦμαι τὴν παλαιὰν περὶ αὐτοῦ παραδεδομένην ἱστορίαν.
내가 삼각대에 대해 언급한 만큼, 그것에 관해 전해 내려오는 고대의 이야기를 다시 꺼내는 것이 시의적절하지 않은 일은 아니라고 생각한다.
λέγεται γὰρ τὸ παλαιὸν αἶγας εὑρεῖν τὸ μαντεῖον·
왜냐하면 옛날에는 염소들이 그 신탁소를 발견했다고 전해지기 때문이다.
οὗ χάριν αἰξὶ μάλιστα χρηστηριάζονται μέχρι τοῦ νῦν οἱ Δελφοί.
그러한 까닭에 델포이인들은 오늘날까지도 신탁을 물을 때 염소를 가장 많이 사용한다.
§16.26.2τὸν δὲ τρόπον τῆς εὑρέσεως γενέσθαι φασὶ τοιοῦτον.
그 발견의 방식은 다음과 같았다고 그들은 말한다.
ὄντος χάσματος ἐν τούτῳ τῷ τόπῳ, καθʼ ὅν ἐστι νῦν τοῦ ἱεροῦ τὸ καλούμενον ἄδυτον, καὶ περὶ τοῦτο νενομένων αἰγῶν διὰ τὸ μήπω κατοικεῖσθαι τοὺς Δελφοὺς αἰεὶ τὴν προσιοῦσαν τῷ χάσματι καὶ προσβλέψασαν αὐτῷ σκιρτᾶν θαυμαστῶς καὶ προΐεσθαι φωνὴν διάφορον ἢ πρότερον εἰώθει φθέγγεσθαι.
현재 신전의 이른바 '아디톤'이 있는 이 자리에 갈라진 틈새가 있었는데, 당시에는 아직 델포이에 사람이 살지 않았기 때문에 그 주위에서 염소들이 방목되고 있었고, 그 갈라진 틈새로 접근하여 안을 들여다본 염소는 언제나 기이하게 날뛰며 이전까지 내던 소리와는 확연히 다른 소리를 내질렀다는 것이다.
§16.26.3τὸν δʼ ἐπιστατοῦντα ταῖς αἰξὶ θαυμάσαι τὸ παράδοξον καὶ προσελθόντα τῷ χάσματι καὶ κατιδόντα οἷόνπερ ἦν ταὐτὸ παθεῖν ταῖς αἰξίν·
염소들을 돌보던 자는 그 기이한 일에 놀라 갈라진 틈새로 다가가 그것이 어떤 상태인지 살펴보았고, 염소들과 똑같은 일을 겪었다.
ἐκείνας τε γὰρ ὅμοια ποιεῖν τοῖς ἐνθουσιάζουσι καὶ τοῦτον προλέγειν τὰ μέλλοντα γίνεσθαι.
왜냐하면 염소들은 신들린 자들과 같은 행동을 했고, 그는 앞으로 일어날 일들을 예언했기 때문이다.
μετὰ δὲ ταῦτα τῆς φήμης παρὰ τοῖς ἐγχωρίοις διαδοθείσης περὶ τοῦ πάθους τῶν προσιόντων τῷ χάσματι πλείους ἀπαντᾶν ἐπὶ τὸν τόπον·
그 후 갈라진 틈새에 다가간 자들이 겪은 상태에 대한 소문이 지역 주민들 사이에 퍼지자, 더 많은 사람들이 그곳으로 모여들었다.
διὰ δὲ τὸ παράδοξον πάντων ἀποπειρωμένων τοὺς αἰεὶ πλησιάζοντας ἐνθουσιάζειν.
그리고 그 기이함 때문에 모든 사람이 시험해 보았는데, 매번 다가가는 자들마다 신들린 상태가 되었다.
διʼ ἃς αἰτίας θαυμαστωθῆναί τε τὸ μαντεῖον καὶ νομισθῆναι τῆς Γῆς εἶναι τὸ χρηστήριον.
이러한 이유로 신탁소는 경외의 대상이 되었고, 그 신탁소는 대지의 것이라고 여겨지게 되었다.
§16.26.4καὶ χρόνον μέν τινα τοὺς βουλομένους μαντεύεσθαι προσιόντας τῷ χάσματι ποιεῖσθαι τὰς μαντείας ἀλλήλοις·
그리고 한동안은 신탁을 받기를 원하는 자들이 갈라진 틈새로 다가가 서로에게 신탁을 전했다.
μετὰ δὲ ταῦτα πολλῶν καθαλλομένων εἰς τὸ χάσμα διὰ τὸν ἐνθουσιασμὸν καὶ πάντων ἀφανιζομένων δόξαι τοῖς κατοικοῦσι περὶ τὸν τόπον, ἵνα μηδεὶς κινδυνεύῃ, προφῆτίν τε μίαν πᾶσι καταστῆσαι γυναῖκα καὶ διὰ ταύτης γίνεσθαι τὴν χρησμολογίαν.
그러나 그 후 많은 이들이 신들린 상태에서 갈라진 틈새 속으로 뛰어내려 모두 사라져 버렸기 때문에, 그 주변에 사는 주민들은 아무도 위험에 처하지 않도록 모든 사람을 위해 한 명의 여성을 예언자로 세우고 그녀를 통해 신탁을 전하도록 결정했다.
ταύτῃ δὲ κατασκευασθῆναι μηχανὴν, ἐφʼ ἣν ἀναβαίνουσαν ἀσφαλῶς ἐνθουσιάζειν καὶ μαντεύεσθαι τοῖς βουλομένοις.
그리고 그녀를 위해 안전하게 그 위로 올라가 신들린 상태가 되어 원하는 자들에게 신탁을 줄 수 있는 장치가 만들어졌다.
§16.26.5εἶναι δὲ τὴν μηχανὴν τρεῖς ἔχουσαν βάσεις, ἀφʼ ὧν αὐτὴν τρίποδα κληθῆναι·
그 장치는 세 개의 다리를 가지고 있었기에 그로부터 삼각대라고 불렸다.
σχεδὸν δὲ πάντας τούτου τοῦ κατασκευάσματος ἀπομιμήματα γίνεσθαι τοὺς ἔτι καὶ νῦν κατασκευαζομένους χαλκοῦς τρίποδας.
그리고 오늘날까지도 여전히 제작되고 있는 청동 삼각대의 거의 전부가 이 구조를 모방한 것이라고 한다.
ὃν μὲν οὖν τρόπον εὑρέθη τὸ μαντεῖον καὶ διʼ ἃς αἰτίας ὁ τρίπους κατεσκευάσθη ἱκανῶς εἰρῆσθαι νομίζω.
그러므로 신탁소가 어떻게 발견되었으며 어떤 이유로 삼각대가 제작되었는지에 대해서는 충분히 이야기되었다고 생각한다.
§16.26.6θεσπιῳδεῖν δὲ τὸ ἀρχαῖον λέγεται παρθένους διά τε τὸ τῆς φύσεως ἀδιάφθορον καὶ τὸ τῆς Ἀρτέμιδος ὁμογενές·
또한 고대에는 그 본성의 순결함과 아르테미스와의 동질성 때문에 처녀들이 신탁을 노래했다고 전해진다.
ταύτας γὰρ εὐθετεῖν πρὸς τὸ τηρεῖν τὰ ἀπόρρητα τῶν χρησμῳδουμένων.
왜냐하면 처녀들이 신탁으로 불리는 비밀을 지키기에 적합했기 때문이다.
ἐν δὲ τοῖς νεωτέροις χρόνοις φασὶν Ἐχεκράτη τὸν Θετταλὸν παραγενόμενον εἰς τὸ χρηστήριον καὶ θεασάμενον τὴν χρησμολογοῦσαν παρθένον ἐρασθῆναι διὰ τὸ κάλλος αὐτῆς καὶ συναρπάσαντα βιάσασθαι·
그러나 더 후대의 시기에, 테살리아인 에케크라테스가 신탁소에 와서 신탁을 노래하는 처녀를 보고 그녀의 아름다움 때문에 사랑에 빠져, 그녀를 납치해 범했다고 전해진다.
τοὺς δὲ Δελφοὺς διὰ τὸ γεγενημένον πάθος εἰς τὸ λοιπὸν νομοθετῆσαι μηκέτι παρθένον χρηστηριάζειν, ἀλλὰ γυναῖκα πρεσβυτέραν πεντήκοντα ἐτῶν χρησμολογεῖν·
델포이인들은 발생한 불상사로 인해 앞으로는 더 이상 처녀가 신탁을 묻지 않고, 50세가 넘은 연장의 여성이 신탁을 노래하도록 법을 제정했다.
κοσμεῖσθαι δʼ αὐτὴν παρθενικῇ σκευῇ, καθάπερ ὑπομνήματι τῆς παλαιᾶς προφήτιδος.
다만 그녀는 고대의 여예언자를 기억하는 징표로서 처녀의 의복을 입고 장식하도록 했다.
τὰ μὲν οὖν περὶ τῆς εὑρέσεως τοῦ μαντείου μυθολογούμενα τοιαῦτʼ ἐστίν·
신탁소의 발견에 관해 신화적으로 이야기되는 것은 이와 같다.
ἡμεῖς δʼ ἐπανήξομεν ἐπὶ τὰς Φιλομήλου πράξεις.
우리는 필로멜로스의 행적으로 돌아가겠다.