§15.58.1ἡ δʼ οὖν στάσις ἐγένετο διὰ τοιαύτας αἰτίας.
이 내분은 다음과 같은 원인으로 인해 발생했다.
τῆς πόλεως τῶν Ἀργείων δημοκρατουμένης καί τινων δημαγωγῶν παροξυνόντων τὸ πλῆθος κατὰ τῶν ταῖς ἐξουσίαις καὶ δόξαις ὑπερεχόντων, οἱ διαβαλλόμενοι συστάντες ἔγνωσαν καταλῦσαι τὸν δῆμον.
아르고스 시가 민주정 하에 있었고, 일부 선동가들이 권력과 명성에서 뛰어난 자들에 맞서 군중을 부추겼기 때문에, 모함을 받던 자들은 결탁하여 민주정을 타도하기로 결의했다.
§15.58.2βασανισθέντων δέ τινων ἐκ τῶν συνεργεῖν δοκούντων, οἱ μὲν ἄλλοι φοβηθέντες τὴν ἐκ τῶν βασάνων τιμωρίαν ἑαυτοὺς ἐκ τοῦ ζῆν μετέστησαν, ἑνὸς δʼ ἐν ταῖς βασάνοις ὁμολογήσαντος καὶ πίστιν λαβόντος, ὁ μὲν μηνυτὴς τριάκοντα τῶν ἐπιφανεστάτων κατηγόρησεν, ὁ δὲ δῆμος οὐκ ἐλέγξας ἀκριβῶς ἅπαντας τοὺς διαβληθέντας ἀπέκτεινε καὶ τὰς οὐσίας αὐτῶν ἐδήμευσεν.
공모자로 의심받던 자들 중 일부가 고문을 당하자, 다른 이들은 고문으로 인한 처벌을 두려워하여 스스로 목숨을 끊었으나, 한 사람이 고문 중에 자백하고 신변 안전 보장을 받았다. 이 고발자는 가장 저명한 시민들 중 서른 명을 고발했고, 민중은 고발당한 자들 모두를 엄밀하게 심리하지 않은 채 처형하고 그들의 재산을 몰수했다.
§15.58.3πολλῶν δὲ καὶ ἄλλων ἐν ὑποψίαις ὄντων, καὶ τῶν δημαγωγῶν ψευδέσι διαβολαῖς συνηγορούντων, ἐπὶ τοσοῦτον ἐξηγριώθη τὸ πλῆθος, ὥστε πάντων τῶν κατηγορουμένων, ὄντων πολλῶν καὶ μεγαλοπλούτων, καταγνῶναι θάνατον.
다른 많은 이들도 의심을 받게 되고 선동가들이 거짓 모함으로 이를 거들자, 군중은 극도로 포악해져서 고발당한 자들 전원에 대해, 그들이 수가 많고 지극히 부유했음에도 불구하고 사형을 선고했다.
ἀναιρεθέντων δὲ τῶν δυνατῶν ἀνδρῶν πλειόνων ἢ χιλίων καὶ διακοσίων, καὶ τῶν δημαγωγῶν αὐτῶν ὁ δῆμος οὐκ ἐφείσατο.
천이백 명이 넘는 유력 인사들이 처형되자, 민중은 선동가들 자신마저도 용서하지 않았다.
§15.58.4διὰ γὰρ τὸ μέγεθος τῆς συμφορᾶς οἱ μὲν δημαγωγοὶ φοβηθέντες μή τι παράλογον αὐτοῖς ἀπαντήσῃ, τῆς κατηγορίας ἀπέστησαν, οἱ δʼ ὄχλοι δόξαντες ὑπʼ αὐτῶν ἐγκαταλελεῖφθαι, καὶ διὰ τοῦτο παροξυνθέντες, ἅπαντας τοὺς δημαγωγοὺς ἀπέκτειναν.
왜냐하면 재앙의 규모가 너무나 컸기에, 선동가들은 자신들에게 어떤 예기치 못한 일이 닥칠까 두려워하여 고발을 그만두었으나, 군중은 그들에게 버림받았다고 생각하여 이로 인해 격분하여 선동가들을 모조리 죽여버렸기 때문이다.
οὗτοι μὲν οὖν, ὡσπερεί τινος νεμεσήσαντος δαιμονίου, τῆς ἁρμοζούσης τιμωρίας ἔτυχον, ὁ δὲ δῆμος παυσάμενος τῆς λύττης εἰς τὴν προϋπάρχουσαν ἔννοιαν ἀποκατέστη.
그리하여 이들은 마치 어떤 신령이 진노를 내린 것처럼 합당한 벌을 받았고, 민중은 광기를 멈추고 이전의 이성적인 상태로 복귀했다.