§15.57.1τοῦ δʼ ἐνιαυσίου χρόνου διεληλυθότος Ἀθήνησι μὲν ἦρχε Δυσνίκητος, ἐν Ῥώμῃ δὲ ἀντὶ τῶν ὑπάτων χιλίαρχοι κατεστάθησαν τέτταρες, Κόιντος Σερουίλιος καὶ Λεύκιος Φούριος, ἔτι δὲ Γάιος Λικίνιος καὶ Πόπλιος Κοίλιος.
한 해의 임기가 지나가자, 아테나이에서는 디스니케토스가 아르콘으로 재임했고, 로마에서는 집정관 대신 네 명의 군사 집정관, 즉 퀸투스 세르빌리우스와 루키우스 푸리우스, 그리고 가이우스 리키니우스와 푸블리우스 코엘리우스가 임명되었다.
ἐπὶ δὲ τούτων Θηβαῖοι μεγάλῃ δυνάμει στρατεύσαντες ἐπʼ Ὀρχομενὸν ἐπεβάλοντο μὲν ἐξανδραποδίσασθαι τὴν πόλιν, Ἐπαμεινώνδου δὲ συμβουλεύσαντος ὅτι τὰ διὰ τῆς ἀνδρείας κατεργασθέντα τῇ φιλανθρωπίᾳ δεῖ διαφυλάττειν τοὺς τῆς τῶν Ἑλλήνων ἡγεμονίας ὀρεγομένους, μετέγνωσαν.
이들의 임기 중에 테바이인들은 대군을 이끌고 오르코메노스로 출정하여 그 도시를 노예화하기로 꾀했으나, 에파메이논다스가 그리스의 패권을 열망하는 자들은 용맹을 통해 이룩한 것을 인도주의로써 지켜내야 한다고 권고하자 생각을 바꾸었다.
διόπερ τοὺς μὲν Ὀρχομενίους εἰς τὴν τῶν συμμάχων χώραν κατέταξαν,μετὰ δὲ ταῦτα Φωκεῖς καὶ Αἰτωλοὺς καὶ Λοκροὺς φίλους ποιησάμενοι τὴν εἰς Βοιωτίαν ἐπάνοδον ἐποιήσαντο.
그리하여 그들은 오르코메노스인들을 동맹국의 대열에 편입시켰고, 그 후 포키스인, 아이톨리아인, 로크리스인들과 우호를 맺은 뒤 보이오티아로 돌아갔다.
§15.57.2Ἰάσων δὲ ὁ Φερῶν τύραννος ἀεὶ μᾶλλον αὐξόμενος ἐστράτευσεν εἰς τὴν Λοκρίδα, καὶ τὴν μὲν Ἡράκλειαν τὴν ἐν Τραχινίᾳ διὰ προδοσίας ἑλὼν ἀνάστατον ἐποίησε, καὶ τὴν χώραν Οἰταίοις καὶ Μηλιεῦσιν ἐδωρήσατο·
페라이의 참주 이아손은 세력을 점점 더 키워가며 로크리스로 출정했고, 트라키스의 헤라클레이아를 배반을 통해 함락하여 황폐화한 후 그 영토를 오이타인들과 멜리스인들에게 나누어주었다.
μετὰ δὲ ταῦτα ἐπὶ τὴν Περραιβίαν ἀναζεύξας τῶν πόλεων τὰς μὲν λόγοις φιλανθρώποις προσηγάγετο, τὰς δὲ διὰ τῆς βίας ἐχειρώσατο.
그 뒤 페라이비아로 군대를 이동시켜 그 도시들 중 일부는 온화한 말로 포섭하고, 일부는 무력으로 굴복시켰다.
ταχὺ δὲ τῆς δυναστείας αὐτοῦ στερεουμένης, οἱ τὴν Θετταλίαν οἰκοῦντες ὑφεωρῶντο τὴν αὔξησιν αὐτοῦ καὶ τὴν πλεονεξίαν.
그의 권력이 빠르게 공고해지자, 테살리아에 사는 이들은 그의 성장과 탐욕을 경계하는 눈초리로 바라보았다.
§15.57.3ἅμα δὲ τούτοις πραττομένοις ἐν τῇ πόλει τῶν Ἀργείων ἐγένετο στάσις καὶ φόνος τοσοῦτος, ὅσος παρʼ ἑτέροις τῶν Ἑλλήνων οὐδέποτε γεγονέναι μνημονεύεται.
이러한 일들이 진행되는 동안, 아르고스 시에서는 다른 그리스인들 사이에서 이전에 일어난 적이 없다고 기억될 만큼 거대한 내분과 학살이 발생했다.
ἐκλήθη δὲ ὁ νεωτερισμὸς οὗτος παρὰ τοῖς Ἕλλησι σκυταλισμός, διὰ τὸν τρόπον τοῦ θανάτου ταύτης τυχὼν τῆς προσηγορίας.
이 정변은 그리스인들 사이에서 '스키탈리스모스(곤봉형)'라 불렸는데, 죽음에 이르게 한 독특한 방식 때문에 이러한 명칭을 얻게 되었다.