§15.50.1ἐπʼ ἄρχοντος δʼ Ἀθήνησιν Ἀλκισθένους Ῥωμαῖοι μὲν ἀντὶ τῶν ὑπάτων χιλιάρχους κατέστησαν ὀκτώ, Λεύκιον Οὐαλέριον καὶ Πόπλιον, ἔτι δὲ Γάιον Τερέντιον καὶ Λεύκιον Μενήνιον, πρὸς δὲ τούτοις Γάιον Σολπίκιον καὶ Τίτον Παπίριον καὶ Λεύκιον Αἰμίλιον, παρὰ δὲ Ἠλείοις Ὀλυμπιὰς ἤχθη δευτέρα πρὸς ταῖς ἑκατόν, καθʼ ἣν ἐνίκα στάδιον Δάμων Θούριος.
아테네의 아르콘이 알키스테네스였을 때, 로마인들은 집정관 대신 여덟 명의 군사 집정관을 임명했다. 루키우스 발레리우스, 푸블리우스, 그리고 가이우스 테렌티우스와 루키우스 메네니우스, 여기에 더하여 가이우스 술피키우스, 티투스 파피리우스, 루키우스 에밀리우스였다. 또한 엘리스인들 사이에서는 제102회 올림피아드 대회가 치러졌고, 이때 투리오이의 다몬이 스타디온 경주에서 우승했다.
§15.50.2ἐπὶ δὲ τούτων, Λακεδαιμονίων ἔτη σχεδὸν πεντακόσια τῆς Ἑλλάδος ἐχόντων τὴν ἡγεμονίαν, τὸ θεῖον προεσήμαινεν αὐτοῖς τῆς ἀρχῆς τὴν ἀποβολήν·
이들의 임기 동안, 라케다이몬인들은 거의 오백 년 동안 그리스의 패권을 쥐고 있었음에도 불구하고, 신적인 존재가 그들에게 지배권의 상실을 미리 예고했다.
ὤφθη μὲν γὰρ κατὰ τὸν οὐρανὸν ἐπὶ πολλὰς νύκτας λαμπὰς μεγάλη καομένη, ἀπὸ τοῦ σχήματος ὀνομασθεῖσα πυρίνη δοκίς·
왜냐하면 하늘에 여러 밤 동안 불타오르는 거대한 횃불이 나타났는데, 그 모양 때문에 '불의 대들보'라고 불렸기 때문이다.
μικρὸν δʼ ὕστερον ἡττηθέντες οἱ Σπαρτιᾶται παραδόξως μεγάλῃ μάχῃ τὴν ἡγεμονίαν ἀπέβαλον ἀνελπίστως.
그리고 얼마 안 있어 스파르타인들은 예상과 다르게 대규모 전투에서 패배하여, 뜻밖에 패권을 잃었다.
§15.50.3ἔνιοι δὲ τῶν φυσικῶν τὴν γένεσιν τῆς λαμπάδος εἰς φυσικὰς αἰτίας ἀνέφερον, ἀποφαινόμενοι τὰ τοιαῦτα φαντάσματα κατηναγκασμένως γίνεσθαι χρόνοις ὡρισμένοις, καὶ περὶ τῶν τοιούτων τούς τε ἐν Βαβυλῶνι Χαλδαίους καὶ τοὺς ἄλλους ἀστρολόγους ποιουμένους προρρήσεις ἐναργεῖς ἐπιτυγχάνειν·
그러나 자연학자들 중 일부는 이 횃불의 발생을 자연적 원인으로 돌렸으며, 이러한 현상들은 정해진 시기에 필연적으로 일어나는 것이라고 주장했다. 또한 이러한 일들에 대해 바빌론의 칼데아인들과 다른 점성술사들이 명확한 예언을 하여 성공을 거둔다고 말했다.
τοὺς δὲ μὴ θαυμάζειν ὅταν γένηταί τι τοιοῦτον, ἀλλʼ ἐὰν μὴ γένηται, κατὰ τὰς ἰδίας ἑκάστων περιόδους αἰωνίοις κινήσεσι καὶ φοραῖς ὡρισμέναις συντελουμένων.
그리고 그들은 이러한 일이 일어났을 때 놀라는 것이 아니라, 오히려 일어나지 않았을 때 놀라는데, 왜냐하면 이것들은 영원한 운동과 정해진 궤도에 의해 각자의 고유한 주기에 따라 완수되기 때문이라는 것이었다.
τὴν δʼ οὖν λαμπάδα τοσαύτην ἐσχηκέναι λαμπρότητα καὶ δύναμιν τοῦ φωτός, ὥστʼ ἐπὶ τῆς γῆς σκιὰς ποιεῖν παραπλησίας τῇ σελήνῃ.
어쨌든 그 횃불은 매우 큰 밝기와 빛의 강도를 가지고 있어서, 땅 위에 달빛과 유사한 그림자를 만들어 낼 정도였다.
§15.50.4κατὰ δὲ τούτους τοὺς χρόνους Ἀρταξέρξης ὁ βασιλεὺς ὁρῶν πάλιν ταραττομένην τὴν Ἑλλάδα πρέσβεις ἀπέστειλε, παρακαλῶν συλλύσασθαι τοὺς ἐμφυλίους πολέμους καὶ συνθέσθαι κοινὴν εἰρήνην κατὰ τὰς ὁμολογίας, ἃς πρότερον ἦσαν πεποιημένοι.
이 시기에 아르타크세르크세스 왕은 그리스가 다시 혼란에 빠진 것을 보고 사절들을 보내어, 내전을 종식하고 이전에 맺었던 합의에 따라 공동 평화를 체결하도록 권고했다.
τῶν Ἑλλήνων δὲ πάντων ἀσμένως προσδεξαμένων τοὺς λόγους, συνέθεντο κοινὴν εἰρήνην αἱ πόλεις πᾶσαι πλὴν Θηβαίων·
모든 그리스인이 이 제안을 기쁘게 받아들였기에, 테바이인들을 제외한 모든 포리스가 공동 평화를 체결했다.
Θηβαῖοι γὰρ μόνοι, τὴν Βοιωτίαν ὑπὸ μίαν ἄγοντες συντέλειαν, οὐ προσεδέχθησαν ὑπὸ τῶν Ἑλλήνων διὰ τὸ πᾶσιν ἀρέσκειν κατὰ πόλιν γίνεσθαι τοὺς ὅρκους καὶ τὰς σπονδάς.
테바이인들만이 보이오티아를 단일 연합 아래에 두려 하고 있었으므로, 서약과 조약을 포리스별로 맺는 것이 모든 이들의 뜻에 맞았기 때문에 그리스인들에게 인정받지 못했던 것이다.
διόπερ ἔκσπονδοι γενηθέντες ὥσπερ καὶ πρότερον, συνεῖχον τὴν Βοιωτίαν ἐν τῇ καθʼ αὑτοὺς μιᾷ συντελείᾳ.
그리하여 그들은 이전과 마찬가지로 조약에서 제외된 상태가 되어, 보이오티아를 자신들 아래의 단일 연합으로 계속 묶어 두었다.
§15.50.5ἐπὶ δὲ τούτοις οἱ Λακεδαιμόνιοι παροξυνθέντες ἔγνωσαν μεγάλῃ δυνάμει στρατεύειν ἐπʼ αὐτούς, ὡς κοινοὺς πολεμίους·
이에 라케다이몬인들은 자극을 받아 그들을 공동의 적으로 삼아 대군을 이끌고 원정하기로 결정했다.
σφόδρα γὰρ ὑφεωρῶντο τὴν αὔξησιν αὐτῶν, μήποτε τῆς ὅλης Βοιωτίας ἡγούμενοι τὴν ἡγεμονίαν τῆς Σπάρτης καταλύσωσιν, ἐπιλαβόμενοι καιροῦ.
왜냐하면 그들은 테바이인들이 보이오티아 전체를 이끌게 되어 기회를 틈타 스파르타의 패권을 무너뜨릴지 모른다며 그들의 성장을 몹시 경계하고 있었기 때문이다.
ἔν τε γὰρ τοῖς γυμνασίοις συνεχῶς διατρίβοντες εὔρωστοι τοῖς σώμασιν ὑπῆρχον, καὶ φύσει φιλοπόλεμοι καθεστῶτες οὐδενὸς ἔθνους Ἑλληνικοῦ ταῖς ἀνδρείαις ἐλείποντο.
실제로 그들은 체육관에서 끊임없이 단련했기에 강건한 육체를 가졌고, 본성적으로 호전적이었으므로 그리스의 어떤 부족과 비교해도 용맹함에서 뒤처지지 않았다.
§15.50.6εἶχον δὲ καὶ ἡγεμόνας ἐπιφανεῖς ταῖς ἀρεταῖς πολλοὺς μὲν καὶ ἄλλους, μεγίστους δὲ τρεῖς, Ἐπαμεινώνδαν καὶ Γοργίαν, ἔτι δὲ καὶ Πελοπίδαν·
또한 그들에게는 뛰어난 역량을 갖춘 저명한 지휘관들이 그 밖에도 많이 있었으나 가장 위대한 자들은 세 명, 즉 에파메이논다스, 고르기아스, 그리고 펠로피다스였다.
ἥ τε πόλις τῶν Θηβαίων διὰ τῆς τῶν προγόνων ἐπιφανείας ἐν τοῖς ἡρωικοῖς χρόνοις φρονήματος ἦν πλήρης καὶ μεγάλων ὠρέγετο πραγμάτων.
테바이 포리스는 영웅 시대 조상들의 명성 덕분에 자긍심으로 가득 차 있었고 원대한 일을 갈망하고 있었다.
κατὰ μὲν οὖν τοῦτον τὸν ἐνιαυτὸν οἱ Λακεδαιμόνιοι παρεσκευάζοντο πρὸς τὸν πόλεμον καὶ δυνάμεις κατέλεγον τὰς μὲν πολιτικάς, τὰς δὲ παρὰ τῶν συμμάχων.
그리하여 이 해 동안 라케다이몬인들은 전쟁을 준비하며 자국 시민들의 군대와 동맹국들로부터의 군대를 소집했다.