§15.31.1οἱ δὲ ὁρῶντες τὴν τῶν συμμάχων ὁρμὴν πρὸς τὴν ἀπόστασιν ἀκατάσχετον οὖσαν, ἐπαύσαντο τῆς προϋπαρχούσης βαρύτητος καὶ ταῖς πόλεσι φιλανθρώπως προσεφέροντο.
스파르타인들은 동맹국들의 이탈을 향한 충동이 억제할 수 없는 것임을 보고, 기존의 위압적인 태도를 그만두고 도시들에게 관대하게 대하기 시작했다.
τοιαύταις δʼ ὁμιλίαις καὶ εὐεργεσίαις χρησάμενοι εὐνουστέρους ἅπαντας τοὺς συμμάχους κατεσκεύασαν.
그들은 이러한 교제와 은혜를 베풂으로써 모든 동맹국을 더욱 호의적으로 만들었다.
ὁρῶντες δὲ τὸν πόλεμον αὐξόμενον καὶ πολλῆς ἐπιμελείας ἐπιδεόμενον, τάς τε ἄλλας παρασκευὰς ἐποιοῦντο φιλοτίμως καὶ τὴν διάταξιν καὶ τὴν διαίρεσιν τῶν στρατιωτῶν καὶ λειτουργιῶν περιττότερον ἐξειργάσαντο.
또한 전쟁이 확대되고 많은 노력이 필요함을 보고, 다른 준비도 열성적으로 수행하는 동시에 군사들과 공공 봉사의 배치 및 분할을 더욱 정교하게 만들어 냈다.
§15.31.2τάς τε γὰρ πόλεις καὶ τοὺς καταλεγομένους στρατιώτας εἰς τὸν πόλεμον διεῖλαν εἰς δέκα μέρη·
그들은 도시들과 전쟁에 동원되는 병사들을 열 개의 부문으로 나누었다.
τούτων δὲ πρώτην ἐπεῖχον μερίδα Λακεδαιμόνιοι, δευτέραν δὲ καὶ τρίτην Ἀρκάδες, τετάρτην δʼ Ἠλεῖοι, πέμπτην δʼ Ἀχαιοί·
이들 중 첫 번째 부문은 스파르타인들이 차지했고, 두 번째와 세 번째는 아르카디아인들이, 네 번째는 엘리스인들이, 다섯 번째는 아카이아인들이 차지했다.
καὶ τὴν μὲν ἕκτην ἐπλήρουν Κορίνθιοι καὶ Μεγαρεῖς, τὴν δʼ ἑβδόμην Σικυώνιοι καὶ Φλιάσιοι καὶ οἱ τὴν Ἀκτὴν καλουμένην οἰκοῦντες, τὴν δʼ ὀγδόην Ἀκαρνᾶνες, ἐνάτην δὲ Φωκεῖς καὶ Λοκροί, τὴν δʼ ἐπὶ πᾶσιν Ὀλύνθιοι καὶ οἱ ἐπὶ Θρᾴκης κατοικοῦντες σύμμαχοι.
그리고 여섯 번째는 코린토스인들과 메가라인들이 채웠으며, 일곱 번째는 시키온인들과 플리아스인들 및 ‘아크테’라 불리는 곳에 거주하는 이들이, 여덟 번째는 아카르나니아인들이, 아홉 번째는 포키스인들과 로크리스인들이, 마지막 부문은 올린토스인들과 트라키아 지방에 거주하는 동맹국들이 차지했다.
ἦν δʼ αὐτοῖς ὁ μὲν ὁπλίτης πρὸς δύο ψιλοὺς τεταγμένος, ὁ δʼ ἱππεὺς πρὸς τέτταρας ὁπλίτας ἰσαζόμενος.
그들에게 있어서 중장보병 한 명은 경장보병 두 명에 해당하도록 배치되었고, 기병 한 명은 중장보병 네 명과 동등하게 여겨졌다.
§15.31.3τοιαύτης δὲ τῆς συντάξεως οὔσης, ἡγεῖτο τῆς στρατιᾶς Ἀγησίλαος ὁ βασιλεύς·
이러한 조직 하에서 아게실라오스 왕이 군대를 이끌었다.
περιβόητος δʼ ἦν ἐπʼ ἀνδρείᾳ καὶ στρατηγικῇ συνέσει καὶ σχεδὸν ἀνίκητος γεγονὼς ἐν τοῖς ἐπάνω χρόνοις.
그는 용맹함과 전략적 지혜로 명성이 자자했으며, 이전 시대에 거의 무적이었다.
ἔν τε γὰρ τοῖς λοιποῖς πολέμοις ἐθαυμάσθη, καὶ καθʼ ὃν καιρὸν Λακεδαιμόνιοι ἐπολέμουν τοῖς Πέρσαις, παραταξάμενος καὶ πολλαπλασίονα δύναμιν νικήσας, πολλὴν τῆς Ἀσίας ἐπῆλθε κρατῶν τῶν ὑπαίθρων, καὶ πέρας, εἰ μὴ μετεπέμψαντο αὐτὸν οἱ Σπαρτιᾶται διά τινας πολιτικὰς χρείας, σχεδὸν ἂν καὶ τὴν ὅλην τῶν Περσῶν βασιλείαν εἰς τοὺς ἐσχάτους κινδύνους κατέστησεν.
실제로 그는 다른 전쟁들에서도 찬사를 받았고, 스파르타인들이 페르시아인들과 전쟁을 벌이던 시기에는 전열을 가다듬어 몇 배나 많은 군세를 격파하고 야전의 우세를 유지하며 아시아의 많은 지역을 휩쓸었다. 그리고 결국, 만약 스파르타인들이 어떤 정치적 필요 때문에 그를 소환하지 않았더라면, 페르시아 왕국 전체를 거의 파멸적 위기에 빠뜨렸을 것이다.
§15.31.4ἦν γὰρ ὁ ἀνὴρ οὗτος δραστικὸς καὶ μετὰ συνέσεως πολλῆς θρασὺς καὶ παραβόλοις πράξεσι χρώμενος.
이 인물은 실행력이 뛰어나고 다대한 지혜와 더불어 대담하여 모험적인 행동을 즐겨하는 자였기 때문이다.
διὸ καὶ τότε θεωροῦντες οἱ Σπαρτιᾶται τὸ μέγεθος τοῦ πολέμου προσδεόμενον ἡγεμόνος ἀξιολόγου, τοῦτον τοῦ πολέμου παντὸς ἡγεμόνα κατέστησαν.
그리하여 당시 스파르타인들은 전쟁의 규모가 걸출한 지도자를 요구하는 것을 보고, 그를 이 전쟁 전체의 사령관으로 임명했다.