§15.12.1κατὰ δὲ τὴν Ἑλλάδα Λακεδαιμονίων πορθούντων Μαντίνειαν, τὸ μὲν θέρος διετέλεσαν οἱ Μαντινεῖς γενναίως ἀγωνιζόμενοι πρὸς τοὺς πολεμίους·
한편 그리스에서는 라케다이몬인들이 만티네이아를 유린하는 가운데, 여름 동안 만티네이아인들은 적들에 맞서 용감하게 계속 싸웠다.
ἐδόκουν γὰρ ἀνδρείᾳ διαφέρειν τῶν Ἀρκάδων, καὶ διὰ τοῦθʼ οἱ Λακεδαιμόνιοι πρότερον εἰώθεισαν ἐν ταῖς μάχαις τούτους παραστάτας ἔχειν καὶ πιστοτάτους τῶν συμμάχων·
왜냐하면 그들은 아르카디아인들 중에서 용맹함이 뛰어난 것으로 여겨졌고, 이 때문에 라케다이몬인들도 이전에는 전투에서 이들을 곁에 배치하여 동맹자들 중 가장 신뢰할 만한 자들로 삼곤 했기 때문이다.
τοῦ δὲ χειμῶνος ἐνστάντος, καὶ τοῦ παρὰ τὴν Μαντίνειαν ποταμοῦ μεγάλην αὔξησιν ἐκ τῶν ὄμβρων λαβόντος, οἱ Λακεδαιμόνιοι τὸ ῥεῦμα τοῦ ποταμοῦ διαλαβόντες μεγάλοις χώμασιν ἀπέστρεψαν τὸν ποταμὸν εἰς τὴν πόλιν καὶ πάντα τὸν σύνεγγυς τόπον ἐποίησαν λιμνάζειν.
그러나 겨울이 시작되고, 폭우로 인해 만티네이아 옆을 흐르는 강물이 크게 불어나자, 라케다이몬인들은 거대한 제방으로 강줄기를 가로막아 강물을 시내로 돌림으로써 인근의 모든 지역을 호수처럼 만들어 버렸다.
§15.12.2διὸ καὶ τῶν οἰκιῶν πιπτουσῶν καταπλαγέντες οἱ Μαντινεῖς ἠναγκάσθησαν τὴν πόλιν παραδοῦναι τοῖς Λακεδαιμονίοις.
그리하여 집들이 무너져 내리는 가운데 두려움에 사로잡힌 만티네이아인들은 도시를 라케다이몬인들에게 인도하지 않을 수 없게 되었다.
οἱ δὲ παραλαβόντες ἄλλο μὲν οὐθὲν κακὸν εἰργάσαντο τοὺς Μαντινεῖς, προσέταξαν δὲ εἰς τὰς ἀρχαίας κώμας μετοικισθῆναι.
도시를 넘겨받은 라케다이몬인들은 만티네이아인들에게 그 밖의 다른 해는 끼치지 않았으나, 예전의 마을들로 이주할 것을 명령했다.
διόπερ ἠναγκάσθησαν τὴν μὲν ἰδίαν πατρίδα κατασκάπτειν, εἰς δὲ τὰς κώμας μετοικῆσαι.
이 때문에 그들은 자신들의 조국을 허물어뜨리고 마을들로 이주할 수밖에 없었다.