§15.11.1ὁ δὲ βασιλεὺς καθʼ ἕνα τῶν δικαστῶν προσκαλούμενος ἐπηρώτησε, τίσι δικαίοις προσσχὼν ἕκαστος ἀπέλυσε τὸν κατηγορούμενον.
왕은 재판관들을 한 명씩 불러내어, 각자가 어떤 정당한 근거에 입각하여 피고인을 무죄로 방면했는지 물었다.
ὁ μὲν οὖν πρῶτος ἔφησε, θεωρῶν τὰ μὲν ἐγκλήματα ἀμφισβητούμενα, τὰς δʼ εὐεργεσίας ὁμολογουμένας οὔσας·
이에 첫 번째 재판관은 고발 사실은 의심스러운 반면 은혜는 모두가 인정하는 바임을 보았기 때문이라고 말했다.
ὁ δὲ δεύτερος ἔφησε, καὶ τιθεμένων ἀληθινῶν τῶν ἐγκλημάτων, ὅμως τὰς εὐεργεσίας μείζους εἶναι τῆς ἁμαρτίας·
두 번째 재판관은 설령 고발 사실이 참인 것으로 가정되더라도, 그럼에도 은혜가 잘못보다 더 크기 때문이라고 말했다.
ὁ δὲ τρίτος εἶπεν ὅτι τὰς μὲν εὐεργεσίας οὐ τίθεται πρὸς λόγον διὰ τὸ τὰς περὶ αὐτῶν χάριτας καὶ τιμὰς πολλαπλασίας ἀπειληφέναι παρὰ τοῦ βασιλέως τὸν Τιρίβαζον, αὐτῶν δὲ τῶν ἐγκλημάτων κατʼ ἰδίαν θεωρουμένων μὴ φαίνεσθαι τούτοις ἔνοχον εἶναι τὸν κατηγορούμενον.
세 번째 재판관은 은혜에 대해서는 계산에 넣지 않는다고 말했으니, 왜냐하면 티리바조스가 그것들에 대한 사의와 명예를 이미 왕으로부터 몇 배나 더 돌려받았기 때문이었다. 그러나 고발 사실 자체만을 개별적으로 검토해 볼 때, 피고인이 이것들에 대해 유죄인 것으로 보이지는 않는다고 말했다.
§15.11.2ὁ δὲ βασιλεὺς τοὺς μὲν δικαστὰς ἐπῄνεσεν, ὡς δικαίως κεκρικότας, τὸν δὲ Τιρίβαζον ταῖς νομιζομέναις μεγίσταις τιμαῖς ἐκόσμησεν.
왕은 재판관들이 올바르게 판결을 내렸다고 칭찬하고, 티리바조스를 관례적인 최고의 영예로 장식해 주었다.
τοῦ δὲ Ὀρόντου καταγνοὺς ὡς ψευδῆ κατηγορίαν πεπλακότος ἔκ τε τῶν φίλων ἐξέκρινε καὶ ταῖς ἐσχάταις ἀτιμίαις περιέβαλεν.
반면 오론테스에 대해서는 허위의 고발을 꾸며냈다고 유죄로 판정하여, 친구들의 무리에서 제외하고 극도의 치욕을 안겨주었다.
καὶ τὰ μὲν κατὰ τὴν Ἀσίαν ἐν τούτοις ἦν.
아시아에서의 일들은 이러한 상태에 있었다.