§15.10.1Ἀρταξέρξης δὲ καταλύσας τὸν πρὸς Καδουσίους πόλεμον προέθηκε κρίσιν Τιριβάζῳ, καὶ δικαστὰς τρεῖς ἀπέδωκε τῶν μάλιστα εὐδοκιμούντων παρὰ τοῖς Πέρσαις.
아르타크세르크세스는 카두시오이인들과의 전쟁을 종결한 후, 티리바조스에 대한 재판을 청구하고 페르시아인들 중에서 가장 평판이 좋은 이들 중에서 세 명의 재판관을 임명했다.
κατὰ τούτους δὲ τοὺς χρόνους ἕτεροι δικασταὶ δόξαντες κακῶς κρίνειν ζῶντες ἐξεδάρησαν, καὶ ὑπὲρ τῶν δικαστικῶν δίφρων περιταθέντων τῶν δερμάτων ἐπὶ τούτων ἐδίκαζον οἱ δικασταί, παρʼ ὀφθαλμοὺς ἔχοντες παράδειγμα τῆς ἐν τῷ κακῶς κρίνειν τιμωρίας.
이 시기에 부당한 판결을 내린 것으로 간주된 다른 재판관들이 산 채로 가죽이 벗겨졌고, 그 가죽이 재판관의 의자 위에 팽팽하게 씌워진 채 재판관들이 그 위에서 재판을 주재하였으니, 부당한 판결에 대한 처벌의 본보기를 목전에 두고 있었던 것이다.
§15.10.2οἱ μὲν οὖν κατηγοροῦντες τὴν ἐπιστολὴν ἀναγνόντες τὴν πεμφθεῖσαν ὑπὸ τοῦ Ὀρόντου, ταύτην ἱκανῶς ἔφασαν ἔχειν πρὸς κατηγορίαν·
그리하여 고발자들은 오론테스가 보낸 편지를 낭독하고 이것이 고발을 위해 충분하다고 주장했다.
ὁ δὲ Τιρίβαζος πρὸς μὲν τὴν κατὰ τὸν Εὐαγόραν διαβολὴν τὴν ὑπʼ Ὀρόντου γεγενημένην συνθήκην τὸν Εὐαγόραν ὑπακούσειν ὡς βασιλέα βασιλεῖ προήνεγκεν·
그러나 티리바조스는 오론테스가 행한 에우아고라스에 대한 중상에 맞서, 에우아고라스가 '왕으로서 왕에게' 복종한다는 협정을 제시하였다.
ἑαυτὸν δὲ τὴν εἰρήνην συντεθεῖσθαι, ὥστε ὑπακούειν Εὐαγόραν τῷ βασιλεῖ ὡς δοῦλον δεσπότῃ·
그리고 자신은 에우아고라스가 왕에게 '노예가 주인에게' 복종하는 방식으로 평화를 맺고자 했다고 주장했다.
περὶ δὲ τῶν χρησμῶν ἔφησε μὴ χρηματίζειν τὸν θεὸν καθόλου περὶ θανάτου, καὶ τούτου μάρτυρας παρείχετο πάντας τοὺς παρόντας Ἕλληνας.
또한 신탁에 대해서는 신이 죽음에 관해서는 전혀 응답을 내리지 않는다고 말하며, 이에 대한 증인으로 그 자리에 있던 모든 헬라스인들을 내세웠다.
περὶ δὲ τῆς φιλίας τῆς πρὸς Λακεδαιμονίους ἀπελογεῖτο, λέγων οὐκ ἐπὶ τῷ ἰδίῳ συμφέροντι, ἀλλʼ ἐπὶ τῷ τοῦ βασιλέως λυσιτελεῖ πεποιῆσθαι τὴν φιλίαν·
라케다이몬인들과의 우호 관계에 대해서는 자신의 사리사욕을 위해서가 아니라 왕의 이익을 위해 그 우호 관계가 맺어진 것이라고 말하며 변명했다.
καὶ διὰ ταύτης παρεδείκνυε τῶν μὲν Λακεδαιμονίων παρῃρῆσθαι τοὺς κατὰ τὴν Ἀσίαν Ἕλληνας, τῷ δὲ βασιλεῖ παραδεδόσθαι ἐκδότους.
그리고 이 관계를 통해 라케다이몬인들로부터 아시아의 헬라스인들을 떼어내어 왕에게 넘겨주었음을 증명해 보였다.
ἐπὶ τελευτῆς δὲ τῆς ἀπολογίας ὑπέμνησε τοὺς δικαστὰς ὧν τὸν βασιλέα πρότερον ἦν εὐεργετηκώς.
변론의 마지막에 그는 재판관들에게 이전에 자신이 왕에게 베풀었던 은혜들을 상기시켰다.
§15.10.3λέγεται δὲ πολλὰς μὲν καὶ ἄλλας χρείας ἐνδεδεῖχθαι τῷ βασιλεῖ, μίαν δὲ μεγίστην, ἐξ ἧς αὐτὸν θαυμασθῆναι συνέβη καὶ μέγιστον γενέσθαι φίλον·
그가 왕에게 다른 많은 공헌도 세웠다고 전해지지만, 특히 가장 큰 공헌이 하나 있었으니, 이로 인해 그가 왕에게 찬탄을 받고 가장 위대한 친구가 되었다.
κατὰ γάρ τινα κυνηγίαν ἐφʼ ἅρματος ὀχουμένου τοῦ βασιλέως δύο λέοντας ἐπʼ αὐτὸν ὁρμῆσαι, καὶ τῶν μὲν ἵππων τῶν ἐν τῷ τεθρίππῳ δύο διασπάσαι, τὴν δʼ ὁρμὴν ἐπʼ αὐτὸν ποιεῖσθαι τὸν βασιλέα·
왜냐하면 어떤 사냥 중에 왕이 전차를 타고 가고 있었는데, 사자 두 마리가 왕에게 달려들어 네 마리 전차의 말 중 두 마리를 찢어발기고 왕 자신에게 달려들려고 하였기 때문이다.
καθʼ ὃν δὴ καιρὸν ἐπιφανέντα τὸν Τιρίβαζον τοὺς μὲν λέοντας ἀποκτεῖναι, τὸν δὲ βασιλέα ἐκ τῶν κινδύνων ἐξελέσθαι.
바로 그때 티리바조스가 나타나 사자들을 죽이고 왕을 위험으로부터 구출해 냈다.
§15.10.4ἔν τε τοῖς πολέμοις ἀνδρείᾳ διενεγκεῖν φασὶν αὐτὸν καὶ κατὰ τὰς συμβουλὰς οὕτως εὐστοχεῖν, ὥστε τὸν βασιλέα χρώμενον ταῖς ἐκείνου παραγγελίαις μηδέποτε διαμαρτεῖν.
또한 전쟁에서도 그가 용맹함으로 두각을 나타냈으며, 조언에 있어서도 매우 적절하였기에 왕이 그의 권고를 따랐을 때는 결코 실패하는 법이 없었다고 전한다.
τοιαύτῃ δʼ ἀπολογίᾳ χρησάμενος ὁ Τιρίβαζος ἀπελύθη τῶν ἐγκλημάτων ὡμολογημένως ὑπὸ πάντων τῶν δικαστῶν.
이러한 변론을 펼친 티리바조스는 모든 재판관의 만장일치 합의로 혐의를 벗고 무죄가 되었다.