§14.96.1Μάγων δʼ ἐν πολεμίᾳ χώρᾳ στρατοπεδεύων, καὶ τῶν ἀναγκαίων ἐνδεὴς ἀεὶ μᾶλλον γινόμενος, οὐ μετρίως ἠλαττοῦτο·
한편 마곤은 적국 영토에 진을 치고 있어서 필수품이 갈수록 부족해져 적지 않은 불이익을 당했다.
καὶ γὰρ οἱ περὶ τὸν Ἄγυριν τῆς χώρας ἔμπειροι καθεστῶτες ἐν ταῖς ἐνέδραις ἐπλεονέκτουν καὶ τὰς ἀγορὰς τῶν πολεμίων ἀφῃροῦντο.
왜냐하면 아귀리스를 따르는 자들은 그 지역 지리에 정통하여 매복전에서 우위를 점했고, 적들의 보급 부대를 가로챘기 때문이다.
§14.96.2λεγόντων δὲ τῶν Συρακοσίων διὰ μάχης κρίνειν ὡς τάχιστα τὰ πράγματα, Διονύσιος ἠναντιοῦτο λέγων χωρὶς κινδύνων τῷ χρόνῳ καὶ τῇ σπάνει καταφθαρήσεσθαι τοὺς βαρβάρους·
시라쿠사인들이 전투를 통해 가능한 한 빨리 사태를 판가름 내자고 주장하자, 디오뉘시오스는 위험을 무릅쓰지 않고도 시간과 결핍 속에서 야만인들이 자멸할 것이라 말하며 반대했다.
ἐφʼ οἷς παροργισθέντες οἱ Συρακόσιοι κατέλιπον τὸν Διονύσιον.
이에 격분한 시라쿠사인들은 디오뉘시오스를 버려두고 떠났다.
§14.96.3ὁ δὲ τὸ μὲν πρῶτον εὐλαβούμενος ἐπʼ ἐλευθερίαν ἐκάλει τοὺς οἰκέτας, μετὰ δὲ ταῦτα διαπρεσβευσαμένων τῶν Καρχηδονίων ὑπὲρ εἰρήνης ὑπακούσας ἀναπομπίμους τοῖς κυρίοις ἐποίησε, πρὸς δὲ τοὺς Καρχηδονίους εἰρήνην ἐποιήσατο.
그는 처음에는 사태를 경계하여 노예들을 자유를 조건으로 소집했으나, 그 후 카르타고인들이 평화를 구하기 위해 사절을 보내오자 이에 응하여 노예들을 그들의 주인에게 돌려보내고 카르타고인들과 평화 조약을 맺었다.
§14.96.4ἦσαν δʼ αἱ συνθῆκαι τὰ μὲν ἄλλα παραπλήσιαι ταῖς πρότερον, Σικελοὺς δὲ δεῖν ὑπὸ Διονύσιον τετάχθαι καὶ παραλαβεῖν αὐτὸν τὸ Ταυρομένιον.
조약의 내용은 다른 점에서는 이전 것들과 거의 유사했으나, 시켈리아인들은 디오뉘시오스의 휘하에 놓여야 하고 그가 타우로메니온을 인도받아야 한다는 조항이 있었다.
μετὰ δὲ τὰς συνθήκας Μάγων μὲν ἀπέπλευσε, Διονύσιος δὲ παραλαβὼν τὸ Ταυρομένιον τοὺς μὲν πλείστους τῶν ἐκεῖ Σικελῶν ἐξέβαλεν, τῶν δʼ ἰδίων μισθοφόρων τοὺς ἐπιτηδειοτάτους ἐπιλέξας κατῴκισεν.
조약 체결 후 마곤은 배를 타고 떠났고, 디오뉘시오스는 타우로메니온을 인도받은 뒤 그곳에 있던 시켈리아인들 대부분을 추방하고 자신의 용병들 중에서 가장 적합한 자들을 선발하여 그곳에 정착시켰다.
§14.96.5καὶ τὰ μὲν κατὰ Σικελίαν ἐν τούτοις ἦν, κατὰ δὲ τὴν Ἰταλίαν Ῥωμαῖοι Φαλίσκον πόλιν ἐκ τοῦ Φαλίσκων ἔθνους ἐξεπόρθησαν.
시켈리아의 상황은 이러했으며, 이탈리아에서는 로마인들이 팔리스키족의 도시 팔리스쿠스를 함락했다.