§14.77.1τῆς γὰρ συμφορᾶς διακηρυχθείσης κατὰ τὴν Λιβύην, οἱ σύμμαχοι καὶ πάλαι μὲν μισοῦντες τὸ βάρος τῆς τῶν Καρχηδονίων ἡγεμονίας, τότε δὲ διὰ τὴν τῶν στρατιωτῶν ἐν Συρακούσαις προδοσίαν πολὺ μᾶλλον ἐξέκαυσαν τὸ κατʼ αὐτῶν μῖσος.
리비아 전역에 그 재앙의 소식이 전해지자, 이전부터 카르타고 패권의 무거운 억압을 증오하던 동맹군들은, 시라쿠사에서 군사들이 배신당한 일로 인해 카르타고에 대한 증오심을 더욱 격렬하게 불태웠다.
§14.77.2διόπερ ἅμα μὲν ὑπὸ τῆς ὀργῆς προαχθέντες, ἅμα δὲ καταφρονήσαντες αὐτῶν διὰ τὴν ἀτυχίαν, ἀντείχοντο τῆς ἐλευθερίας.
그리하여 그들은 한편으로는 분노에 이끌리고, 다른 한편으로는 카르타고인들의 불행을 보고 그들을 경멸하여, 자유를 지키고자 나섰다.
διαπρεσβευσάμενοι δὲ πρὸς ἀλλήλους ἤθροισαν δύναμιν, καὶ προελθόντες ἐν ὑπαίθρῳ κατεστρατοπέδευσαν.
그들은 서로 사절을 보내어 군대를 소집하고, 앞으로 나아가 야외에 진을 쳤다.
§14.77.3ταχὺ δʼ οὐ μόνον ἐλευθέρων, ἀλλὰ καὶ δούλων συντρεχόντων, ἐν ὀλίγῳ χρόνῳ μυριάδες εἴκοσι συνηθροίσθησαν.
이윽고 자유민뿐만 아니라 노예들까지 한데 모여들면서, 짧은 시간 안에 이십만 명의 무리가 결집되었다.
καταλαβόμενοι δὲ Τύνητα, πόλιν οὐ μακρὰν τῆς Καρχηδόνος κειμένην, ἐκ ταύτης παρετάττοντο, καὶ πλεονεκτοῦντες ἐν ταῖς μάχαις τειχήρεις τοὺς Φοίνικας συνεῖχον.
그들은 카르타고에서 멀지 않은 곳에 위치한 튀네스 성을 점령하고, 그곳을 기점으로 전열을 갖추어 싸움에서 우위를 점하며 페니키아인들을 성벽 안에 가두어 두었다.
§14.77.4οἱ δὲ Καρχηδόνιοι φανερῶς ὑπὸ τῶν θεῶν πολεμούμενοι, τὸ μὲν πρῶτον κατʼ ὀλίγους ξυνιόντες ἐξεταράττοντο καὶ τὸ δαιμόνιον ἱκέτευον λῆξαι τῆς ὀργῆς· μετὰ δὲ ταῦτα πᾶσαν τὴν πόλιν δεισιδαιμονία κατέσχε καὶ δέος, ἑκάστου τὸν τῆς πόλεως ἀνδραποδισμὸν τῇ διανοίᾳ προλαμβάνοντος.
카르타고인들은 명백히 신들로부터 전쟁을 겪고 있는 처지였기에, 처음에는 소수의 사람들끼리 모여 우왕좌왕하며 신령에게 진노를 거두어 달라고 애원하였으나, 그 후 온 성에 신벌에 대한 두려움과 공포가 엄습하여, 저마다 마음속으로 성읍이 노예화될 것을 예견하고 있었다.
διόπερ ἐψηφίσαντο παντὶ τρόπῳ τοὺς ἀσεβηθέντας θεοὺς ἐξιλάσασθαι.
그리하여 그들은 모독을 당한 신들을 온갖 방법으로 달래기로 의결했다.
§14.77.5οὐ παρειληφότες δʼ ἐν τοῖς ἱεροῖς οὔτε Κόρην οὔτε Δήμητρα, τούτων ἱερεῖς τοὺς ἐπισημοτάτους τῶν πολιτῶν κατέστησαν, καὶ μετὰ πάσης σεμνότητος τὰς θεὰς ἱδρυσάμενοι τὰς θυσίας τοῖς τῶν Ἑλλήνων ἤθεσιν ἐποίουν, καὶ τῶν παρʼ αὐτοῖς ὄντων Ἑλλήνων τοὺς χαριεστάτους ἐπιλέξαντες ἐπὶ τὴν τῶν θεῶν θεραπείαν ἔταξαν.
그들은 자신들의 신전에 코레와 데메테르를 모셔본 적이 없었으므로, 시민들 중 가장 명망 높은 이들을 이 신들의 제사장으로 임명하였고, 극진한 경건함과 장엄함으로 여신들을 안치하고 그리스인들의 관습에 따라 제사를 지냈다. 또한 자신들 곁에 있는 그리스인들 중에서 가장 품위 있고 교양 있는 이들을 선발하여 신들을 섬기는 일에 임명했다.
μετὰ δὲ ταῦτα ναῦς τε κατεσκεύαζον καὶ τὰ πρὸς τὸν πόλεμον ἐπιμελῶς ἡτοίμαζον.
그 뒤에 그들은 배를 건조하고 전쟁을 위한 준비를 성실히 갖추었다.
§14.77.6οἱ δʼ ἀποστάται μιγάδες ὄντες οὔθʼ ἡγεμόνας ἀξιοχρέους εἶχον, τὸ δὲ μέγιστον, αὐτοῖς μὲν διὰ τὸ πλῆθος ἐξέλειπον αἱ τροφαί, τοῖς δὲ Καρχηδονίοις κατὰ θάλατταν ἐκ Σαρδοῦς παρεκομίζοντο, καὶ πρὸς ἀλλήλους ἐστασίαζον περὶ τῆς ἡγεμονίας, καί τινες αὐτῶν χρήμασιν ὑπὸ Καρχηδονίων διαφθαρέντες ἐγκατέλειπον τὰς κοινὰς ἐλπίδας.
그러나 반란군은 여러 부류가 섞인 군중이어서 쓸 만한 지도자를 두지 못했고, 무엇보다도 그들은 군사들의 수가 너무 많아 식량이 부족해진 반면 카르타고인들에게는 사르디니아로부터 해로를 통해 식량이 수송되었으며, 그들 자신들 사이에서도 지도권을 두고 내분이 일어났고, 그들 중 일부는 카르타고인들이 건넨 돈에 매수되어 공동의 희망을 저저버렸다.
ὅθεν διά τε τὴν σπάνιν τῆς τροφῆς καί τινων προδοσίαν, οὗτοι μὲν διαλυθέντες εἰς τὰς πατρίδας ἀπήλλαξαν τοῦ μεγίστου φόβου Καρχηδονίους.
그리하여 식량 부족과 일부의 배신으로 인해 이들은 해산하여 각자의 고향으로 돌아갔고, 카르타고인들은 가장 큰 공포에서 벗어나게 되었다.
καὶ τὰ μὲν κατὰ Λιβύην ἐν τούτοις ἦν.
리비아의 상황은 이와 같았다.