§14.41.1ὁρῶν δὲ τῶν Ἑλλήνων τινὰς εἰς τὴν ἐπικράτειαν τῶν Καρχηδονίων ἀποτρέχοντας τάς τε πόλεις καὶ τὰς κτήσεις κομιζομένους, ἐνόμιζε τῆς πρὸς Καρχηδονίους εἰρήνης μενούσης πολλοὺς τῶν ὑφʼ αὑτὸν ταττομένων βουλήσεσθαι κοινωνεῖν τῆς ἐκείνων ἀποστάσεως, ἐὰν δὲ πόλεμος γένηται, πάντας τοὺς καταδεδουλωμένους ὑπὸ Καρχηδονίων ἀποστήσεσθαι πρὸς αὐτόν·
그리스인들 중 일부가 카르타고인들의 영토로 도망쳐 자신들의 도시와 재산을 되찾는 것을 보고, 디오뉘시오스는 카르타고인들과의 평화가 유지되는 한 자신의 지배하에 있는 많은 이들이 그들(카르타고인)에게로의 이탈에 동참하기를 바랄 것이나, 만일 전쟁이 일어난다면 카르타고인들에게 노예가 된 모든 이들이 자신에게로 이탈해 올 것이라고 생각했다.
ἤκουσε δὲ καὶ τῶν Καρχηδονίων πολλοὺς ἐν Λιβύῃ διεφθάρθαι λοιμικῇ καταστάσει περιπεσόντας.
또한 그는 리비아에 있는 카르타고인들 중 많은 이들이 전염병에 걸려 사망했다는 소식도 들었다.
§14.41.2διὸ καὶ νομίζων εὔθετον ἔχειν καιρὸν τοῦ πολέμου, κατασκευὴν ἔκρινε δεῖν πρῶτον γίνεσθαι·
이에 전쟁을 위한 좋은 기회를 잡았다고 생각한 그는 우선 군비 조정을 행해야 한다고 판단했다.
ὑπελάμβανε γὰρ ἔσεσθαι μέγαν καὶ πολυχρόνιον τὸν πόλεμον, ὡς ἂν πρὸς τοὺς δυνατωτάτους τῶν κατὰ τὴν Εὐρώπην μέλλων διαγωνίζεσθαι.
그는 유럽에서 가장 강력한 자들을 상대로 맞서 싸우게 될 것이므로, 이 전쟁이 대규모이며 장기적인 전쟁이 될 것이라고 예상했기 때문이다.
§14.41.3εὐθὺς οὖν τοὺς τεχνίτας ἤθροιζεν ἐκ μὲν τῶν ὑπʼ αὐτὸν ταττομένων πόλεων κατὰ πρόσταγμα, τοὺς δʼ ἐξ Ἰταλίας καὶ τῆς Ἑλλάδος, ἔτι δὲ τῆς Καρχηδονίων ἐπικρατείας, μεγάλοις μισθοῖς προτρεπόμενος.
그리하여 즉시 자신의 지배하에 있는 도시들로부터는 명령을 통해, 그리고 이탈리아와 그리스, 나아가 카르타고인의 영토로부터는 막대한 보수로 유인하여 장인들을 모았다.
διενοεῖτο γὰρ ὅπλα μὲν παμπληθῆ καὶ βέλη παντοῖα κατασκευάσαι, πρὸς δὲ τούτοις ναῦς τετρήρεις καὶ πεντήρεις, οὐδέπω κατʼ ἐκείνους τοὺς χρόνους σκάφους πεντηρικοῦ νεναυπηγημένου.
그는 엄청난 양의 무기와 온갖 종류의 투사 무기를 제조하고, 이에 더해 사단노선과 오단노선을 건조할 계획이었는데, 당시까지 오단 구조의 배는 한 척도 건조된 적이 없었다.
§14.41.4συναχθέντων δὲ πολλῶν τεχνιτῶν, διελὼν αὐτοὺς κατὰ τὰς οἰκείας ἐργασίας κατέστησε τῶν πολιτῶν τοὺς ἐπισημοτάτους, προθεὶς δωρεὰς μεγάλας τοῖς κατασκευάσασιν ὅπλα.
많은 장인들이 모이자, 그는 이들을 각각의 전문 작업에 따라 나눈 뒤 시민들 중 가장 명망 있는 이들을 감독으로 임명하고 무기를 제조하는 이들에게 막대한 포상을 약속했다.
διέδωκε δὲ καὶ τῶν ὅπλων τὸν γένους ἑκάστου τύπον διὰ τὸ τοὺς μισθοφόρους ἐκ πολλῶν ἐθνῶν συνεστηκέναι·
또한 용병들이 여러 민족으로 구성되어 있었기 때문에, 각 종류별 무기의 모형을 나누어 주었다.
§14.41.5ἔσπευδε γὰρ ἕκαστον τῶν στρατευομένων κοσμῆσαι τοῖς οἰκείοις ὅπλοις, καὶ διελάμβανε τὸ στρατόπεδον πολλὴν ἕξειν κατάπληξιν διὰ ταύτην τὴν αἰτίαν καὶ κατὰ τὰς μάχας κάλλιστα χρήσεσθαι τῷ συνήθει καθοπλισμῷ πάντας τοὺς συναγωνιζομένους.
그는 군인들 개개인에게 그들의 고유한 무기를 장착시키는 것을 서둘렀으며, 군대가 이로 인해 큰 위압감을 줄 것이고, 전투에서는 함께 싸우는 모든 이들이 손에 익은 무장을 가장 훌륭하게 사용할 것이라고 생각했기 때문이다.
§14.41.6συμπροθυμουμένων δὲ καὶ τῶν Συρακοσίων τῇ τοῦ Διονυσίου προαιρέσει, πολλὴν συνέβαινε γίνεσθαι τὴν φιλοτιμίαν περὶ τὴν τῶν ὅπλων κατασκευήν.
시라쿠사 사람들도 디오뉘시오스의 의도에 똑같이 열의를 보였기에, 무기 제조를 둘러싸고 대단한 경쟁심이 일어나게 되었다.
οὐ μόνον γὰρ ἐν τοῖς προνάοις καὶ τοῖς ὀπισθοδόμοις τῶν ἱερῶν, ἔτι δὲ τοῖς γυμνασίοις καὶ ταῖς κατὰ τὴν ἀγορὰν στοαῖς, ἔγεμε πᾶς τόπος τῶν ἐργαζομένων, ἀλλὰ καὶ χωρὶς τῶν δημοσίων τόπων ἐν ταῖς ἐπιφανεστάταις οἰκίαις ὅπλα παμπληθῆ κατεσκευάζετο.
신전의 전실과 후실, 나아가 체육장과 광장의 주랑들까지 모든 장소가 일하는 사람들로 가득 찼을 뿐만 아니라, 공공장소 외에도 가장 명망 있는 저택들에서도 수많은 무기가 제조되었다.