§14.29.1ἐμμείναντες δὲ ταῖς κώμαις ἡμέρας ὀκτὼ παρεγενήθησαν πρὸς τὸν Φᾶσιν ποταμόν.
마을들에서 여드레 동안 머문 후에 그들은 파시스 강에 도착했다.
ἐκεῖ δὲ τέτταρας ἡμέρας διανύσαντες διεπορεύοντο τὴν Χάων καὶ Φασιανῶν χώραν.
그곳에서 나흘을 보낸 후, 그들은 카오이인과 파시아노이인의 영토를 통과해 나아갔다.
ἐπιθεμένων δʼ αὐτοῖς τῶν ἐγχωρίων, τούτους μὲν ἐν τῇ μάχῃ νικήσαντες πολλοὺς ἀνεῖλον, αὐτοὶ δὲ καταλαμβάνοντες τὰς τῶν ἐγχωρίων κτήσεις γεμούσας ἀγαθῶν ἐνδιέτριψαν ἐν αὐταῖς ἡμέρας πεντεκαίδεκα.
현지인들이 그들을 습격했으나, 전투에서 이들을 무찔러 많은 자를 죽였고, 자신들은 많은 물자가 가득한 현지인들의 터전을 점령하여 그곳에서 보름 동안 머물렀다.
§14.29.2ἀναζεύξαντες δʼ ἐκεῖθεν διῆλθον τὴν Χαλδαίων καλουμένων χώραν ἐν ἡμέραις ἑπτά, καὶ παρεγενήθησαν πρὸς τὸν Ἅρπαγον ὀνομαζόμενον ποταμόν, ὄντα τὸ πλάτος πλέθρων τεττάρων.
그곳에서 다시 군대를 이동하여 이른바 칼다이아인이라 불리는 자들의 땅을 이레 만에 통과했고, 너비가 네 플레트론에 달하는 하르파고스라 불리는 강에 이르렀다.
ἐντεῦθεν δὲ διὰ τῆς Σκυτίνων πορευόμενοι διῆλθον ὁδὸν πεδινήν, ἐν ᾗ τρεῖς ἡμέρας αὑτοὺς ἀνέλαβον, εὐποροῦντες ἁπάντων τῶν ἀναγκαίων.
그곳에서 스큐티노이인의 영토를 가로질러 행군하며 평탄한 길을 통과했는데, 그 도중에 모든 필수품을 풍부히 누리며 사흘 동안 휴식을 취했다.
μετὰ δὲ ταῦτʼ ἀναζεύξαντες τεταρταῖοι παρεγενήθησαν πρὸς πόλιν μεγάλην Γυμνασίαν ὀνομαζομένην.
그 후 다시 군대를 이동하여 나흘째 되는 날에 귐나시아라 불리는 대도시에 도착했다.
§14.29.3ἐκ δὲ ταύτης ὁ τῶν τόπων τούτων ἀφηγούμενος ἐσπείσατο πρὸς αὐτοὺς καὶ τοὺς ὁδηγήσοντας ἐπὶ θάλατταν συνέστησεν.
이 도시에서 이 지역들을 다스리는 자가 그들과 조약을 맺고 바다까지 인도해 줄 자들을 동반하게 했다.
ἐν ἡμέραις δὲ πεντεκαίδεκα παραγενόμενοι ἐπὶ τὸ Χήνιον ὄρος, ὡς εἶδον πορευόμενοι οἱ πρῶτοι τὴν θάλατταν, περιχαρεῖς ἦσαν καὶ τοιαύτην ἐποίουν κραυγήν, ὥστε τοὺς ἐπὶ τῆς οὐραγίας ὄντας ὑπολαμβάνοντας πολεμίων ἔφοδον εἶναι χωρεῖν εἰς ὅπλα.
보름 만에 케니온 산에 도착했을 때, 선두를 가던 자들이 행군 중에 바다를 보고 기쁨에 넘쳐 큰 소리를 질렀으므로, 후미에 있던 자들은 적의 습격인 줄로 생각하고 무기를 잡으려 달려갔다.
§14.29.4ὡς δʼ ἅπαντες ἀνέβησαν ἐπὶ τὸν τόπον, ἐξ οὗ τὴν θάλατταν ἦν ὁρᾶν, τοῖς θεοῖς ἀνατείναντες τὰς χεῖρας ηὐχαρίστουν ὡς ἤδη διασεσωσμένοι·
모두가 바다를 바라볼 수 있는 장소에 올라서자, 신들에게 손을 치켜들고 이미 살아남은 자들로서 감사를 표했다.
συνενέγκαντες δʼ εἰς ἕνα τόπον λίθους παμπληθεῖς, καὶ ποιήσαντες ἐξ αὐτῶν ἀναστήματα μεγάλα, σκῦλα τῶν βαρβάρων ἀνέθεσαν, βουλόμενοι τῆς στρατείας ἀθάνατον ὑπόμνημα καταλιπεῖν.
그리고 한곳에 수많은 돌을 모아 그것들로 커다란 돌무더기를 쌓은 뒤, 원정의 불멸의 기념비를 남기고자 이민족들에게서 빼앗은 전리품을 바쳤다.
καὶ τῷ μὲν ὁδηγήσαντι φιάλην ἀργυρᾶν καὶ στολὴν Περσικὴν ἐδωρήσαντο· ὃς δείξας αὐτοῖς τὴν ἐπὶ Μάκρωνας ὁδὸν ἀπηλλάγη.
또한 길을 인도해 준 자에게는 은잔과 페르시아식 의복을 선물했고, 그는 마크로네스인들의 땅으로 가는 길을 가리켜 보인 후 떠나갔다.
§14.29.5οἱ δʼ Ἕλληνες εἰσβαλόντες εἰς τὴν τῶν Μακρώνων χώραν ἐσπείσαντο, καὶ πρὸς πίστιν παρὰ μὲν ἐκείνων λόγχην ἔλαβον βαρβαρικήν, αὐτοὶ δʼ Ἑλληνικὴν ἔδωκαν·
그리스인들은 마크로네스인들의 영토에 진입하여 조약을 맺었고, 신의의 징표로 그들로부터 이민족의 창을 받았으며 자신들은 그리스의 창을 건넸다.
ταῦτα γὰρ ἔφασαν αὑτοῖς οἱ βάρβαροι διὰ προγόνων παραδεδόσθαι πρὸς πίστιν βεβαιότατα.
이민족들은 이것이 가장 확고한 신의의 징표로서 조상 대대로 전해 내려온 것이라고 말했기 때문이다.
ὡς δὲ τοὺς τούτων ὅρους διῆλθον, παρεγενήθησαν εἰς τὴν τῶν Κόλχων χώραν.
그들의 국경을 통과한 후, 그들은 콜키스인들의 영토에 도착했다.
§14.29.6εἰς ἣν ἀθροισθέντων τῶν ἐγχωρίων ἐπʼ αὐτούς, τούτους μὲν κρατήσαντες μάχῃ πολλοὺς ἀνεῖλαν, αὐτοὶ δὲ λόφον ὀχυρὸν καταλαβόμενοι τὴν χώραν ἐπόρθουν, καὶ τὰς ὠφελείας εἰς τοῦτον ἀθροίσαντες ἀφθόνως ἑαυτοὺς ἀνελάμβανον.
그곳으로 현지인들이 그들을 대적하여 집결했으나, 이들을 전투에서 제압해 많은 자를 죽였고, 자신들은 견고한 언덕을 점령하여 그 땅을 약탈했으며, 약탈품을 이 언덕에 모아두고 풍족하게 휴식을 취했다.