§14.109.1τῶν δʼ Ὀλυμπίων ἐγγὺς ὄντων ἀπέστειλεν εἰς τὸν ἀγῶνα τέθριππα πλείω, διαφέροντα πολὺ τῶν ἄλλων τοῖς τάχεσι, καὶ σκηνὰς εἰς τὴν πανήγυριν διαχρύσους καὶ πολυτελέσι ποικίλοις ἱματίοις κεκοσμημένας.
올림피아 제전이 가까워지자, 그는 경기에 속도 면에서 다른 것들보다 훨씬 뛰어난 여러 대의 사두마차를 보냈고, 축제를 위해 금박을 입히고 값비싼 다채로운 의복으로 장식한 천막들을 보냈다.
ἔπεμψε δὲ καὶ ῥαψῳδοὺς τοὺς κρατίστους, ὅπως ἐν τῇ πανηγύρει τὰ ποιήματα αὐτοῦ προφερόμενοι ποιήσωσιν ἔνδοξον τὸν Διονύσιον·
그는 또한 가장 뛰어난 읊는 시인들을 보냈는데, 이는 그들이 축제에서 그의 시를 낭송하여 디오니시오스를 명성 있게 만들기 위함이었다.
σφόδρα γὰρ εἰς τὴν ποιητικὴν ὑπῆρχε μεμηνώς.
왜냐하면 그는 시학에 몹시 미쳐 있었기 때문이었다.
§14.109.2τούτων δʼ ἐπιμελητὴν συνεξέπεμψε Θεαρίδην τὸν ἀδελφόν·
이 일들의 감독관으로 그는 동생 테아리데스를 함께 보냈다.
ὃς ἐπεὶ παρεγένετο εἰς τὴν πανήγυριν, ἐπὶ μὲν τῷ κάλλει τῶν σκηνῶν καὶ τῷ πλήθει τῶν τεθρίππων ἦν περίβλεπτος·
그는 축제에 도착하자 천막들의 아름다움과 사두마차의 수효로 인해 주목을 받았다.
ὡς δʼ ἐπεβάλονθʼ οἱ ῥαψῳδοὶ προφέρεσθαι τοῦ Διονυσίου τὰ ποιήματα, κατʼ ἀρχὰς μὲν διὰ τὴν εὐφωνίαν τῶν ὑποκριτῶν συνέδραμε τὰ πλήθη καὶ πάντες ἐθαύμαζον· μετὰ δὲ ταῦτα ἀναθεωροῦντες τὴν κακίαν τῶν ποιημάτων, διεγέλων τὸν Διονύσιον καὶ κατεγίνωσκον ἐπὶ τοσοῦτον, ὥστε τινὰς τολμῆσαι διαρπάζειν τὰς σκηνάς.
그러나 읊는 시인들이 디오니시오스의 시를 낭송하기 시작하자, 처음에는 연기자들의 고운 목소리 덕분에 군중이 몰려들어 모두가 감탄했으나, 그 후 시의 조잡함을 다시 생각하게 되자, 그들은 디오니시오를 비웃고 그를 매우 비난하여 급기야 몇몇 이들은 천막들을 약탈하려고 덤벼들기까지 했다.
§14.109.3καὶ γὰρ Λυσίας ὁ ῥήτωρ τότε διατρίβων ἐν Ὀλυμπίᾳ προετρέπετο τὰ πλήθη μὴ προσδέχεσθαι τοῖς ἱεροῖς ἀγῶσι τοὺς ἐξ ἀσεβεστάτης τυραννίδος ἀπεσταλμένους θεωρούς·
당시 올림피아에 머물고 있던 연설가 리시아스가 가장 불경한 참주정으로부터 파견된 사절들을 신성한 경기에 받아들이지 말라고 군중을 권하고 있었기 때문이었다.
ὅτε καὶ τὸν Ὀλυμπιακὸν λόγον ἐπιγραφόμενον ἀνέγνω.
그때 그는 또한 '올림피아 연설'이라 제목 붙은 연설을 낭독했다.
§14.109.4τοῦ δʼ ἀγῶνος συντελουμένου συνέβη κατὰ τύχην τῶν Διονυσίου τεθρίππων τὰ μὲν ἐκπεσεῖν ἐκ τοῦ δρόμου, τὰ δʼ ἀλλήλοις ἐμπεσόντα συντριβῆναι, παραπλησίως δὲ καὶ τὴν παρακομίζουσαν ναῦν τοὺς θεωροὺς ἀπὸ τῶν ἀγώνων ἀναχθεῖσαν εἰς τὴν Σικελίαν ἐκπεσεῖν τῆς Ἰταλίας εἰς Τάραντα διά τινας χειμῶνας.
경기가 치러지고 있을 때, 공교롭게도 디오니시오스의 사두마차 중 일부는 코스에서 벗어났고, 다른 것들은 서로 충돌하여 파손되는 일이 일어났다. 마찬가지로 사절들을 경기장으로부터 시켈리아로 실어 나르던 배도 출항한 후 폭풍우로 인해 이탈리아를 벗어나 타렌툼으로 밀려났다.
§14.109.5διὸ καί φασι σωθέντας τοὺς ναύτας εἰς Συρακούσας διαγγέλλειν κατὰ τὴν πόλιν, ὅτι διὰ τὴν κακίαν τῶν ποιημάτων οὐ μόνον οἱ ῥαψῳδοῦντες, ἀλλὰ σὺν τούτοις τά τε τέθριππα καὶ ἡ ναῦς ἐξέπεσον.
이 때문에 살아남은 선원들이 시라쿠사에 이르러 온 성에 전하기를, 시의 조잡함 때문에 시를 읊는 자들뿐만 아니라 이들과 함께 사두마차와 배도 ‘몰락했다’고 했다 한다.
§14.109.6ὁ δὲ Διονύσιος πυθόμενος τὸν τῶν ποιημάτων διασυρμόν, καὶ τῶν κολάκων λεγόντων ὅτι πᾶσι τοῖς καλῶς πραττομένοις φθονοῦντες ἐξ ὑστέρου θαυμάζουσιν, οὐκ ἀφίστατο τῆς περὶ τὴν ποίησιν σπουδῆς.
그러나 디오니시오스는 자신의 시가 조롱당했다는 소식을 듣고도, 아첨꾼들이 “사람들은 잘 되는 모든 일을 시기하다가 나중에는 감탄하는 법입니다”라고 말하자 시에 대한 열의를 버리지 않았다.
§14.109.7Ῥωμαῖοι δὲ πρὸς Οὐολσινίτας περὶ Γουράσιον παραταξάμενοι πολλοὺς τῶν πολεμίων ἀνεῖλον.
한편 로마인들은 구라시움 근처에서 볼시니인들과 맞서 싸워 적들의 많은 수를 무찔렀다.