§14.10.1κατὰ δὲ τὴν Ἑλλάδα Λακεδαιμόνιοι καταλελυκότες τὸν Πελοποννησιακὸν πόλεμον ὁμολογουμένην ἔσχον τὴν ἡγεμονίαν καὶ τὴν κατὰ γῆν καὶ τὴν κατὰ θάλατταν.
한편 그리스에서는, 라케다이몬인들이 펠로폰네소스 전쟁을 종식시키고 육상과 해상 모두에서 자타가 공인하는 패권을 장악했다.
καταστήσαντες δὲ ναύαρχον Λύσανδρον, τούτῳ προσέταξαν ἐπιπορεύεσθαι τὰς πόλεις, ἐν ἑκάστῃ τοὺς παρʼ αὐτοῖς καλουμένους ἁρμοστὰς ἐγκαθιστάντα·
그들은 리산드로스를 해군 제독으로 임명한 뒤 그에게 여러 도시들을 순회하며 각 도시에 자신들 사이에서 하르모스테스라 불리는 행정관들을 설치하도록 명령했다.
ταῖς γὰρ δημοκρατίαις προσκόπτοντες οἱ Λακεδαιμόνιοι διʼ ὀλιγαρχίας ἐβούλοντο τὰς πόλεις διοικεῖσθαι.
라케다이몬인들은 민주정을 혐오하여 과두정을 통해 도시들이 통치되기를 원했기 때문이다.
§14.10.2ἔταξαν δὲ καὶ φόρους τοῖς καταπολεμηθεῖσι, καὶ τὸν πρὸ τοῦ χρόνον οὐ χρώμενοι νομίσματι, τότε συνήθροιζον ἐκ τοῦ φόρου κατʼ ἐνιαυτὸν πλείω τῶν χιλίων ταλάντων.
그들은 또한 전쟁에서 패배한 자들에게 공납금을 부과했는데, 이전 시대에는 화폐를 사용하지 않았으나 그때에는 공납금으로부터 매년 1000달란트가 넘는 돈을 거두어들였다.
ἐπεὶ δὲ τὰ κατὰ τὴν Ἑλλάδα πράγματα κατὰ τὴν ἰδίαν ἀξίαν διῴκησαν, ἀπέστειλαν Ἄριστον ἄνδρα τῶν ἐπιφανῶν εἰς Συρακούσας, τῷ μὲν λόγῳ προσποιούμενοι καταλύειν τὴν δυναστείαν, τῇ δʼ ἀληθείᾳ σπεύδοντες αὐξῆσαι τὴν τυραννίδα·
그들은 그리스의 정세를 자신들의 지위에 걸맞게 처리한 뒤, 저명한 인물 중 하나인 아리스토스를 시라쿠사로 파견했으니, 말로는 참주의 지배를 타도하는 척하면서 실제로는 참주정을 강화하는 데 열성적이었다.
ἤλπιζον γὰρ συγκατασκευάζοντες τὴν ἀρχὴν ὑπήκοον ἕξειν τὸν Διονύσιον διὰ τὰς εὐεργεσίας.
그들은 지배 체제 확립을 공동으로 도움으로써 디오뉘시오스가 그 은혜로 인해 자신들에게 순종하게 만들기를 바랐기 때문이다.
§14.10.3ὁ δʼ Ἄριστος καταπλεύσας εἰς Συρακούσας καὶ τῷ τυράννῳ λάθρᾳ περὶ τούτων διαλεχθείς, τούς τε Συρακοσίους ἀνασείων καὶ τὴν ἐλευθερίαν ἀποκαταστήσειν ἐπαγγειλάμενος, Νικοτέλην μὲν τὸν Κορίνθιον ἀνεῖλεν ἀφηγούμενον τῶν Συρακοσίων, τοὺς δὲ πιστεύσαντας προδοὺς τὸν μὲν τύραννον ἰσχυρὸν κατέστησε, διὰ δὲ τῆς πράξεως ταύτης ἀσχημονεῖν ἐποίησεν αὑτὸν ἅμα καὶ τὴν πατρίδα.
시라쿠사에 도착한 아리스토스는 참주와 은밀히 이 문제들을 논의하면서, 한편으로는 시라쿠사인들을 충동질하고 자유를 회복시켜 주겠다고 약속했으나, 결국 시라쿠사인들을 이끌던 코린토스인 니코텔레스를 살해하고 자신을 믿었던 이들을 배신하여 참주를 강력하게 만들어 주었으며, 이 행위를 통해 자신과 조국 모두를 명예롭지 못하게 만들었다.
§14.10.4Διονύσιος δὲ τοὺς Συρακοσίους ἐπὶ τὸν θερισμὸν ἀποστείλας ἐπῆλθε τὰς οἰκίας, καὶ τὰ μὲν ὅπλα πάντων ἀφείλετο, μετὰ δὲ ταῦθʼ ἕτερον τεῖχος ᾠκοδόμει περὶ τὴν ἀκρόπολιν, καὶ ναῦς τε κατεσκευάζετο, συνῆγε δὲ καὶ μισθοφόρων πλῆθος, καὶ τὰ λοιπὰ παρεσκευάζετο πρὸς τὴν ἀσφάλειαν τῆς τυραννίδος, ὡς ἂν ἔργοις ἤδη πεῖραν εἰληφὼς ὅτι πᾶν ὑπομένουσιν οἱ Συρακόσιοι χάριν τοῦ μὴ δουλεύειν.
디오뉘시오스는 시라쿠사인들을 수확을 위해 들판으로 내보낸 뒤 집들을 뒤져 모든 이들의 무기를 압수했다. 그 후 그는 아크로폴리스 주변에 두 번째 성벽을 쌓고, 배들을 건조했으며, 수많은 용병들을 모았고, 참주정의 안전을 위한 나머지 준비들을 갖추었으니, 이는 시라쿠사인들이 노예가 되지 않기 위해서라면 어떤 일이라도 감내하리라는 것을 이미 실제 경험을 통해 알고 있었기 때문이다.