§13.70.1Λακεδαιμόνιοι δὲ τήν τε ναυτικὴν δύναμιν ἄρδην ἀπολωλεκότες καὶ μετʼ αὐτῆς Μίνδαρον τὸν ἡγεμόνα, ταῖς ψυχαῖς ὅμως οὐκ ἐνέδωκαν, ἀλλὰ ναύαρχον εἵλαντο Λύσανδρον, δοκοῦντα στρατηγίᾳ διαφέρειν τῶν ἄλλων καὶ τόλμαν ἔμπρακτον ἔχοντα πρὸς πᾶσαν περίστασιν·
라케다이몬인들은 해군력을 완전히 잃고 그와 함께 지휘관 민다로스까지 잃었음에도 불구하고 낙담하지 않았으며, 장수로서의 능력에서 타인들보다 뛰어나고 어떤 상황에서도 실천적인 대담함을 지닌 것으로 여겨지던 리산드로스를 해군 제독으로 선출했다.
ὃς παραλαβὼν τὴν ἀρχὴν ἐκ τῆς Πελοποννήσου στρατιώτας τε κατέγραφε τοὺς ἱκανοὺς καὶ ναῦς ἐπλήρωσεν ὅσας ἐδύνατο πλείστας. §13.70.2ἐκπλεύσας δὲ εἰς Ῥόδον, καὶ προσλαβόμενος ἐκεῖθεν ναῦς ὅσας εἶχον αἱ πόλεις, ἔπλευσεν εἰς Ἔφεσον καὶ Μίλητον.
그는 지휘권을 인계받은 뒤 펠로폰네소스에서 충분한 수의 군사를 모집하고 가능한 한 많은 배에 선원을 채웠다. 그는 로도스섬으로 출항하여 그곳의 도시들이 보유하고 있던 배들을 모두 합류시킨 뒤 에페소스와 밀레토스로 항해했다.
καταρτίσας δὲ καὶ τὰς ἐν ταύταις ταῖς πόλεσι τριήρεις, μετεπέμψατο τὰς ἐκ Χίου, καὶ στόλον ἐξήρτυεν ἐξ Ἐφέσου νεῶν ὑπάρχοντα σχεδὸν ἑβδομήκοντα. §13.70.3ἀκούσας δὲ Κῦρον τὸν Δαρείου τοῦ βασιλέως υἱὸν ὑπὸ τοῦ πατρὸς ἀπεσταλμένον συμπολεμεῖν τοῖς Λακεδαιμονίοις, ἧκεν εἰς Σάρδεις πρὸς αὐτόν, καὶ παροξύνας τὸν νεανίσκον εἰς τὸν κατὰ τῶν Ἀθηναίων πόλεμον μυρίους μὲν δαρεικοὺς παραχρῆμα ἔλαβεν εἰς τὸν τῶν στρατιωτῶν μισθόν, καὶ εἰς τὸ λοιπὸν δὲ ὁ Κῦρος ἐκέλευσεν αἰτεῖν μηδὲν ὑποστελλόμενον·
이 도시들에 있던 삼단노선들도 정비한 후 키오스섬의 배들을 불러왔으며, 에페소스에서 거의 70척에 달하는 함대를 정비했다. 왕 다레이오스의 아들 키루스가 라케다이몬인들과 함께 싸우기 위해 그의 아버지에 의해 파견되었다는 소식을 듣고, 그는 사르디스에 있는 그를 찾아갔다. 그리고 이 젊은이를 아테네인들과의 전쟁으로 격려하여 병사들의 급료로 즉시 만 다레이코스 금화를 받았고, 향후에 대해서도 키루스는 아무런 거리낌 없이 요구하라고 일렀다.
ἐντολὰς γὰρ ἔχειν παρὰ τοῦ πατρός, ὅπως ὅσα ἂν προαιρῶνται Λακεδαιμόνιοι χορηγήσαι αὐτοῖς. §13.70.4ἀνακάμψας δὲ εἰς Ἔφεσον ἀπὸ τῶν πόλεων μετεπέμπετο τοὺς δυνατωτάτους, πρὸς οὓς ἑταιρίας συντιθέμενος ἐπηγγέλλετο τῶν πραγμάτων κατορθωθέντων κυρίους ἑκάστους τῶν πόλεων ποιήσειν.
라케다이몬인들이 원하는 것은 무엇이든 그들에게 공급해 주라는 명령을 아버지로부터 받았기 때문이라는 것이었다. 에페소스로 돌아온 그는 여러 도시에서 가장 유력한 자들을 불러 모았고, 그들과 동지회를 결성하면서 사태가 성공적으로 해결되면 각자가 자기 도시의 지배자가 되게 해 주겠다고 약속했다.
διʼ ἣν αἰτίαν συνέβη τούτους πρὸς ἀλλήλους ἁμιλλωμένους ὑπηρετεῖν πλείονα τῶν ἐπιταττομένων, καὶ ταχὺ παραδόξως εὐπορεῖν τὸν Λύσανδρον πάντων τῶν εἰς πόλεμον χρησίμων.
이 때문에 그들이 서로 경쟁하며 명령받은 것 이상의 봉사를 제공하게 되었고, 리산드로스는 전쟁에 유용한 모든 물자를 신속하고도 예상외로 풍부하게 확보하게 되었다.