§13.61.1τῆς δὲ μάχης ταύτης ἤδη τέλος ἐχούσης κατέπλευσαν πρὸς τὴν Ἱμέραν πέντε πρὸς ταῖς εἴκοσι τριήρεις παρὰ τῶν Σικελιωτῶν, ἃς πρότερον μὲν ἀπεστάλκεισαν τοῖς Λακεδαιμονίοις ἐπὶ συμμαχίαν, τότε δʼ ἀνέστρεψαν ἀπὸ τῆς στρατείας.
이 전투가 이미 끝났을 때, 시켈리아인들로부터 스물다섯 척의 삼중도선이 히메라에 입항했는데, 이 배들은 이전에 동맹을 위해 라케다이몬인들에게 파견되었던 것이었으나 그때 원정에서 철수하여 돌아온 것이었다.
§13.61.2διεδόθη δὲ καὶ φήμη τις κατὰ τὴν πόλιν, ὅτι Συρακόσιοι μὲν πανδημεὶ μετὰ τῶν συμμάχων πορεύονται τοῖς Ἱμεραίοις βοηθεῖν, Ἀννίβας δὲ μέλλοι τὰς ἐν Μοτύῃ τριήρεις πληροῦν τῶν κρατίστων ἀνδρῶν καὶ περιπλεύσας ἐπὶ Συρακούσας ἔρημον τὴν πόλιν τῶν ἀμυνομένων καταλαβέσθαι.
또한 도시에는 시라쿠사인들이 동맹군과 함께 총출동하여 히메라인들을 구원하러 오는 중인 반면, 한니발은 모튀에에 있는 삼중도선들에 가장 정예인 병사들을 가득 태우고 시라쿠사로 우회 항해하여 방어하는 이가 없는 그 도시를 점령하려 한다는 소문이 퍼졌다.
§13.61.3διόπερ Διοκλῆς ὁ τῶν ἐν Ἱμέρᾳ στρατηγὸς συνεβούλευσε τοῖς ναυάρχοις τὴν ταχίστην ἐκπλεῖν εἰς Συρακούσας, ἵνα μὴ συμβῇ κατὰ κράτος ἁλῶναι τὴν πόλιν, ἀπόντων ἐν τῇ μάχῃ τῶν κρατίστων ἀνδρῶν.
그리하여 히메라에 있던 군대의 장군 디오클레스는 해군 지휘관들에게 가능한 한 빨리 시라쿠사로 출항하라고 권고했는데, 정예 병사들이 싸움에 나가 비어 있는 사이에 도시가 힘으로 함락되는 일이 일어나지 않도록 하기 위함이었다.
§13.61.4διόπερ ἐφαίνετο συμφέρειν αὐτοῖς ἐκλιπεῖν τὴν πόλιν καὶ τοὺς μὲν ἡμίσεις εἰς τὰς τριήρεις ἐμβιβάσαι—ταύτας γὰρ κατακομιεῖν αὐτούς, μέχρι ἂν ἐκτὸς τῆς Ἱμεραίας γένωνται χώρας—, τοῖς δʼ ἡμίσεσι τηρεῖν, ἕως ἂν πάλιν αἱ τριήρεις ἐπιστρέψωσιν.
이 때문에 그들은 도시를 포기하고 반수의 사람들을 삼중도선에 태우는 것이 유익하다고 생각했다. 왜냐하면 이 배들이 그들을 히메라 영토 밖으로 나갈 때까지 이송해 줄 것이기 때문이었고, 나머지 반수는 삼중도선들이 다시 돌아올 때까지 수비하기로 했다.
§13.61.5τῶν δʼ Ἱμεραίων σχετλιαζόντων μὲν ἐπὶ τοῖς λεγομένοις, οὐκ ἐχόντων δὲ ὃ πράξειαν ἕτερον, αἱ μὲν τριήρεις νυκτὸς ἐπληροῦντο κατὰ σπουδὴν ἀναμὶξ γυναικῶν τε καὶ παίδων, ἔτι δὲ τῶν ἄλλων σωμάτων, ἐπὶ τούτων ἀποπλεόντων ὡς ἐπὶ Μεσσήνην·
히메라인들은 이 전해진 말에 대해 한탄했으나, 달리 취할 방책이 없었기에, 삼중도선들은 밤사이에 여자와 아이들, 그리고 다른 사람들까지 뒤섞여 서둘러 가득 채워졌고, 이들을 태우고 메세네를 향해 출항했다.
§13.61.6Διοκλῆς δὲ τοὺς ἰδίους στρατιώτας ἀναλαβὼν καὶ τοὺς πεσόντας ἐν τῇ μάχῃ καταλιπών, ὥρμησεν ἐπʼ οἴκου τὴν πορείαν ποιούμενος.
디오클레스는 자신의 병사들을 거느리고 전투에서 전사한 자들을 남겨둔 채 고향을 향해 길을 나섰다.
πολλοὶ δὲ τῶν Ἱμεραίων μετὰ τέκνων καὶ γυναικῶν ἐξώρμησαν σὺν τοῖς περὶ τὸν Διοκλῆν, μὴ δυναμένων χωρῆσαι τῶν τριήρων τὸν ὄχλον.
삼중도선들이 그 군중을 다 수용할 수 없었기에, 많은 히메라인들이 자식과 아내를 데리고 디오클레스 일행과 함께 출발했다.