§13.47.1τῆς δὲ ναυμαχίας τοιοῦτον τὸ τέλος λαβούσης Ἀθηναῖοι τότε μὲν εἰς Σηστὸν ἀπέπλευσαν ἤδη νυκτὸς οὔσης, ἅμα δʼ ἡμέρᾳ τά τε ναυάγια συνήγαγον καὶ πρὸς τῷ προτέρῳ τροπαίῳ πάλιν ἕτερον ἔστησαν.
해전이 이러한 결말로 끝나자, 아테네인들은 당시 이미 밤이었기 때문에 세스토스로 회항했으나, 날이 밝자마자 난파선들의 잔해를 수습하고 이전의 전승 기념비 옆에 다시 또 하나의 기념비를 세웠다.
§13.47.2Μίνδαρος δὲ νυκτὸς περὶ πρώτην φυλακὴν εἰς Ἄβυδον ἀναχθεὶς τάς τε πεπονηκυίας ναῦς ἐπεσκεύαζε καὶ πρὸς Λακεδαιμονίους διεπέμψατο περὶ βοηθείας πεζῆς τε καὶ ναυτικῆς·
민다로스는 밤의 제1경 무렵에 아비도스로 출항하여 손상된 배들을 수리했고, 라케다이몬인들에게 사절을 보내 보병과 해군의 지원을 요청했다.
διενοεῖτο γὰρ ἐν ὅσῳ τὰ κατὰ τὸν στόλον ἕτοιμα ἐγίνετο, πεζῇ μετὰ Φαρναβάζου τὰς συμμαχούσας κατὰ τὴν Ἀσίαν πόλεις Ἀθηναίοις πολιορκήσειν.
왜냐하면 그는 함대의 장비가 마련되는 동안, 파르나바조스와 함께 육로로 아시아에서 아테네와 동맹을 맺고 있는 도시들을 포위 공격할 작정이었기 때문이다.
§13.47.3Χαλκιδεῖς δὲ καὶ σχεδὸν οἱ λοιποὶ πάντες οἱ τὴν Εὔβοιαν κατοικοῦντες ἀφεστηκότες ἦσαν Ἀθηναίων, καὶ διὰ τοῦτο περιδεεῖς ἐγίνοντο, μήποτε νῆσον οἰκοῦντες ἐκπολιορκηθῶσιν ὑπʼ Ἀθηναίων θαλασσοκρατούντων·
칼키스인들과 에우보이아에 사는 다른 거의 모든 주민은 아테네인들로부터 이탈해 있었고, 이 때문에 섬에 살고 있는 자신들이 바다를 지배하는 아테네인들에게 언젠가 포위 함락당하지 않을까 전전긍긍하게 되었다.
ἠξίουν οὖν Βοιωτοὺς κοινῇ χῶσαι τὸν Εὔριπον, ὥστε συνάψαι τὴν Εὔβοιαν τῇ Βοιωτίᾳ.
그리하여 그들은 에우보이아를 보이오티아와 연결하기 위해, 보이오티아인들에게 공동으로 에우리포스 해협을 흙으로 메우자고 요청했다.
§13.47.4συγκαταθεμένων δὲ τῶν Βοιωτῶν διὰ τὸ κἀκείνοις συμφέρειν τὴν Εὔβοιαν εἶναι τοῖς μὲν ἄλλοις νῆσον, ἑαυτοῖς δʼ ἤπειρον·
보이오티아인들도 이에 동의했는데, 에우보이아가 다른 이들에게는 섬이지만 자신들에게는 대륙이 되는 것이 그들에게도 이익이 되었기 때문이다.
διόπερ αἱ πόλεις ἅπασαι πρὸς τὴν διάχωσιν ἐπερρώσθησαν καὶ πρὸς ἀλλήλας ἡμιλλῶντο·
그리하여 모든 도시가 흙으로 메우는 작업에 고무되어 서로 경쟁했다.
οὐ γὰρ μόνον τοῖς πολίταις ἐξιέναι πανδημεὶ προσέταξαν, ἀλλὰ καὶ τοῖς παροικοῦσι ξένοις, ὥστε διὰ τὸ πλῆθος τῶν τοῖς ἔργοις προσιόντων τὴν πρόθεσιν ταχέως λαβεῖν συντέλειαν.
왜냐하면 그들은 시민들에게 총동원령을 내렸을 뿐만 아니라 근처에 사는 체류 외국인들에게도 참가를 명령하여, 공사에 참여한 군중의 수 덕분에 그 계획이 신속하게 완성되었기 때문이다.
§13.47.5τῆς μὲν οὖν Εὐβοίας κατεσκευάσθη τὸ χῶμα κατὰ τὴν Χαλκίδα, τῆς δὲ Βοιωτίας πλησίον Αὐλίδος· ἐνταῦθα γὰρ ὁ μεταξὺ τόπος ἦν στενώτατος.
그리하여 방축은 에우보이아 쪽에서는 칼키스에, 보이오티아 쪽에서는 아울리스 근처에 건설되었는데, 그곳의 중간 지점이 가장 좁았기 때문이다.
συνέβαινε μὲν οὖν καὶ πρότερον ἀεὶ κατʼ ἐκεῖνον τὸν τόπον εἶναι ῥοῦν καὶ πυκνὰς ποιεῖσθαι τροπὰς τὴν θάλατταν, τότε δὲ πολὺ μᾶλλον ἦν ἐπιτείνοντα τὰ κατὰ τὸν ῥοῦν, ὡς ἂν εἰς στενὸν ἄγαν συγκεκλεισμένης τῆς θαλάττης·
예전부터 그 장소에는 항상 급류가 흐르고 바다가 빈번하게 역류를 일으키곤 했으나, 그때는 바다가 지나치게 좁은 공간에 갇히게 됨으로써 급류의 흐름이 훨씬 더 격렬해졌다.
ὁ γὰρ διέκπλους ἀπελείφθη μιᾷ νηί.
배가 지나갈 수 있는 통로는 단 한 척 분량만 남겨졌기 때문이다.
ᾠκοδόμησαν δὲ καὶ πύργους ὑψηλοὺς ἐπʼ ἀμφοτέρων τῶν ἄκρων, καὶ ξυλίνας τοῖς διάρροις ἐπέστησαν γεφύρας.
그들은 또한 양쪽 끝에 높은 탑을 쌓았고, 물길 위에 나무 다리를 놓았다.
§13.47.6Θηραμένης δʼ ὑπʼ Ἀθηναίων ἀποσταλεὶς μετὰ νεῶν τριάκοντα τὸ μὲν πρῶτον ἐπεχείρησε κωλύειν τοὺς ἐπὶ τῶν ἔργων, πολλοῦ δὲ πλήθους στρατιωτῶν συμπαρόντος τοῖς κατασκευάζουσι τὰ χώματα ταύτης μὲν τῆς ἐπιβολῆς ἀπέστη, τὸν δὲ πλοῦν ἐπὶ τῶν νήσων ἐποιήσατο.
한편 테라메네스는 아테네인들에게 서른 척의 배를 받아 파견되어 처음에는 공사에 나선 자들을 저지하려 했으나, 제방을 쌓는 자들과 함께 군인들이 대거 포진해 있었기 때문에 이 기도를 단념하고 섬들을 향해 항해를 시작했다.
§13.47.7βουλόμενος δὲ τούς τε πολίτας καὶ συμμάχους ἀναπαῦσαι τῶν εἰσφορῶν, τήν τε τῶν πολεμίων χώραν ἐπόρθησε καὶ πολλὰς ὠφελείας ἤθροισεν.
그는 시민들과 동맹국들의 재정적 부담을 덜어주고자 적의 영토를 약탈하여 많은 이득을 취했다.
ἐπῄει δὲ καὶ τὰς συμμαχίδας πόλεις, καὶ τοὺς ἐν αὐταῖς νεωτερίζοντας εἰσεπράττετο χρήματα.
또한 동맹 도시들도 순방하면서 그 안에서 반란을 꾀하던 자들에게서 자금을 징수했다.
§13.47.8καταπλεύσας δʼ εἰς Πάρον καὶ καταλαβὼν ὀλιγαρχίαν ἐν τῇ πόλει, τῷ μὲν δήμῳ τὴν ἐλευθερίαν ἀποκατέστησε, παρὰ δὲ τῶν ἁψαμένων τῆς ὀλιγαρχίας χρημάτων πλῆθος εἰσεπράξατο.
파로스 섬에 기항하여 그 도시가 과두정 하에 있음을 목격하자, 민중에게 자유를 되찾아주었고 과두정에 가담한 자들로부터는 많은 자금을 징수했다.