§13.106.1ἐπεὶ δʼ οἱ μὲν πολέμιοι ναυμαχεῖν οὐκ ἤθελον, τὸ δὲ στρατόπεδον σιτοδεία κατεῖχε, Φιλοκλῆς ἐκείνην τὴν ἡμέραν ἀφηγούμενος τοῖς μὲν ἄλλοις τριηράρχοις προσέταξε πληρώσαντας τὰς τριήρεις ἀκολουθεῖν, αὐτὸς δʼ ἑτοίμας ἔχων ναῦς τριάκοντα τάχιον ἐξέπλευσεν.
적들이 해전을 원하지 않고, 다른 한편으로 진영이 식량 부족에 시달리자, 그날의 지휘를 맡고 있던 필로클레스는 다른 삼단노선 지휘관들에게 선원을 가득 태우고 뒤따르도록 명령한 뒤, 자신은 준비된 서른 척의 함선을 이끌고 더 먼저 출항했다.
§13.106.2ὁ δὲ Λύσανδρος παρά τινων αὐτομόλων ταῦτʼ ἀκούσας, μετὰ πασῶν τῶν νεῶν ἀναχθεὶς καὶ τὸν Φιλοκλέα τρεψάμενος πρὸς τὰς ἄλλας ναῦς κατεδίωξεν.
리산드로스는 일부 탈영병들로부터 이 사실을 전해 듣고, 모든 함선을 이끌고 출항하여 필로클레스를 격퇴하고 다른 함선들이 있는 곳으로 추격했다.
§13.106.3οὔπω δὲ τῶν τριήρων τοῖς Ἀθηναίοις πεπληρωμένων θόρυβος κατεῖχεν ἅπαντας διὰ τὴν ἀπροσδόκητον ἐπιφάνειαν τῶν πολεμίων.
아테네인들이 아직 삼단노선에 선원들을 다 태우기도 전에, 적들이 뜻밖에 출현함으로 인해 모두가 혼란에 휩싸였다.
§13.106.4ὁ δὲ Λύσανδρος συνιδὼν τὴν τῶν ἐναντίων ταραχήν, Ἐτεόνικον μὲν μετὰ τῶν εἰωθότων πεζῇ μάχεσθαι ταχέως ἀπεβίβασεν·
리산드로스는 적들의 혼란을 알아차리고, 보병 전투에 익숙한 이들과 함께 에테오니코스를 신속히 상륙시켰다.
ὁ δὲ ὀξέως τῇ τοῦ καιροῦ ῥοπῇ χρησάμενος μέρος κατελάβετο τῆς παρεμβολῆς·
에테오니코스는 기회를 재빨리 포착하여 진영의 일부를 점령했다.
αὐτὸς δʼ ὁ Λύσανδρος ἁπάσαις ταῖς τριήρεσιν ἐξηρτυμέναις ἐπιπλεύσας, καὶ σιδηρᾶς ἐπιβαλὼν χεῖρας, ἀπέσπα τὰς ὁρμούσας ἐπὶ τῇ γῇ ναῦς.
리산드로스 자신은 모든 무장을 갖춘 삼단노선 전체를 이끌고 습격하여, 철갈고리를 던져 육지에 정박해 있던 함선들을 끌어냈다.
§13.106.5Ἀθηναῖοι δὲ τὸ παράδοξον ἐκπεπληγμένοι, καὶ μήτʼ ἀναχθῆναι ταῖς ναυσὶν ἀναστροφὴν ἔχοντες μήτε πεζῇ διαγωνίζεσθαι δυνάμενοι, βραχὺν ἀντισχόντες χρόνον ἐτράπησαν, εὐθὺ δʼ οἱ μὲν τὰς ναῦς, οἱ δὲ τὴν παρεμβολὴν ἐκλιπόντες ἔφυγον, ὅπου ποθʼ ἕκαστος ἤλπιζε σωθήσεσθαι.
아테네인들은 이 뜻밖의 사태에 경악하여, 함선을 출항시킬 여유도 없고 육지에서 싸울 힘도 없어, 잠시 버티다가 패주했다. 즉시 어떤 이들은 함선을, 다른 이들은 진영을 버리고 도망쳐 각자 살아남을 가망이 있는 곳으로 향했다.
§13.106.6τῶν μὲν οὖν τριήρων δέκα μόνον διεξέπεσον, ὧν μίαν ἔχων Κόνων ὁ στρατηγὸς τὴν μὲν εἰς Ἀθήνας ἐπάνοδον ἀπέγνω φοβηθεὶς τὴν ὀργὴν τοῦ δήμου, πρὸς Εὐαγόραν δὲ τὸν ἀφηγούμενον τῆς Κύπρου κατέφυγεν, ἔχων πρὸς αὐτὸν φιλίαν·
그리하여 삼단노선 중에서는 단 열 척만이 빠져나갔는데, 그중 한 척을 이끌던 장군 코논은 민중의 분노를 두려워하여 아테네로의 귀환을 포기하고, 그와 친분이 있던 키프로스의 통치자 에우아고라스에게로 망명했다.
τῶν δὲ στρατιωτῶν οἱ πλεῖστοι μὲν κατὰ γῆν φυγόντες εἰς Σηστὸν διεσώθησαν.
병사들 중 대부분은 육로를 통해 도망쳐 세스토스로 안전하게 피신했다.
§13.106.7Λύσανδρος δὲ τὰς λοιπὰς ναῦς παραλαβὼν αἰχμαλώτους, καὶ ζωγρήσας Φιλοκλέα τὸν στρατηγόν, ἀπαγαγὼν εἰς Λάμψακον ἀπέσφαξεν.
리산드로스는 남은 함선들을 나포하고 장군 필로클레스를 생포하여, 람프사코스로 끌고 가 처형했다.
μετὰ δὲ ταῦτʼ εἰς Λακεδαίμονα τοὺς τὴν νίκην ἀπαγγελοῦντας ἀπέστειλεν ἐπὶ τῆς κρατίστης τριήρους, κοσμήσας τοῖς πολυτελεστάτοις τὴν ναῦν ὅπλοις καὶ λαφύροις.
그 후 가장 우수한 삼단노선에 가장 값비싼 무기와 전리품들로 배를 장식하여, 승리를 보고할 전령들을 라케다이몬으로 파견했다.
§13.106.8ἐπὶ δὲ τοὺς εἰς Σηστὸν καταφυγόντας Ἀθηναίους στρατεύσας τὴν μὲν πόλιν εἷλε, τοὺς δʼ Ἀθηναίους ὑποσπόνδους ἀφῆκεν.
그는 세스토스로 피신한 아테네인들을 상대로 원정을 벌여 도시를 함락시켰으나, 아테네인들을 조약 하에 석방해 주었다.
εὐθὺς δὲ τῇ δυνάμει πλεύσας ἐπὶ Σάμον αὐτὸς μὲν ταύτην ἐπολιόρκει, Γύλιππον δὲ τὸν εἰς Σικελίαν τοῖς Συρακοσίοις τῷ ναυτικῷ συμπολεμήσαντα ἀπέστειλεν εἰς Σπάρτην τά τε λάφυρα κομίζοντα καὶ μετὰ τούτων ἀργυρίου τάλαντα χίλια καὶ πεντακόσια.
즉시 전 군세를 이끌고 사모스로 항해하여 몸소 그곳을 포위하는 한편, 시칠리아에서 시라쿠사편에 서서 해전에서 함께 싸웠던 길리포스를 전리품과 함께 은 1,500달란트를 지참하게 하여 스파르타로 파견했다.
§13.106.9ὄντος δὲ τοῦ χρήματος ἐν σακίοις, καὶ ταῦτʼ ἔχοντος ἑκάστου σκυτάλην ἔχουσαν τὴν ἐπιγραφὴν τὸ πλῆθος τοῦ χρήματος δηλοῦσαν, ταύτην ἀγνοήσας ὁ Γύλιππος τὰ μὲν σακία παρέλυσεν, ἐξελόμενος δὲ τάλαντα τριακόσια, καὶ διὰ τῆς ἐπιγραφῆς γνωσθεὶς ὑπὸ τῶν ἐφόρων, ἔφυγε καὶ κατεδικάσθη θανάτῳ.
이 돈은 자루에 들어 있었고, 각각의 자루에는 돈의 액수를 밝히는 명문이 새겨진 전령표가 딸려 있었으나, 길리포스는 이 전령표에 대해 알지 못한 채 자루를 풀어 300달란트를 빼돌렸다. 그리고 감독관들에 의해 명문으로 인해 발각되자, 그는 도망쳤고 사형을 선고받았다.
§13.106.10παραπλησίως δὲ καὶ τὸν πατέρα τοῦ Γυλίππου Κλέαρχον συνέβη φυγεῖν ἐν τοῖς ἔμπροσθεν χρόνοις, ὅτι δόξας παρὰ Περικλέους λαβεῖν χρήματα περὶ τοῦ τὴν εἰσβολὴν εἰς τὴν Ἀττικὴν μὴ ποιήσασθαι κατεδικάσθη θανάτῳ, καὶ φυγὼν ἐν Θουρίοις τῆς Ἰταλίας διέτριβεν.
이와 유사하게 예전에도 길리포스의 아버지 클레아르코스가 아티카 침공을 감행하지 않는 조건으로 페리클레스에게서 돈을 받은 혐의로 사형을 선고받아 망명했던 일이 있었으며, 그는 도망쳐 이탈리아의 투리이에서 지냈다.
οὗτοι μὲν οὖν, ἄνδρες ἱκανοὶ τἄλλα δόξαντες εἶναι, ταῦτα πράξαντες τὸν ἄλλον βίον αὐτῶν κατῄσχυναν.
그리하여 다른 부문에서는 유능하다고 여겨졌던 이 인물들은 이러한 짓을 저지름으로써 그들의 여생을 더럽히고 말았다.