§12.82.1τῷ δʼ ἑκκαιδεκάτῳ παρὰ μὲν Ἀθηναίοις ἦν ἄρχων Ἀρίμνηστος, ἐν Ῥώμῃ δʼ ἀντὶ τῶν ὑπάτων χιλίαρχοι κατεστάθησαν τέτταρες, Τίτος Κλαύδιος καὶ Σπόριος Ναύτιος, ἔτι δὲ Λούκιος Σέντιος καὶ Σέξτος Ἰούλιος.
제십육년에 아테네에서는 아림네스토스가 집정관이었고, 로마에서는 집정관 대신 네 명의 군사 집정관, 즉 티투스 클라우디우스, 스포리우스 나우티우스, 그리고 루키우스 센티우스와 섹스투스 율리우스가 임명되었다.
ἐπὶ δὲ τούτων παρὰ μὲν Ἠλείοις ἤχθη Ὀλυμπιὰς πρώτη πρὸς ταῖς ἐνενήκοντα, καθʼ ἣν ἐνίκα στάδιον Ἐξαίνετος Ἀκραγαντῖνος.
이들의 임기 중에 엘리스인들 사이에서 제구십일회 올림피아 제전이 개최되었으며, 이때 아크라가스의 엑사이네토스가 스타디온 경주에서 우승했다.
§12.82.2Βυζάντιοι δὲ καὶ Καλχηδόνιοι παραλαβόντες Θρᾷκας ἐστράτευσαν εἰς τὴν Βιθυνίαν πολλοῖς πλήθεσι, καὶ τήν τε χώραν ἐπόρθησαν καὶ πολλὰ τῶν μικρῶν πολισματίων ἐκπολιορκήσαντες ἐπετελέσαντο πράξεις ὠμότητι διαφερούσας·
비잔티온인들과 칼케돈인들은 트라키아인들을 대동하고 대군을 이끌고 비튀니아로 원정하여 그 영토를 황폐화시켰으며, 많은 작은 마을들을 포위하여 함락시킨 뒤 극도로 잔학한 행위들을 저질렀다.
πολλῶν γὰρ αἰχμαλώτων κρατήσαντες ἀνδρῶν τε καὶ γυναικῶν καὶ παίδων ἅπαντας ἀπέσφαξαν.
왜냐하면 남자와 여자와 아이들을 포함한 많은 포로들을 사로잡은 뒤 그들 모두를 학살했기 때문이다.
§12.82.3περὶ δὲ τοὺς αὐτοὺς χρόνους κατὰ τὴν Σικελίαν Ἐγεσταῖοι πρὸς Σελινουντίους ἐπολέμησαν περὶ χώρας ἀμφισβητησίμου, ποταμοῦ τὴν χώραν τῶν διαφερομένων πόλεων ὁρίζοντος.
대략 같은 시기에 시켈리아에서는 에게스타인들이 셀리누스인들과 분쟁 중인 영토를 두고 전쟁을 벌였는데, 한 강이 논쟁 중인 두 도시의 영토를 구분하고 있었다.
§12.82.4Σελινούντιοι δὲ διαβάντες τὸ ῥεῖθρον τὸ μὲν πρῶτον τῆς παραποταμίας βίᾳ κατέσχον, μετὰ δὲ ταῦτα καὶ τῆς προσκειμένης χώρας πολλὴν ἀποτεμόμενοι κατεφρόνησαν τῶν ἠδικημένων.
셀리누스인들은 강을 건너 처음에는 강변의 영토를 무력으로 점거했고, 그 후에는 인접한 영토의 많은 부분을 잘라내어 차지하고서 피해를 입은 이들을 깔보았다.
§12.82.5οἱ δʼ Ἐγεσταῖοι παροξυνθέντες τὸ μὲν πρῶτον διὰ τῶν λόγων πείθειν ἐπεβάλοντο μὴ ἐπιβαίνειν τῆς ἀλλοτρίας γῆς·
에게스타인들은 격분하여 처음에는 말로써 타인의 땅을 침범하지 말라고 설득하려고 시도했다.
ὡς δὲ οὐδεὶς αὐτοῖς προσεῖχεν, ἐστράτευσαν ἐπὶ τοὺς κατέχοντας τὴν χώραν, καὶ πάντας ἐκβαλόντες ἐκ τῶν ἀγρῶν αὐτοὶ τὴν χώραν κατέσχον.
그러나 아무도 자신들에게 주의를 기울이지 않자, 그들은 그 땅을 무단 점거하고 있던 자들을 상대로 진군하여 그들 모두를 농지에서 몰아내고 자신들이 그 땅을 차지했다.
§12.82.6γενομένης δὲ διαφορᾶς μεγάλης ἀμφοτέραις ταῖς πόλεσι, στρατιώτας ἀθροίσαντες διὰ τῶν ὅπλων ἐποιοῦντο τὴν κρίσιν.
양 도시 사이에 큰 분쟁이 일어나자, 그들은 군사들을 모아 무기로써 결판을 지으려 했다.
διόπερ ἀμφοτέρων παραταξαμένων ἐγένετο μάχη καρτερά, καθʼ ἣν Σελινούντιοι νικήσαντες ἀπέκτειναν τῶν Ἐγεσταίων οὐκ ὀλίγους.
그리하여 양측이 대치한 가운데 격렬한 전투가 벌어졌고, 이 전투에서 셀리누스인들이 승리하여 에게스타인들을 적지 않게 살해했다.
§12.82.7οἱ δʼ Ἐγεσταῖοι ταπεινωθέντες καὶ καθʼ ἑαυτοὺς οὐκ ὄντες ἀξιόμαχοι, τὸ μὲν πρῶτον Ἀκραγαντίνους καὶ Συρακοσίους ἔπειθον συμμαχῆσαι·
에게스타인들은 세력이 약해지고 스스로의 힘만으로는 대적할 수 없었기에, 처음에는 아크라가스인들과 시라쿠사인들을 설득하여 동맹을 맺고자 했다.
ἀποτυχόντες δὲ τούτων ἐξέπεμψαν πρεσβευτὰς εἰς τὴν Καρχηδόνα, δεόμενοι βοηθῆσαι·
그러나 이에 실패하자 그들은 카르타고에 사절단을 파견하여 도움을 간청했다.
οὐ προσεχόντων δʼ αὐτῶν, ἐζήτουν τινὰ διαπόντιον συμμαχίαν· οἷς συνήργησε ταὐτόματον.
카르타고인들이 귀를 기울이지 않자, 그들은 바다 건너의 동맹을 모색했고, 이들에게 우연이 도움을 주었다.