§12.80.1τοῦ δʼ ἐνιαυσίου χρόνου διεληλυθότος Ἀθήνησι μὲν ἦρχεν Ἀντιφῶν, ἐν Ῥώμῃ δʼ ἀντὶ τῶν ὑπάτων χιλίαρχοι τέτταρες κατεστάθησαν, Γάιος Φούριος καὶ Τίτος Κοΐντιος, ἔτι δὲ Μάρκος Ποστούμιος καὶ Αὖλος Κορνήλιος.
일 년의 시간이 흘렀을 때, 아테네에서는 안티폰이 집정관이었고, 로마에서는 집정관 대신 네 명의 군사 집정관, 즉 가이우스 푸리우스, 티투스 퀸크티우스, 그리고 마르쿠스 포스투미우스와 아울루스 코르넬리우스가 임명되었다.
ἐπὶ δὲ τούτων Ἀργεῖοι καὶ Λακεδαιμόνιοι διαπρεσβευσάμενοι πρὸς ἀλλήλους εἰρήνην ἐποιήσαντο καὶ συμμαχίαν συνέθεντο.
이들의 임기 중에 아르고스인들과 라케다이몬인들은 서로 사절을 보내 평화를 맺고 동맹을 체결했다.
§12.80.2διόπερ οἱ Μαντινεῖς ἀποβαλόντες τὴν ἀπὸ τῶν Ἀργείων βοήθειαν ἠναγκάσθησαν ὑποταγῆναι τοῖς Λακεδαιμονίοις.
그리하여 맨티네이아인들은 아르고스인들로부터의 원조를 잃었기에 라케다이몬인들에게 굴복할 수밖에 없었다.
περὶ δὲ τοὺς αὐτοὺς χρόνους ἐν τῇ πόλει τῶν Ἀργείων οἱ κατʼ ἐκλογὴν κεκριμένοι τῶν πολιτῶν χίλιοι συνεφώνησαν, καὶ τὴν μὲν δημοκρατίαν ἔγνωσαν καταλύειν, ἀριστοκρατίαν δʼ ἐξ αὑτῶν καθιστάναι.
대략 같은 시기에 아르고스 도시에서는 선발을 통해 엄선된 천 명의 시민들이 공모하여, 민주정을 타도하고 자신들 중에서 귀족정을 수립하기로 결정했다.
§12.80.3ἔχοντες δὲ πολλοὺς συνεργοὺς διὰ τὸ προέχειν τῶν πολιτῶν ταῖς οὐσίαις καὶ ταῖς ἀνδραγαθίαις, τὸ μὲν πρῶτον συλλαβόντες τοὺς δημαγωγεῖν εἰωθότας ἀπέκτειναν, τοὺς δʼ ἄλλους καταπληξάμενοι κατέλυσαν τοὺς νόμους καὶ διʼ ἑαυτῶν τὰ δημόσια διῴκουν.
이들은 재산과 용맹함에 있어 다른 시민들보다 뛰어났기 때문에 많은 동조자들을 얻었으며, 우선 첫째로 민중을 이끄는 데 익숙했던 자들을 체포하여 처형했고, 다른 이들을 위협하여 법률을 폐지한 뒤 자신들끼리 국정을 운영했다.
διακατασχόντες δὲ ταύτην τὴν πολιτείαν μῆνας ὀκτὼ κατελύθησαν, τοῦ δήμου συστάντος ἐπʼ αὐτούς·
이 정체를 여덟 달 동안 유지했으나, 민중이 그들에 맞서 결집함에 따라 타도되었다.
διὸ καὶ τούτων ἀναιρεθέντων ὁ δῆμος ἐκομίσατο τὴν δημοκρατίαν.
그리하여 이 자들이 처단되자 민중은 민주정을 되찾았다.
§12.80.4ἐγένετο δὲ καὶ ἑτέρα κίνησις κατὰ τὴν Ἑλλάδα·
그리스에서도 또 다른 동요가 일어났다.
καὶ Φωκεῖς γὰρ πρὸς Λοκροὺς διενεχθέντες παρατάξει ἐκρίθησαν διὰ τὴν οἰκείαν ἀνδρείαν·
포키스인들이 로크리스인들과 갈등을 빚어 자신들의 용맹함 덕분에 회전에서 결판을 지었던 것이다.
ἐνίκησαν γὰρ Φωκεῖς ἀνελόντες Λοκρῶν πλείους χιλίων.
즉, 포키스인들이 천 명 이상의 로크리스인들을 죽이고 승리했다.
§12.80.5Ἀθηναῖοι δὲ Νικίου στρατηγοῦντος εἷλον δύο πόλεις, Κύθηρα καὶ Νίσαιαν·
아테네인들은 니키아스가 지휘하는 가운데 두 도시인 키테라와 니사이아를 함락시켰다.
τήν τε Μῆλον ἐκπολιορκήσαντες πάντας ἡβηδὸν ἀπέσφαξαν, παῖδας δὲ καὶ γυναῖκας ἐξηνδραποδίσαντο.
또한 멜로스를 포위 공격하여 함락시키고 성인 남성들을 모두 학살했으며, 아이들과 여성들을 노예로 삼았다.
§12.80.6καὶ τὰ μὲν κατὰ τοὺς Ἕλληνας ἐν τούτοις ἦν.
그리스인들에 관한 일들은 이와 같았다.
κατὰ δὲ τὴν Ἰταλίαν Φιδηνᾶται μέν, παραγενομένων εἰς τὴν πόλιν αὐτῶν πρέσβεων ἐκ τῆς Ῥώμης, ἐπὶ μικραῖς αἰτίαις ἀνεῖλον τούτους.
한편 이탈리아에서는 피데나인들이, 로마에서 보낸 사절들이 자신들의 도시에 당도하자 사소한 이유로 그들을 살해했다.
§12.80.7ἐφʼ οἷς οἱ Ῥωμαῖοι παροξυνθέντες ἐψηφίσαντο πολεμεῖν, καὶ προχειρισάμενοι δύναμιν ἀξιόλογον εἵλοντο δικτάτωρα Ἄνιον Αἰμίλιον καὶ μετὰ τούτου κατὰ τὸ ἔθος Αὖλον Κορνήλιον ἵππαρχον.
이에 격분한 로마인들은 전쟁을 결의하고 상당한 규모의 군대를 소집하여 아니우스 에밀리우스를 독재관으로 선출했고, 그와 함께 관례에 따라 아울루스 코르넬리우스를 기병장관으로 선출했다.
§12.80.8ὁ δʼ Αἰμίλιος παρασκευασάμενος τὰ πρὸς τὸν πόλεμον, ἀνέζευξε μετὰ τῆς δυνάμεως ἐπὶ τοὺς Φιδηνάτας.
에밀리우스는 전쟁에 필요한 준비를 마친 뒤 군대를 이끌고 피데나인들을 향해 진군했다.
ἀντιταξαμένων δὲ τῶν Φιδηνατῶν ἐγένετο μάχη ἐπὶ πολὺν χρόνον ἰσχυρά, καὶ πολλῶν παρʼ ἀμφοτέροις πεσόντων ἰσόρροπος ὁ ἀγὼν ἐγένετο.
피데나인들이 이에 맞서 전열을 정비하자 오랫동안 격렬한 전투가 벌어졌고, 양측에서 많은 이들이 전사하여 전투는 팽팽하게 전개되었다.