§12.70.1ἀμφοτέρων δὲ προθύμως ὡρμημένων παρετάχθησαν αἱ δυνάμεις τόνδε τὸν τρόπον.
양편이 모두 열성적으로 나아간 가운데, 군세는 다음과 같은 방식으로 정렬했다.
παρὰ τοῖς Βοιωτοῖς ἐτάχθησαν ἐπὶ τὸ δεξιὸν κέρας Θηβαῖοι, ἐπὶ δὲ τὸ εὐώνυμον Ὀρχομένιοι, τὴν δὲ μέσην ἀνεπλήρουν φάλαγγα Βοιωτοί·
보이오티아인 편에서는 우익에 테바이인들이, 좌익에 오르코메노스인들이 배치되었고, 중앙의 방진은 보이오티아인들이 채웠다.
προεμάχοντο δὲ πάντων οἱ παρʼ ἐκείνοις ἡνίοχοι καὶ παραβάται καλούμενοι, ἄνδρες ἐπίλεκτοι τριακόσιοι.
그리고 그들 사이에서 '전차 몰이와 전투원'이라 불리는 300명의 정예병들이 모든 이들의 앞에서 싸웠다.
Ἀθηναῖοι δὲ διατάττοντες ἔτι τὴν δύναμιν ἠναγκάσθησαν συνάψαι μάχην.
반면 아테네인들은 군세를 아직 정렬하고 있던 중에 전투를 치르도록 강요받았다.
§12.70.2γενομένης δὲ τῆς παρατάξεως ἰσχυρᾶς, τὸ μὲν πρῶτον οἱ τῶν Ἀθηναίων ἱππεῖς ἀγωνιζόμενοι λαμπρῶς ἠνάγκασαν φυγεῖν τοὺς ἀντιστάντας ἱππεῖς·
전투가 치열해지자, 처음에는 아테네인의 기병들이 눈부시게 싸워 대치하던 기병들을 패주하게 만들었다.
μετὰ δὲ ταῦτα τῶν πεζῶν διαγωνισαμένων οἱ ταχθέντες κατὰ τοὺς Θηβαίους Ἀθηναῖοι βιασθέντες ἐτράπησαν, οἱ δὲ λοιποὶ τοὺς ἄλλους Βοιωτοὺς τρεψάμενοι καὶ συχνοὺς ἀνελόντες ἐφʼ ἱκανὸν τόπον ἐδίωξαν.
그 후 보병들이 맞서 싸웠을 때, 테바이인들과 맞서도록 배치되었던 아테네인들은 압도당해 패주하였으나, 나머지 아테네인들은 다른 보이오티아인들을 패주시켰고, 많은 수를 죽이며 상당한 거리까지 추격했다.
§12.70.3οἱ δὲ Θηβαῖοι, διαφέροντες ταῖς τῶν σωμάτων ῥώμαις, ἐπέστρεψαν ἀπὸ τοῦ διωγμοῦ, καὶ τοῖς διώκουσι τῶν Ἀθηναίων ἐπιπεσόντες φυγεῖν ἠνάγκασαν·
그러나 육체적 강건함에서 우세했던 테바이인들은 추격으로부터 발길을 돌려, 추격 중이던 아테네인들을 덮쳐 패주하게 만들었다.
ἐπιφανεῖ δὲ μάχῃ νικήσαντες μεγάλην ἀπηνέγκαντο δόξαν πρὸς ἀνδρείαν.
그리하여 현저한 전투에서 승리함으로써 용맹에 대한 커다란 명성을 얻었다.
§12.70.4τῶν δʼ Ἀθηναίων οἱ μὲν εἰς Ὠρωπόν, οἱ δὲ εἰς τὸ Δήλιον κατέφυγον, τινὲς δὲ πρὸς τὴν θάλατταν διέτειναν πρὸς τὰς ἰδίας ναῦς, ἄλλοι δὲ κατʼ ἄλλους ὡς ἔτυχε τόπους διεσπάρησαν.
아테네인들 중 일부는 오로포스로, 일부는 델리온으로 도망쳤고, 어떤 이들은 자신들의 배를 향해 바다로 달려갔으며, 다른 이들은 무작위로 다른 장소들로 흩어졌다.
ἐπιγενομένης δὲ τῆς νυκτὸς ἔπεσον τῶν μὲν Βοιωτῶν οὐ πλείους τῶν πεντακοσίων, τῶν δʼ Ἀθηναίων πολλαπλάσιοι τούτων.
밤이 찾아왔을 때, 보이오티아인 중에서는 500명 이하가 전사했으나, 아테네인 중에서는 이의 수배에 달하는 이들이 전사했다.
εἰ μὲν οὖν ἡ νὺξ μὴ προκατέλαβεν, οἱ πλεῖστοι τῶν Ἀθηναίων ἂν ἐτελεύτησαν·
그러므로 만일 밤이 미리 찾아와 가로막지 않았다면, 아테네인들의 대부분이 목숨을 잃었을 것이다.
αὕτη γὰρ μεσολαβήσασα τὰς τῶν διωκόντων ὁρμὰς διέσωσε τοὺς φεύγοντας.
왜냐하면 밤이 추격하는 자들의 기세를 가로막음으로써 도망치는 자들을 구해주었기 때문이다.
§12.70.5ὅμως δὲ τοσοῦτο πλῆθος τῶν ἀναιρεθέντων ἦν, ὥστε τοὺς Θηβαίους ἐκ τῆς τῶν λαφύρων τιμῆς τήν τε στοὰν τὴν μεγάλην ἐν ἀγορᾷ κατασκευάσαι καὶ χαλκοῖς ἀνδριᾶσι κοσμῆσαι, τοὺς δὲ ναοὺς καὶ τὰς κατὰ τὴν ἀγορὰν στοὰς τοῖς ὅπλοις τοῖς ἐκ τῶν σκύλων προσηλωθεῖσι καταχαλκῶσαι· τήν τε τῶν Δηλίων πανήγυριν ἀπὸ τούτων τῶν χρημάτων ἐνεστήσαντο ποιεῖν.
그럼에도 전사자의 수가 매우 많았기에, 테바이인들은 전리품의 가격으로 광장에 커다란 주랑을 건설하고 청동 입상들로 장식했으며, 또한 신전들과 광장에 있는 주랑들을 전리품에서 나온 무기들을 못 박아 고정함으로써 청동으로 덮었고, 이 자금으로 델리온 축제를 거행하기로 정했다.
§12.70.6μετὰ δὲ τὴν μάχην οἱ μὲν Βοιωτοὶ τῷ Δηλίῳ προσβολὰς ποιησάμενοι κατὰ κράτος εἷλον τὸ χωρίον·
전투가 끝난 후, 보이오티아인들은 델리온에 공격을 가해 무력으로 그곳을 점령했다.
τῶν δὲ φρουρούντων τὸ Δήλιον οἱ πλείους μὲν μαχόμενοι γενναίως ἀπέθανον, διακόσιοι δὲ ἥλωσαν·
델리온을 지키던 자들 중 대부분은 용감하게 싸우다 전사했고, 200명이 생포되었다.
οἱ δὲ λοιποὶ κατέφυγον εἰς τὰς ναῦς, καὶ διεκομίσθησαν μετὰ τῶν ἄλλων εἰς τὴν Ἀττικήν.
나머지 자들은 배로 도망쳤고, 다른 이들과 함께 아티카로 수송되었다.
Ἀθηναῖοι μὲν οὖν ἐπιβουλεύσαντες τοῖς Βοιωτοῖς τοιαύτῃ συμφορᾷ περιέπεσον.
이리하여 보이오티아인들을 상대로 음모를 꾸몄던 아테네인들은 이와 같은 재난을 겪게 되었다.