§12.43.1ἐπʼ ἄρχοντος δʼ Ἀθήνησιν Ἀπολλοδώρου Ῥωμαῖοι κατέστησαν ὑπάτους Μάρκον Γεγάνιον καὶ Λούκιον Σέργιον.
아테네에서 아폴로도로스가 아르콘으로 있을 때, 로마인들은 마르쿠스 게가니우스와 루키우스 세르기우스를 집정관으로 삼았다.
ἐπὶ δὲ τούτων ὁ τῶν Ἀθηναίων στρατηγὸς οὐ διέλιπε τὴν μὲν χώραν τῶν Πελοποννησίων λεηλατῶν καὶ καταφθείρων, τὰ δὲ φρούρια πολιορκῶν·
이들의 임기 동안 아테네인의 장군은 펠로폰네소스인들의 영토를 약탈하고 황폐화하며 요새들을 포위하는 일을 쉬지 않았다.
προσγενομένων δὲ αὐτῷ πεντήκοντα τριήρων ἐκ τῆς Κερκύρας, πολὺ μᾶλλον ἐπόρθει τὴν Πελοποννησίων χώραν, καὶ μάλιστα τῆς παραθαλαττίου τὴν καλουμένην Ἀκτὴν ἐδῄου καὶ τὰς ἐπαύλεις ἐνεπύριζε. §12.43.2μετὰ δὲ ταῦτα πλεύσας ἐπὶ Μεθώνην τῆς Λακωνικῆς, τήν τε χώραν κατέσυρε καὶ τῇ πόλει προσβολὰς ἐποιεῖτο.
케르키라로부터 삼단노선 쉰 척이 그에게 합류하자, 그는 펠로폰네소스인들의 영토를 훨씬 더 격렬하게 약탈했고, 특히 연안 지방의 이른바 아크테라 불리는 곳을 황폐화하고 농가들을 불태웠다.그 뒤 그는 라코니케의 메토네를 향해 항해하여 영토를 유린하고 시에 공격을 가했다.
ἔνθα δὴ Βρασίδας ὁ Σπαρτιάτης, νέος μὲν ὢν τὴν ἡλικίαν, ἀλκῇ δὲ καὶ ἀνδρείᾳ διαφέρων, ὁρῶν τὴν Μεθώνην κινδυνεύουσαν ἐκ βίας ἁλῶναι, παραλαβών τινας τῶν Σπαρτιατῶν διὰ μέσου τῶν πολεμίων ἐσκεδασμένων ἐτόλμησε διεκπερᾶσαι, καὶ πολλοὺς ἀνελὼν παρεισέπεσεν εἰς τὸ χωρίον. §12.43.3γενομένης δὲ πολιορκίας, καὶ τοῦ Βρασίδου λαμπρότατα κινδυνεύσαντος, Ἀθηναῖοι μὲν οὐ δυνάμενοι τὸ χωρίον ἑλεῖν ἀπεχώρησαν πρὸς τὰς ναῦς, Βρασίδας δὲ διασεσωκὼς τὴν Μεθώνην διὰ τῆς ἰδίας ἀρετῆς καὶ ἀνδρείας ἀποδοχῆς ἔτυχε παρὰ τοῖς Σπαρτιάταις.
바로 그때 스파르타인 브라시다스는 나이는 젊었으나 힘과 용맹함에서 뛰어났는데, 메토네가 무력으로 함락될 위기에 처한 것을 보고 몇몇 스파르타인들을 대동하여 분산되어 있던 적들의 한가운데를 감히 돌파했고, 많은 적을 죽이고 그곳으로 입성했다.포위 공격이 진행되고 브라시다스가 가장 눈부시게 위험에 맞서 싸우자, 아테네인들은 그곳을 함락하지 못하고 배로 퇴각했다. 반면 브라시다스는 자신의 뛰어난 기량과 용맹함으로 메토네를 구출해 내어 스파르타인들 사이에서 찬사를 받았다.
διὰ δὲ τὴν ἀνδραγαθίαν ταύτην φρονηματισθείς, πολλάκις ἐν τοῖς ὕστερον χρόνοις παραβόλως ἀγωνιζόμενος μεγάλην δόξαν ἀνδρείας ἀπηνέγκατο. §12.43.4Ἀθηναῖοι δὲ περιπλεύσαντες εἰς τὴν Ἠλείαν τήν τε χώραν ἐπόρθουν καὶ Φειὰν χωρίον Ἠλείων ἐπολιόρκουν.
이 영웅적인 행위로 자신감을 얻은 그는 이후의 시기에도 종종 위험을 무릅쓰고 싸우며 용맹함으로 큰 명성을 얻었다.아테네인들은 엘리스로 회항하여 영토를 약탈하고 엘리스인들의 요새인 페이아를 포위했다.
ἐκβοηθησάντων δὲ τῶν Ἠλείων, μάχῃ τε ἐνίκησαν καὶ πολλοὺς ἀποκτείναντες τῶν πολεμίων εἷλον τὰς Φειὰς κατὰ κράτος. §12.43.5μετὰ δὲ ταῦτα τῶν Ἠλείων πανδημεὶ παραταξαμένων ἀπεκρούσθησαν εἰς τὰς ναῦς·
엘리스인들이 구원을 위해 출격했으나, 아테네인들은 전투에서 승리하고 많은 적을 죽인 끝에 페이아를 무력으로 함락했다.그 뒤 엘리스인들이 총동원되어 대오를 갖추자 아테네인들은 배로 격퇴당했다.
εἶτʼ ἀποπλεύσαντες εἰς τὴν Κεφαλληνίαν, καὶ τοὺς ταύτην κατοικοῦντας εἰς τὴν συμμαχίαν προσαγαγόμενοι, τὸν εἰς τὰς Ἀθήνας πλοῦν ἐποιήσαντο.
그런 다음 케팔레니아로 항해하여 그곳에 거주하는 자들을 동맹에 끌어들인 뒤 아테네로 가는 항해길에 올랐다.