§12.39.1τὸ τῆς Ἀθηνᾶς ἄγαλμα Φειδίας μὲν κατεσκεύαζε, Περικλῆς δὲ ὁ Ξανθίππου καθεσταμένος ἦν ἐπιμελητής.
아테나 신상은 페이디아스가 제작하고 있었고, 크산티포스의 아들 페리클레스가 감독관으로 임명되어 있었다.
τῶν δὲ συνεργασαμένων τῷ Φειδίᾳ τινὲς διενεχθέντες ὑπὸ τῶν ἐχθρῶν τοῦ Περικλέους ἐκάθισαν ἐπὶ τῶν τῶν θεῶν βωμῶν·
그런데 페이디아스와 함께 작업하던 자들 중 일부가 페리클레스의 적들에 의해 대립하게 되어 신들의 제단에 탄원자로서 앉았다.
διὰ δὲ τὸ παράδοξον προσκαλούμενοι ἔφασαν πολλὰ τῶν ἱερῶν χρημάτων ἔχοντα Φειδίαν δείξειν, ἐπισταμένου καὶ συνεργοῦντος τοῦ ἐπιμελητοῦ Περικλέους.
그리하여 그 기이한 사태 때문에 소환되자, 그들은 감독관인 페리클레스가 인지하고 협조하는 가운데 페이디아스가 신성한 자금을 많이 횡령했음을 증명해 보이겠다고 주장했다.
§12.39.2διόπερ ἐκκλησίας συνελθούσης περὶ τούτων, οἱ μὲν ἐχθροὶ τοῦ Περικλέους ἔπεισαν τὸν δῆμον συλλαβεῖν τὸν Φειδίαν, καὶ αὐτοῦ τοῦ Περικλέους κατηγόρουν ἱεροσυλίαν.
그리하여 이 일에 대해 민회가 소집되자, 페리클레스의 적들은 민중을 설득하여 페이디아스를 체포하게 했고, 페리클레스 자신에게도 신성 모독 혐의를 씌워 고발했다.
πρὸς δὲ τούτοις Ἀναξαγόραν τὸν σοφιστήν, διδάσκαλον ὄντα Περικλέους, ὡς ἀσεβοῦντα εἰς τοὺς θεοὺς ἐσυκοφάντουν·
이에 더하여 그들은 페리클레스의 스승이었던 소피스트 아낙사고라스를 신들에 대해 불경하다며 무고했다.
συνέπλεκον δʼ ἐν ταῖς κατηγορίαις καὶ διαβολαῖς τὸν Περικλέα, διὰ τὸν φθόνον σπεύδοντες διαβαλεῖν τὴν τἀνδρὸς ὑπεροχήν τε καὶ δόξαν.
그리고 그들은 시기심 때문에 그 사람의 탁월함과 명성을 훼손하고자 서두르면서, 고발과 중상모략 속에 페리클레스를 엮어 넣었다.
§12.39.3ὁ δὲ Περικλῆς, εἰδὼς τὸν δῆμον ἐν μὲν τοῖς πολεμικοῖς ἔργοις θαυμάζοντα τοὺς ἀγαθοὺς ἄνδρας διὰ τὰς κατεπειγούσας χρείας, κατὰ δὲ τὴν εἰρήνην τοὺς αὐτοὺς συκοφαντοῦντα διὰ τὴν σχολὴν καὶ φθόνον, ἔκρινε συμφέρειν αὑτῷ τὴν πόλιν ἐμβαλεῖν εἰς μέγαν πόλεμον, ὅπως χρείαν ἔχουσα τῆς Περικλέους ἀρετῆς καὶ στρατηγίας μὴ προσδέχηται τὰς κατʼ αὐτοῦ διαβολάς, μηδʼ ἔχῃ σχολὴν καὶ χρόνον ἐξετάζειν ἀκριβῶς τὸν περὶ τῶν χρημάτων λόγον.
한편 페리클레스는 민중이 전쟁 시에는 절박한 필요성 때문에 훌륭한 사람들을 우러러보지만, 평화 시에는 한가함과 시기심 때문에 바로 그 사람들을 모함한다는 것을 알고 있었기에, 도시를 대전쟁에 몰아넣는 것이 자신에게 이롭다고 판단했다. 그렇게 함으로써 국가가 페리클레스의 역량과 장군으로서의 자질을 필요로 하여 그에 대한 중상을 받아들이지 않을 것이며, 자금에 관한 회계 보고를 엄격하게 심사할 한가함과 시간도 갖지 못할 것이기 때문이었다.
§12.39.4ὄντος δὲ ψηφίσματος παρὰ τοῖς Ἀθηναίοις Μεγαρέας εἴργεσθαι τῆς τε ἀγορᾶς καὶ τῶν λιμένων, οἱ Μεγαρεῖς κατέφυγον ἐπὶ τοὺς Σπαρτιάτας.
아테네인들 사이에 메가라인들을 광장과 항구로부터 배제한다는 결의안이 존재하고 있었으므로, 메가라인들은 스파르타인들에게 도피하여 도움을 청했다.
οἱ δὲ Λακεδαιμόνιοι πεισθέντες τοῖς Μεγαρεῦσιν ἀπέστειλαν πρέσβεις ἐκ τοῦ προφανεστάτου ἀπὸ τῆς τοῦ κοινοῦ συνεδρίου γνώμης προστάττοντες τοῖς Ἀθηναίοις ἀνελεῖν τὸ κατὰ τῶν Μεγαρέων ψήφισμα, μὴ πειθομένων δὲ αὐτῶν ἀπειλοῦντες πολεμήσειν αὐτοῖς μετὰ τῶν συμμάχων.
이에 라케다이몬인들은 메가라인들의 설득에 넘어가, 공동 평의회의 결의에 따라 매우 명백한 방식으로 사절단을 파견하여 아테네인들에게 메가라인들에 대한 결의안을 폐지하라고 명령했으며, 순응하지 않을 경우 동맹국들과 함께 전쟁을 벌이겠다고 위협했다.
§12.39.5συναχθείσης οὖν περὶ τούτων ἐκκλησίας, ὁ Περικλῆς, δεινότητι λόγου πολὺ διαφέρων ἁπάντων τῶν πολιτῶν, ἔπεισε τοὺς Ἀθηναίους μὴ ἀναιρεῖν τὸ ψήφισμα, λέγων ἀρχὴν δουλείας εἶναι τὸ πείθεσθαι παρὰ τὸ συμφέρον τοῖς Λακεδαιμονίων προστάγμασι.
그리하여 이 일에 대해 민회가 소집되자, 연설의 탁월함에 있어 다른 모든 시민들을 훨씬 능가했던 페리클레스는, 자신들의 이익에 반하여 라케다이몬인들의 명령에 복종하는 것은 예속의 시작이라고 말하며 아테네인들이 그 결의안을 철회하지 않도록 설득했다.
συνεβούλευεν οὖν τὰ ἀπὸ τῆς χώρας κατακομίζειν εἰς τὴν πόλιν καὶ θαλαττοκρατοῦντας διαπολεμεῖν τοῖς Σπαρτιάταις.
그리하여 그는 농촌 지역으로부터 물자들을 시내로 들여오고, 해상권을 장악한 상태에서 스파르타인들을 상대로 끝까지 전쟁을 수행하라고 권고했다.